13.nóvember - 20.nóvember - Tbl 46
Heilbrigðisstofnun Norðurlands tekur við rekstri Öldrunarheimila Akureyrar
ÖA reka heimili fyrir um 180 íbúa á tveimur stöðum á Akureyri, í Hlíð og Lögmannshlíð. Mynd Akureyrarbær
Heilbrigðisstofnun Norðurlands tekur við rekstri Öldrunarheimila Akureyrar
Svandís Svavarsdóttir heilbrigðisráðherra hefur ákveðið að fela Heilbrigðisstofnun Norðurlands (HSN) að taka tímabundið við rekstri Öldrunarheimila Akureyrar (ÖA) frá og með næstu áramótum. „Öldrunarheimilin hafa verið þekkt fyrir nýsköpun og góða þjónustu við íbúana. Rekstur þeirra fellur vel að okkar starfsemi. Við teljum að við getum lært mikið af þeim og hlökkum til samstarfsins,“ segir Jón Helgi Björnsson forstjóri HSN. Lagt er allt kapp á að undirbúa þessa breytingu vandlega þannig að íbúar og aðstandendur verði ekki fyrir óþægindum.
Akureyrarbær hefur rekið ÖA sem hluta af velferðarþjónustu sveitarfélagsins samkvæmt samningi við Sjúkratryggingar Íslands fyrir hönd ríkisins. Bæjarráð Akureyrarbæjar samþykkti fyrr á þessu ári að óska ekki eftir framlengingu á rekstrarsamningi sem rennur út 31. desember 2020.
Viðræður hafa undanfarna mánuði átt sér stað um rekstur hjúkrunarheimila á Akureyri þar sem megin áherslan hefur verið lögð á að standa vörð um gæði þjónustunnar og koma í veg fyrir óvissu á meðan unnið er að framtíðarskipan málaflokksins. Sú niðurstaða sem kynnt er í dag er mikilvægur liður í því. Á vegum heilbrigðisráðuneytisins er að hefjast vinna við úttekt á rekstri hjúkrunarheimila landsins og mun högun rekstrar til framtíðar taka mið af niðurstöðu þessarar úttektar.
Starfsfólk færist yfir til HSN um áramót
Breytt rekstrarfyrirkomulag hefur í för með sér að frá og með 1. janúar næstkomandi færast á þriðja hundrað starfsmenn ÖA frá Akureyrarbæ til HSN, en réttindi og kjör þeirra haldast óbreytt samkvæmt kjarasamningum sem eru í gildi. Öldrunarheimilin hafa lengi átt því láni að fagna að hafa frábært og reynslumikið starfsfólk innanborðs og er lögð rík áhersla á að það verði fyrir sem minnstum áhrifum af þessum breytingum.
ÖA reka heimili fyrir um 180 íbúa á tveimur stöðum á Akureyri, í Hlíð og Lögmannshlíð. Þau hafa verið í fararbroddi í þróun og nýsköpun í öldrunarþjónustu með áherslu á aukinn sveigjanleika og að mæta mismunandi þörfum notenda. Allir sem að málinu koma eru sammála um mikilvægi þess að halda áfram því góða starfi sem unnið hefur verið á Öldrunarheimilunum með það að leiðarljósi að veita áfram framúrskarandi þjónustu.
Fagna niðurstöðunni
Ásthildur Sturludóttir bæjarstjóri á Akureyri segist fagna þessari niðurstöðu enda sé tryggt að mikilvæg þjónusta ÖA skerðist ekki þegar núgildandi rekstrarsamningur rennur út. „Það skiptir Akureyrarbæ öllu máli að hlúa vel að eldra fólki og í öldrunarþjónustu felast mikil tækifæri til nýsköpunar. Þessi tækifæri er nauðsynlegt að grípa og þróa þjónustuna áfram til framtíðar. HSN er algjör lykilstofnun í okkar samfélagi sem við treystum vel til verksins,“ segir Ásthildur.
María Heimisdóttir forstjóri Sjúkratrygginga Íslands segir að samstarfið við Akureyrarbæ hafi alltaf verið gott. „En nú skilja leiðir á þessum vettvangi. Við erum mjög ánægð með að HSN taki að sér rekstur þessarar öflugu einingar og teljum gæðum og öryggi þjónustunnar vel borgið þar meðan unnið er að framtíðarskipulagi þessara mála,“ segir María. Þetta kemur fram á vefsíðu Akureyrarbæjar.
