30. október - 6. nóember - Tbl 44
Góð staða á byggingamarkaði
„Staðan er góð, allar vinnandi hendur sem vilja og geta unnið hafa nóg að gera,“ segir Heimir Kristinsson varaformaður Byggiðnar Mynd MÞÞ
„Staðan er góð, allar vinnandi hendur sem vilja og geta unnið hafa nóg að gera,“ segir Heimir Kristinsson varaformaður Byggiðnar um stöðu mála í byggingariðnaði á Akureyri. Verktakar hafi næg verkefni, en vildu þó gjarnan sjá lengra fram í tímann en raunin er. Heimir gagnrýnir útboðsleið Akureyrarbæjar þegar kemur að lóðaúthlutun og segir þá aðferð ekki gera annað en hækka íbúðaverð.
Heimir segir þó að þrátt fyrir að mikið sé umleikis nú séu blikur á lofti, verulega hafi hægt á sölu íbúða og verktakar gætu farið að hægja á framkvæmdum í kjölfarið, jafnvel stoppað verði ekkert að gert. „Það er auðvitað bagalegt þar sem vantar töluvert að íbúðum á markaðinn,“ segir hann. „En við gætum alveg verið að sjá fram á samdrátt á markaði á næstunni.“
Heimir segir mikinn fjölda verkefna í gangi um þessar mundir en flestir verktakar séu að byggja íbúðir, m.a. í nýju Holtahverfi norður og þá hafi á dögunum fyrstu lóðum í Móahverfi, næsta nýja hverfi í bænum verð úthlutað. „Staðan var í eina tíð þannig að skortur var á lóðum frekar en hitt en ástandið hefur heldur skánaða nú undanfarin misseri, en verktakar vilja gjarnan sjá fram á verkefni nokkur ár fram í tímann.“
Akureyrarbær kyndir undir verðbólgu
Nýtt fyrirkomulag varðandi úthlutun lóða, þ.e. að verktakar bjóði í lóðir og sá sem hæst býður fær, segir Heimir ekki góða leið til við úthlutun lóða. „Mér finnst þetta geta gengið í einstaka tilfellum þegar um er að ræða mjög vinsæla lóð eða staðsetningu, en almennt finnst mér betur fara á því að verktakar fái lóðir á hér um bil kostnaðarverði. Það segir sig sjálft að aukinn kostur við kaup á lóðum fer bara út í verðlagið og íbúðirnar verða dýrari fyrir vikið. Nóg kosta þær þó þessi kostnaður bætist ekki við. Þetta leiðir til þess að íbúðarverð snarhækkar, svo sem dæmin sýna og kann ekki góðri lukku að stýra,“ segir Heimir. „Með þessu fyrirkomulagi er Akureyrarbær að kynda undir verðbólguna til lengri tíma og á því þurfum við síst að halda.“
Hann bætir við að þetta hafi gerst í Reykjavík þar sem svipað fyrirkomulag var við lýði og hafði í för með sér að verktakar spenntu bogann sumir hverjir of hátt til að ná í lóðir. „Verktakar sem treysta sér til að ná inn í íbúðarverðið þessum aukna kostnaði sem verður við lóðakaupin bjóða best í lóðirnar.“
Heimir segir að lóðaskortur og hátt verð á lóðum komi m.a. fram í því að aukin eftirspurn hefur undanfarin ár verið eftir lóðum í nágrannabyggðalögum, svo sem Hörgársveit og á Hrafnagili í Eyjafjarðarsveit. „Mitt mat er að finna þurfi skynsamlega leið til að útdeila lóðum á viðunandi verði þannig að hátt lóðaverð skapi ekki spennu og hafi í för með sér hækkandi verð.“
Nýjast
-
Uppskeruhátíð ferðaþjónustunnar á Norðurlandi
Þrjár viðurkenningar voru veittar á Uppskeruhátíð ferðaþjónustunnar á Norðurlandi sem að þessu sinni var haldin í Eyjafirði, í Eyjafjarðarsveit, Svalbarðsstrandarhreppi og Grýtubakkahreppi. Þær voru fyrirtæki ársins, hvatningarverðlaun ársins og fyrir störf í þágu ferðaþjónustu. Á uppskeruhátíðinni var farið í heimsóknir til ýmissa ferðaþjónustufyrirtækja á svæðinu, sem bjóða bæði afþreyingu, mat og gistingu ásamt ýmsu öðru. Hátíðin tókst afar vel og lauk með hátíðarkvöldverði á Laugaborg í Hrafnagilshverfi, kvöldskemmtun, dansi og mikilli gleði. -
Harðbakur málaður og yfirfarinn í Slippnum á Akureyri
