GRÓ Sjávarútvegsskólinn fær góða umsögn í alþjóðlegu mati
GRÓ Sjávarútvegsskólinn sem Háskólinn á Akureyri er þátttakandi í, hefur hlotið lof í nýju mati alþjóðlega ráðgjafarfyrirtækisins GOPA. Skólinn, sem starfar undir merkjum UNESCO, hefur útskrifað um 500 sérfræðinga úr sex mánaða námi í fiskistjórnun, auk þess sem 1.700 sérfræðingar hafa sótt styttri námskeið við skólann. Í matsskýrslunni er sérstaklega horft til framlags skólans til heimsmarkmiða Sameinuðu þjóðanna um sjálfbærni, einkum markmiðs 14 um líf í vatni.
Í matinu kom fram að árangur GRÓ fiskeldisþjálfunaráætlunar byggist á heimsklassa þekkingu Íslands þegar kemur að fiskveiðum og samstarfi við stofnanir í samstarfslöndum. Áætlunin leggur áherslu á kynjajafnrétti, þar sem konur voru 55% þátttakenda á tímabilinu 2018–2024. Endurgjöf frá útskrifuðum nemendum sýndi mikla ánægju, þar sem 80% sögðust hafa orðið sterkari faglega og haft raunveruleg áhrif á sitt svið eftir að hafa lokið náminu.
Einn af fjórum nemendahópum skólans er þessa dagana staðsettur við Háskólann á Akureyri, þar sem áhersla er lögð á sjálfbæra fiskveiðistjórnun og arðbærni í sjávarútvegi. Árangur skólans er talinn mikilvægur þáttur í að efla sjálfbærni í sjávarútvegi og styrkja stöðu Háskólans á Akureyri sem miðstöð þekkingar á þessu sviði. Magnús Víðisson, brautarstjóri í Sjávarútvegsfræði við Háskólann á Akureyri og umsjónarmaður nemendahópsins, segir námið vera fjölbreytt og byggja á samstarfi við íslenskar stofnanir og fyrirtæki. „Nemendur fá yfirgripsmikla fræðslu og taka þátt í vettvangsheimsóknum og læra þannig af íslenskri reynslu,“ segir Magnús. Í ár koma nemendur til Akureyrar alla leið frá Tansaníu, Úganda og Kenía svo dæmi séu nefnd og dvelja þeir á Akureyri fram í maí.
Nútímavæðing í bland við kalt loftslag góð blanda
Funny Mkwiyo sem kemur frá Malaví er nemandi GRÓ skólans og hún lýsir náminu sem „einstakri og umbreytandi reynslu“. Hún segir þekkinguna og færnina sem hún öðlast við skólann ómetanlega, sérstaklega tækifærið að læra frá heimsklassa sérfræðingum. „Námið veitir mér hagnýta innsýn og þróuð hugtök sem ég get örugglega beitt til að efla sjávarútvegsgeirann í heimalandi mínu,“ segir Funny.
Aðspurð um dvölina á Akureyri lýsir Funny bænum sem friðsælum stað sem gerir það auðvelt að einbeita sér að námi og því að horfa inn á við. „Ég nýt fegurðar Akureyrar, einstakrar menningar hennar og friðsæls umhverfis. Náttúran, hvalaskoðun og norðurljósin eru stórkostleg. Starfsfólk HA er aðgengilegt og hjálpsamt.“ Hún segir einnig nútímavæðingu nánast alls staðar koma á óvart sem sé ánægjulegt, allt frá skilvirku eftirliti og vöktun sjávarauðlinda með nútíma tækniframförum hjá Fiskistofu, nýtingu endurnýjanlegrar orku, heitu vatni, stundvísri strætóþjónustu og mörgum öðrum þróuðum tækniaðgerðum. „Það er líka frábært að sjá hvernig bærinn viðheldur jafnvægi milli nútímaþæginda og smábæjarsjarma og það kemur mér á óvart hversu vel ég hef aðlagast kalda loftslaginu – það er ný reynsla en ég hef lært að meta það,“ bætir Funny við að lokum.