Nýjast
-
Hið fullkomna stjórnarfar
Mannkynið hefur gert tilraunir með margskonar stjórnarfar. Þetta lærdómsferli hefur því miður kostnað blóð og mannfórnir en það hefur fært okkur vitneskjuna um að lýðræði er besta stjórnarfarið sem mannkynið hefur þekkt. Ekkert stjórnskipulag hefur fært mannkyni jafn miklar framfarir, öryggi, réttlæti og almenna hagsæld en lýðræðið. -
Hættum að slá ryki í augun á fólki !
Greinin er skrifuð í nafni Stangaveiðifélags Akureyrar, Stangaveiðifélagsins Flúða, Veiðifélags Fnjóskár, Veiðifélags Eyjafjarðarár, Veiðifélags Hörgár, Fiskirannsókna ehf, félagsskapar sem kallast Bleikjan - Styðjum stofninn, SUNN - Samtaka um náttúruvernd á Norðurlandi, Landssambands veiðifélaga, NASF – Verndarsjóðs villtra laxastofna og Íslenska náttúruverndarsjóðsins – IWF. -
Eldri borgarar hafa áhyggjur af öryggismálum í Sölku
Fulltrúar í Félagi Eldri borgara á Akureyri hafa lýst yfir áhyggjum sínum af öryggismálum í kjallara félagsmiðstöðvarinnar Sölku í Víðilundi á Akureyri. Þeir hvetja til þess að vinnueftirlit, heilbrigðiseftirlit og eldvarnareftirlit verði fengið til að gera heildarúttekt á húsnæðinu vegna þeirrar starfsemi sem þar fer fram á vegum Akureyrarbæjar. -
Gestir í Lystigarði um 159 þúsund á 10 mánuðum
Alls heimsóttu rúmlega 159 þúsund gestir í Lystigarðinni á Akureyri á 10 mánaða tímabili, frá byrjun janúar til loka október samkvæmt teljurum sem þar eru. Þetta kemur fram í minnisblaði sem fjallað var um á fundi umhverfis- og mannvirkjaráðs. -
Sólveig Lára er Ungskáld Akureyrar 2024
Það var vel við hæfi að í dag, á degi íslenskrar tungu, voru úrslit í ritlistakeppni Ungskálda 2024 kunngjörð á Amtsbókasafninu. Fyrstu veðlaun hlaut Sólveig Lára Skarphéðinsdóttir fyrir verkið Stök. -
Á að vera landbúnaður á Íslandi?
Þetta er grundvallarspurning sem allir íslendingar þurfa að gera upp við sig ásamt þeirri spurningu hvort byggð eigi yfir höfuð að haldast annars staðar en á sv-horninu. Með ríkjandi borgríkisstefnu síðustu ára í boði Sjálfstæðisflokks, Framsóknarflokks og Vinstri grænna hefur það skilað 85% þjóðarinnar á eitt horn landsins. -
50 ára afmælisfagnaður Geðverndarfélags Akureyrar
Geðverndarfélag Akureyrar hélt upp á 50 ára afmæli sitt nýverið, en félagið var stofnað þann 15. desember 1974. Um 50 manns mættu í fagnaðinn, hlýddu á fróðleg erindi, nutu lifandi tónlistar og glæsilegra veitinga. -
Tónkvíslin, söngkeppni Framhaldsskólans á Laugum fer fram í kvöld
Tónkvíslin, söngkeppni Framhaldsskólans á Laugum er meðal stærstu menningarviðburða á Norðausturlandi. Tónkvíslin verður haldin í 18. skipti í kvöld 16. nóvember. Sigurvegari keppninnar keppir fyrir hönd skólans í söngkeppni framhaldsskólanna, þar sem margar stjörnur hafa einmitt stigið sín fyrstu skref. Þar má meðal annars nefna Birgittu Haukdal sem flestum landsmönnum er vel kunn. -
Bakþankar bæjarfulltrúa Því ekki að gera tilraun?
Það snjóaði um daginn. Götur urðu flughálar. Og ég dreif mig með bíl konu minnar í dekkjaskipti. Þú kemst að eftir tíu daga, var svarið sem ég fékk.
