20. nóvember - 27. nóvember - Tbl 47
Hjólin eru farin að snúast
Birna Pétursdóttir, leik- og kvikmyndagerðarkona
Birna Pétursdóttir er leikkona, söngkona, handritshöfundur, leikstjóri og ýmislegt fleira. Hún var um skeið dagskrárgerðarkona á N4 en þar kynntist hún tilvonandi eiginmanni sínum, Árna Theódórssyni, sem einnig er kvikmyndagerðarmaður. Fyrir um ári síðan hættu þau bæði störfum hjá sjónvarpsstöðinni N4 og stofnuðu framleiðslufyrirtækið -Fluga hugmyndahús-. Í september ætla þau að ganga í það heilaga en athöfnin og veislan verður að Karlsstöðum í Berufirði. Vikudagur tók þessa atorkusömu ungu konu tali.
Birna segir að það sé búið að vera brjálað að gera frá því að þau Árni stofnuðu Flugu hugmyndahús. Meðal verkefna sem þau eru að vinna að núna er þriggja þátta sería um fyrstu vesturfarana. Hugmyndin vaknaði þegar Birna tók námskeið í safnafræði í tengslum við mastersnám sitt í þjóðfræði. Hluti af námskeiðinu var heimsókn til Vestmannaeyja í Safnheima. Þar hafi hún séð litla sýningu um vesturferðir íslenskra mormóna árið 1854.
„Þá kviknaði hugmynd um að gera heimildamynd um þessar fyrstu vesturferðir. Við gerðum smá handrit, ég og Árni og sendum á RÚV og þá fór boltinn að rúlla. Nú erum við að gera þriggja þátta seríu um fyrstu Vesturfarana. Það voru 400 hunduð mormónar sem fluttust til Utah í Bandaríkjunum. Það er almennt talað um að vesturferðirnar hefjist um 1870 en þessar vesturferðir íslenskra mormóna til Utah byrjuðu 1854. Þarna tölum við um fyrstu Vesturfarana og í rauninni voru þessar ferðir trúarlegs eðlis. Af þessum 400 hundruð komu 200 manns frá Vestmannaeyjum sem er mjög merkilegt því íbúar eyjanna voru ekki nema um 500 á þessum tíma,“ segir Birna og bætir við: „Við erum búin að vera við tökur í þrjár vikur í Utah í Bandaríkjunum og erum svo núna í tökum í Vestmannaeyjum.“
Viðtalið í heild sinni má nálgast í prentútgáfu Vikudags, en þess má geta, sem ekki kemur fram í viðtalinu að Birna mun birtast á sjónvarpsskjáum landsmanna í vetur en hún hefur verið ráðin dagskrárgerðarmaður í Landanum á RÚV.
- Vikudagur, 17. ágúst 2017.
Nýjast
-
Listasafnið á Akureyri: Opnun, fimmtudagskvöldið 28. nóvember
Fimmtudagskvöldið 28. nóvember kl. 20-22 verða opnaðar tvær sýningar í Listasafninu á Akureyri: Sólveig Baldursdóttir – Augnablik-til baka og Átthagamálverkið: Á ferð um Norðausturland liðinnar aldar. Boðið verður upp á sýningarstjóraspjall með Markúsi Þór Andréssyni, sýningarstjóra Átthagamálverksins, kl. 20.40 og listamannaspjall með Sólveigu kl. 21. -
Íslandsþari með ný áform um þaravinnslu á Húsavík
Íslandsþari óskar eftir að fá úthlutað lóðinni að Búðarfjöru 1 á Húsavík til uppbyggingar húsnæðis til úrvinnslu stórþara. -
Betra veður fyrir íþróttakrakkana okkar!
Á ferð minni um okkar víðfema og fallega kjördæmi hef ég lent í allskyns vandræðum í öllum veðrum nú í nóvember. Ég er sannarlega ekki einn um það enda vegir landsins uppfullir af spennandi frambjóðendum í leit að sem flestum samtölum við fólkið í landinu. Frambjóðendur keppast nú við að birta myndir og myndbönd af skafrenningi, snjókomu, blindbyljum og fleira til. Allt til þess gert að sýna fólki hversu vandasamt það getur verið að ferðast um landið í nóvember. Sem betur fer er bara kosið á fjögurra ára fresti og oftast á vorin. Þess vegna er þetta nú frekar undantekning en hitt að frambjóðendur þurfi að vaða út í þetta veður og þessa færð í atkvæðaleit. -
Nærsamfélagið tekur höndum saman
Jólatónleikar til styrktar Sigrúnu Björgu Aðalgeirsdóttur og fjölskyldu -
Jólamatur fátæka mannsins
Einn af mínum allra uppáhalds fuglum er rjúpan. Rjúpan nam hér land við lok ísaldar fyrir um 10.000 árum og kom upprunalega frá Grænlandi. Hún á sér lengri forsögu hér en við. Mér finnst hún ekki bara falleg, hún er brögðótt, á 3 alklæðnaði og þegar hún ver unga sína, þá sýnir hún vanmetna vitsmuni. -
Hver grípur þig?
„Við vildum að fólk gerði sér grein fyrir hvaða þjónusta er í boði og hvert er hægt að sækja hana þegar aðstoðar er þörf, fólki að kostnaðarlausu. Einnig langar okkur með málþinginu að styrkja samstarfið á milli félaganna, að fulltrúar þeirra séu upplýst um aðra kosti sem eru í boði fyrir fólk og geti bent málum í réttan farveg eða til viðeigandi félagasamtaka,“ segir Erla Lind Friðriksdóttir um málþing sem hún stendur fyrir ásamt frænku sinni Birnu Guðrúnu Árnadóttur. -
Sérútbúinn lögreglubíll til landamæraeftirlits
Embætti Lögreglunnar á Norðurlandi eystra hefur fengið til eignar sérútbúinn lögreglubíl til afnota við landamæraeftirlit. Segja má að þar sé á ferðinni fullbúin landamærastöð á hjólum. Landamæra- og áritunarsjóður Evrópusambandsins greiddi 75% kostnaðar og Dómsmálaráðuneytið 25% og skiptu einnig með sér kostnaði við einn starfsmann í þrjá mánuði síðastliðið sumar. -
Klúbbar styrkja Frú Ragnheiði
Klúbbarnir Ladies Circle 7 og Round Table 15 afhentu Frú Ragnheiði rausnarlegar styrk í vikunni, ómetnalegur styrkur . „Við erum svo innilega þakklát og mun þetta nýtast skjólstæðingum okkar vel segir í tilkynningu, en styrkurinn er að upphæð um 630 þúsund krónur. -
Gjaldfrjáls leikskóli dregur úr álagi og bætir líðan barna
Gjaldfrjáls leikskóli hefur reynst áhrifarík leið til að draga úr álagi í leikskólum, á skólastjórnendur og starfsfólk og hefur jákvæð áhrif á börnin.