Nýjast
-
50 ár frá Kópaskersskjálftanum á næsta ári
Fimmtíu ár verða liðin frá Kópaskersskjálftanum á næsta ári. Skjálftinn reið yfir þann 13. janúar árið 1976. Vakin var athygli á þessum væntanlegu tímamótum á fundi bæjarráðs Norðurþings nýverið. -
Margir notfæta sér frístundastyrk Akureyrarbæjar
Árið 2024 nutu 2.665 börn og unglingar á aldrinum 6-17 ára góðs af frístundastyrk Akureyrarbæjar eða tæplega 85% þeirra sem áttu rétt á styrknum sem er 1% aukning frá árinu á undan. -
Leikdómur - Söngleikurinn Ólafía
Leikverk sýnt í félagsheimilinu Breiðumýri Höfundur: Hörður Þór Benónýsson Leikstjórn: Hildur Kristín Thorstensen Tónlistarstjórn: Marika Alavere. Enn á ný er litla félagsheimilið á Breiðumýri vettvangur leiklistar og þótt húsið með sitt flata gólf henti ekkert sérstaklega vel til leiksýninga, fyrir leikhúsgestinn, vekur það furðu hversu vel húsið umfaðmar gestinn. Þar munar mestu sú stórgóða hugmynd að skapa kaffihúsastemningu með litlum hringborðum hvar gestum býðst að panta sér kaffi eða aðra drykki, vöfflur með sultu og rjóma og/eða annað góðgæti að bragða á fyrir sýningu eða í hléi. Undirritaður getur staðfest að rjómavafflan bragðaðist vel og kaffið heitt eins og kaffi á að vera. Var þessi þáttur leiksýningar þar með gulltryggður! -
Viðvaranir sendar út sólarhring eftir að svifryk fór tvöfalt yfir heilsuverndarmörk
Heilbrigðisnefnd bendir á að viðvaranir til almennings hafi ekki verið sendar út fyrr en daginn eftir að ástandið var sem verst og talsvert virðist skorta uppá samstarf bæjarins og Vegagerðarinnar um hreinsun gatna. -
Eyjafjarðarsveit og B. Hreiðarsson Samið um áframhaldandi uppbyggingu
Skrifað hefur verið undir samning milli Eyjafjarðarsveitar og B. Hreiðarsson um áframhaldandi uppbyggingu viðbyggingar við Hrafnagilsskóla og Íþróttamiðstöðina í Eyjafjarðarsveit. -
Matartækni hefur verið kennd við VMA í 18 ár
Vonir standa til að nýr námshópur í matartækni geti hafið nám við Verkmenntaskólann á Akureyri næsta haust. VMA hefur lengi menntað og útskrifað matartækna, eða í 18 ára og áætlað er að á bilinu 80 til 100 matartæknar hafi verið útskrifaðir á tímabilinu. -
Listasafnið - Hin líflátna endurreisn Úkraínu
Í dag kl. 17-17.40 heldur úkraínska listakonan Kateryna Ilchenko Þriðjudagsfyrirlestur í Listasafninu undir yfirskriftinni The Executed Renaissance of Ukraine. Í fyrirlestrinum, sem fer fram á ensku, mun hún fjalla um úkraínskt listafólk sem var uppi á árunum 1920-1930 og var beitt grimmilegri kúgun af hendi Sovétríkjanna. -
Ferðasjóður ÍSÍ hefur rýrnað frá árinu 2019
Ferðakostnaður barna og unglinga í íþrótta- og tómstundastarfi á landsbyggðinni hefur aukist á síðustu árum en framlag ríkisins fylgir ekki verðlagi og hefur því rýrnað umtalsvert. -
112 Dagurinn á Glerátorgi
Í tengslum við 112 daginn fór fram sýning i gær, sunnudaginn 18 feb.á Glerártorgi þar sem viðbragðsaðilar sýndu tæki og tól.