Togarinn Harðbakur EA 3 heldur senn til veiða eftir ýmsar endurbætur og uppfærslur í Slippnum á Akureyri, auk þess sem skipið var heilmálað. Harðbakur er fimm ára gamalt skip, smíðað í Vard-Aukra skipasmíðastöðinni í Noregi. Skipið kom til Akureyrar 9. nóvember 2019 og strax í kjölfarið tók Slippurinn við því, þar sem settur var vinnslubúnaður um borð. Harðbakur er 29 metra langur og 12 metra breiður. Skipið er gott í alla staði, bæði hvað varðar vinnslubúnað og aðbúnað áhafnar. -
Tónlistarskóli Eyjafjarðar sá fyrsti sem fer í Græn skref
Tónlistarskóli Eyjarfjarðar hefur náð þeim einstaka áfanga að vera fyrsti tónlistarskólinn á Íslandi til að fara í Græn skref „og mega þau vera stolt af því,“ segir á vefsíðu Samtaka sveitarfélaga á Norðurlandi eystra, SSNE. -
Atkvæðagreiðsla utan kjörfundar hefst 7 nóvember
Atkvæðagreiðsla utan kjörfundar við embætti sýslumannsins á Norðurlandi eystra hefst 7. nóvember n.k. Alls hafa 31.039 atkvæðarétt í kjördæminu, flestir þeirra og það kemur ekki á óvart frá Akureyri eða 15.057 manns. -
Pólarhestar eru fyrirtæki ársins
Markaðsstofa Norðurlands veitir viðurkenninguna Fyrirtæki ársins til fyrirtækis sem er búið að slíta barnsskónum og hefur skapað sér sterka stöðu á markaði. Fyrirtækið hefur unnið að stöðugri uppbyggingu, vöruþróun og nýsköpun og er með höfuðstöðvar á Norðurlandi. -
Íslenska kerfið framleiðir afbrotamenn
Að refsa einstaklingi fyrir alvarleg afbrot með fangelsisvist, er eitthvað sem flestir geta verið sammála um að sé nauðsynlegt. Fæstir átta sig hins vegar á hve frelsissviptingin ein og sér hefur gríðarleg áhrif á einstakling sem dæmdur hefur verið til vistar í fangelsi og ef betrunarúrræðin eru ekki til staðar er næsta öruggt að sá einstaklingur er lýkur afplánun, kemur út í samfélagið aftur í verra ástandi en hann var í þegar afplánun hófst. Stundum held ég að þessi hópur samfélags okkar sé álitinn hin skítugu börn Evu sem flestir vita af en enginn vill af þeim vita. Eins og að vandamálin hverfi um leið og kveðinn er upp dómur. Allir þeir einstaklingar sem fá á sig dóma eru synir, dætur, bræður, systur og barnabörn einhverra. Að afplána dóm hefur ekki bara gríðarleg áhrif á fangann heldur líka hans nánustu aðstandendur sem ég tel vera algjörlega týndan hóp innan kerfisins. Kerfis sem fyrir löngu er molnað í sundur. Kerfi sem nær ekki að eiga samskipti. Kerfi sem þarf að taka alvarlega til í og snýst hreinlega um líf eða dauða fólksins okkar. -
KOSNINGARÉTTUR
Við vanmetum oft það sem þykir sjálfsagt! Árið 1843 rak kosningaréttur fyrst á fjörur okkar Íslendinga með tilskipun Kristjáns VIII, en eingöngu til karlmanna eldri en 25 ára sem áttu jörð. Það var um 2% íslensku þjóðarinnar. Árið 1857 var ekki lengur þörf á að eiga jörð, nægjanlegt að búa á eigin heimili og borga skatta. Konur virtust ekki vera landsmenn á þessum tíma. -
Afleitt að Sæfari verði í slipp í apríl
Grímseyingar óska eftir aðstoð við að fá aðra tímasetningu en nú er þegar fyrirhugað er að ferjan Sæfari sem siglir milli lands og eyjar fer í slipp, sem er „afleit tímasetning bæði hvað varðar sjávarútveg og sérstaklega slæmt fyrir ferðaþjónustu í eynni,.“ segir í bókun frá íbúafundi sem haldinn var í eyjunni. -
Framkvæmdir að hefjast við innisundlaugina
Framkvæmdir eru hafnar við talsvert umfangsmiklar breytingar á innisundlaugin í Sundlaug Akureyrar. Umhverfis- og mannvirkjaráð hefur samþykkt að taka lægstu tilboðum í lagnir, raflagnir og múrverk en hafnaði aftur á móti tilboðum sem bárust í útboði á verkefnum í húsasmíði og blikksmíði þar sem þau voru hátt yfir kostnaðaráætlun.
