13.nóvember - 20.nóvember - Tbl 46
Góðvinir HA afhentu heiðursverðlaun
F.v. Einar Brynjólfsson formaður Góðvina, Heiða Björg Guðjónsdóttir og Eyjólfur Guðmundsson rektor HA.
Háskólahátíð - Brautskráning Háskólans á Akureyri (HA) fór fram í þremur athöfnum dagana 11. og 12. júní eins og fjallað erum á öðrum stað í blaðinu. Í 17. skipti afhentu Góðvinir Háskólans á Akureyri heiðursverðlaun til kandídata fyrir ötult starf í þágu háskólans og góðan námsárangur á meðan námstíma stóð. Góðvinir Háskólans á Akureyri eru samtök brautskráðra stúdenta og annarra velunnara háskólans. Markmið Góðvina er að auka tengsl háskólans við fyrrum stúdenta sína og aðra sem bera hag skólans fyrir brjósti. Einnig að styðja Góðvinir við uppbyggingu háskólans, fjárhagslega og á annan hátt. Skal þess gætt að félagsmenn hafi greiðan aðgang að starfsemi og þjónustu skólans og að tekjum samtakanna sé ráðstafað til uppbyggingar lærdóms og rannsókna við Háskólann á Akureyri.
Heiðursverðlaun Góðvina í ár hlutu:
- Heiða Björg Guðjónsdóttir, MT í kennarafræðum
- Þórey Erla Erlingsdóttir, BS í hjúkrunarfræði
- Daníel Gunnarsson, BA í félagsvísindum
- Steinunn Alda Gunnarsdóttir, BA í sálfræði
- Guðrún Vaka Þorvalsdóttir, BS í viðskiptafræði
„Það að hljóta viðurkenningu Góðavina Háskólans á Akureyri við brautskráningu hafði mikla þýðingu fyrir mig. Þeir hafa verið ófáir klukkutímarnir sem farið hafa í fundasetu og vinnu fyrir hönd stúdenta og þó að maður fari ekki í svona störf til þess að vinna verðlaun þá kom það óneitanlega við mann að fá viðurkenningu fyrir þessi störf. Ég er þakklátur Góðvinum HA fyrir þann heiður sem mér var sýndur á Háskólahátíð og ekki síður samnemendum og starfsfólki skólans fyrir frábær 3 ár og þau tækifæri sem ég hef fengið innan skólans til að læra og þroskast í námi og störfum fyrir stúdenta“ segir Daníel Gunnarsson. Steinunn Alda tekur undir orð Daníels.
„Það að hljóta heiðursverðlaun Góðavina Háskólans á Akureyri hafði mikla þýðingu fyrir mig. Störf mín fyrir háskólann og stúdenta hafa verið mér kær og er ég einstaklega þakklát fyrir öll þau tækifæri sem Háskólinn á Akureyri veitt mér,“ segir Steinunn sem meðal annars gegndi embætti formanns Stúdentafélags Háskólans á Akureyri starfsárið 2020-2021 við afar krefjandi aðstæður á tíma heimsfaraldurs. Heiða Björg hlaut var að ljúka nýrri námsleið í kennarafræðum, svo kallaðri MT leið þar sem stúdentar velja sér áherslusvið og námskeið í stað þess að skrifa meistaraverkefni.
Heiða hefur verið ötull talsmaður Háskólans á Akureyri og þá sérstaklega þegar kemur að kennaranámi. „Síðustu 5 ár hefur kennaranámið ekki bara undirbúið mig fyrir komandi starfsvettvang í kennslu heldur einnig átt þátt í að móta mig sem einstakling. Námið og samnemendur mínir hafa hjálpað mér að sjá hluti frá ólíkum sjónarhornum og hefur hugarfar mitt og andlegur þroski breyst til batnaðar. Víðsýni, umburðarlyndi og samvinna er mitt veganesti úr kennaranáminu,“ segir Heiða Björg.
Nánari upplýsingar um Góðvini og um skráningu má finna inn á heimasíðu Góðvina, www.godvinir.is
Nýjast
-
50 ára afmælisfagnaður Geðverndarfélags Akureyrar
Geðverndarfélag Akureyrar hélt upp á 50 ára afmæli sitt nýverið, en félagið var stofnað þann 15. desember 1974. Um 50 manns mættu í fagnaðinn, hlýddu á fróðleg erindi, nutu lifandi tónlistar og glæsilegra veitinga. -
Tónkvíslin, söngkeppni Framhaldsskólans á Laugum fer fram í kvöld
Tónkvíslin, söngkeppni Framhaldsskólans á Laugum er meðal stærstu menningarviðburða á Norðausturlandi. Tónkvíslin verður haldin í 18. skipti í kvöld 16. nóvember. Sigurvegari keppninnar keppir fyrir hönd skólans í söngkeppni framhaldsskólanna, þar sem margar stjörnur hafa einmitt stigið sín fyrstu skref. Þar má meðal annars nefna Birgittu Haukdal sem flestum landsmönnum er vel kunn. -
Bakþankar bæjarfulltrúa Því ekki að gera tilraun?
Það snjóaði um daginn. Götur urðu flughálar. Og ég dreif mig með bíl konu minnar í dekkjaskipti. Þú kemst að eftir tíu daga, var svarið sem ég fékk. -
Það sem Húsavíkingar gera best
Bjóða íbúa Manchester velkomna í bæinn -
Dagur íslenskrar tungu í Nonnahúsi
Barnabókarithöfundurinn Jón Sveinsson, Nonni, fæddist 16. nóvember 1857. Af þessu tilefni er boðið til afmælis á æskuheimili hans, Nonnahúsi, á afmælisdaginn milli 12 og 14. -
Fyrirséð að álag á fráveituna verður mikið
Talsverður viðbúnaður er á Akureyri vegna veðurs sem nú gengur yfir svæðið. Líkur eru á að svipað ástand geti skapast og í september 2022 þegar sjór gekk á land á Eyrinni með umtalsverðum afleiðingum. Margt er líkt með veðrinu sem spáð er í kvöld og þeim aðstæðum sem þá sköpuðust. -
Úrslit í ritlistakeppni Ungskálda 2024
Dómnefnd mun kunngera úrslit í ritlistasamkeppni Ungskálda 2024 við hátíðlega athöfn í Amtsbókasafninu á Akureyri. Athöfnin fer fram á degi íslenskrar tungu, laugardaginn 16. nóvember kl. 14. Léttar veitingar verða í boði að athöfn lokinni og einnig verður tónlistarflutningur frá Elíasi Dýrfjörð sem leikur á kontrabassa. Öll velkomin á athöfnina. -
Þrír konungar frá Skarðaborg
Haustið er að baki og vetur konungur hefur tekið völdin amk. fyrst um sinn Sauðfé hefur haft það gott á beitinni, enda fyrri hluti nóvember óvenju hlýr. Hrútar fara á gjöf í vikunni á flestum bæjum og sumir bændur eru farnir að rýja féð inn. Þessir „konungar“ í Skarðaborg í Reykjahverfi eru vel ullaðir og þó næði kuldaél þá verður þeim ekki kalt í sinni kápu. Vonandi verður veturinn mildur, en bæði bændur og búalið þurfa á því að halda eftir kalt og rigningasamt sumar. -
Um 200 manns kynntu sér starfsemi Pharmarctia á Grenivík
Um 200 manns komu við á opnu húsi hjá fyrirtækinu Pharmarctia á Grenivík um liðna helgi. Þá var formlega tekið í notkun 1500 fermetra viðbótarhúsnæði sem gestum og gangandi bauðst að skoða jafnframt því að kynna sér starfsemi félagins.
