27. nóvember - 4. desember - Tbl 48
Hátíð þekkingar, fræða og skapandi hugsunar
Bjarni Aðalgeirsson afhenti Óla Halldórssyni lyklana á táknrænann hátt fyrir hönd Langaness. Guðni Th. Jóhannesson forseti lýðveldisins er með þeim á myndinni. Mynd/epe
Í gær var hátíðisdagur þekkingar, fræða og skapandi hugsunar á Húsavík þegar ný aðstaða þekkingarklasans á Hafnarstétt 1 og 3 var opnuð formlega undir heitinu Stéttin. Íbúum var boðið í formlega athöfn í nýrri og glæsilegri viðbyggingu sem tengir saman gömul hús hvorrar lóðar.
Það er Langaness ehf er eigandi bygginganna en félagið hefur staðið myndarlega að endurbyggingunni og endurbótum á eldri byggingum.
Aðalhönnuður viðbyggingar er Arnhildur Pálmadóttir arkitekt, byggingarstjóri framkvæmda var Ragnar Hermannsson, en húsasmíðameistari og stjórnandi framkvæmda á byggingarstað var Benedikt Kristjánsson.
Í tilefni afhendingar þessarar nýju tengibyggingar var almenningi boðið að kynna sér aðstöðuna í gær. Forseti Íslands, Guðni Th. var mættur á svæðið og ávarpaði gesti og Óli Halldórsson forstöðumaður sagði frá sögu Þekkingarnets Þingeyinga og mikilvægi starfseminnar fyrir nærsamfélagið.
Fjölmargir gestir voru samankomnir til að fagna tímamótunum og í kjölfar ræðuhalda var þeim boðið að skoða aðstöðuna. Starfsfólk klasans sat fyrir svörum um allt milli himins og jarðar. Til að gera daginn enn hátíðlegri mætti Valdimar Guðmundsson og söng nokkur lög með hljómsveit sinni LÓN ásamt söngkonunni RAKEL.
Nánar verður fjallað um þetta í Vikublaðinu sem kemur út á fimmtudag.
Guðni Th. forseti Íslands hringir hér húsbjöllunni en henni var komið fyrir til að hringja inn merkisviðburði ss. forsetaheimsókn eða vöfflukaffi. Mynd/epe
Nýjast
-
Elfar Árni er kominn heim
Völsungur styrkir sig fyrir baráttuna í Lengjudeildinni -
Götuhornið - Kona í Miðbænum skrifar
Á götuhorninu var að sjálfsögðu verið að ræða komandi kosningar enda í mörg horn að líta þegar kemur að því hvert skal greiða atkvæði á laugardaginn kemur. -
Verðkönnun vegna Húsavíkurflugs
Vegagerðin hefur sent út verðkönnun til nokkurra flugfélaga hér á landi varðandi áætlunarflug á milli Húsavíkur og Reykjavíkur. Frestur til að skila inn svörum rennur út á morgun, fimmtudag og samkvæmt upplýsingum frá Vegagerðinni verður ákvörðun tekin í framhaldi af því. -
Framtíðin er núna
Það er áhugavert að heyra hvernig flestir stjórnmálamenn tala um „málefni ungs fólks“. Þeir setja mynd á Instagram um námslán eða halda málfund um fæðingarorlof. Kannski er þessi umfjöllun upplýsandi fyrir einhvern, en fyrir flestum sem tilheyra hópnum „ungt fólk“ eru hún frekar undarleg – vegna þess að hagsmunir ungs fólks afmarkast ekki við einstök loforð, þeir eru hagsmunir allra. -
Styrkur frá starfsmönnum ÍME
Starfsmannafélag Íþróttamiðstöðvar Eyjafjarðarsveitar stóð fyrir fjársöfnun í bleikum október til handa Krabbameinsfélagi Akureyrar og nágrennis. -
Stóri fýlupósturinn eða allt er gott sem endar vel :-)
Í Kjarnaskógi hafa starfsmenn Skógræktarinnar tekið gleði sína á ný og við þá líka en ekki hvað, enda fátt betra en það sem endar vel. Þetta hér fyrir neðan má lesa á Fb vegg þeirra í morgun. -
Safnar gripum sem framleiddir voru á Plastiðjunni og Iðjulundi
Sigurrós Tryggvadóttir, iðjuþjálfi á Plastiðjunni Bjargi Iðjulundi (PBI) er í viðtali á heimasíðu Akureryarbæjar þar sem hún segir frá söfnun sem hún stendur fyrir á gömlum framleiðsluvörum frá PBI. -
Æi stundum er fólk alltof upptekið af þvi að sýna að það sé fxxl
Tilgangslaus skemmdarverk sem gera ekkert annað en svekkja saklausa fara í taugarnar á öllu venjulegu fólki. Það er þvi engin furða að starfsfólk Skógræktarfélagsins hafi verið pirrað í dag eins og lesa má hér fyrr neðan. -
Hagnaður bankanna gríðarlegur en samfélagsleg ábyrgð engin
Trúnaðarráð Félags verslunar- og skrifstofufólks Akureyri og nágrenni (FVSA) og Sjómannafélag Eyjafjarðar ítreka nauðsyn þess að sveitarfélögin sýni ábyrgð og styðji við kjarasamninga með því að halda aftur af hækkunum á gjaldskrám.
