Dagskráin 18.desember - 8.janúar 2025
Glæsileg opnunarhátíð Listar án landamæra á Norðurlandi
Pétur Jóhannsson tók lagið með gestum og hann var í miklu stuði.
Opnunarhátíð Listar án landamæra á Norðurlandi fór fram í Hofi í dag, að viðstöddu fjölmenni. Boðið var upp á fjölbreytta dagskrá, með söng, hljóðfæraleik, leiklist og ljóðalestri. Það var Soffía Lárusdóttir framkvæmdastjóri búsetudeildar Akureyrarbæjar sem setti List án landamæra en hátíðin er einstök í sinni röð, þar sem fatlaðir og ófatlaðir mætast í list sinni. Nemendur í tónlistarhópi Fjölmenntar spiluðu og sungu undir stjórn Láru Sóleyjar Jóhannsdóttur og nýtt lag eftir tónskáldið Jón Hlöðver Áskelsson var frumflutt en er lagið tileinkað hátíðinni. Jón Hlöðver settist sjálfur við píanóið, en það hefur hann ekki gert opinberlega í langan tíma. Barnakór Giljaskóla undir stjórn Ástu Magnúsdóttur söng, auk þess sem fleiri hljóðfæraleikarar tóku þátt í flutningnum, m.a. Lára Sóley, Hjalti Jónsson og Emil Emilsson. Nemendur Fjölmenntar og Hæfingastöðvarinnar við Skógarlund opnuðu sýningu í Hofi á munum sem þau hafa unnið í vetur. Loks sýndi fjölmennur leikhópur Fjölmenntar leikritið um Mjallhvíti og dvergana, í leikstjórn Sögu Jónsdóttur. Leikhópurinn stóð sig með miklum sóma, líkt og aðrir sem komu fram á opnunarhaíðinni í dag. Myndirnar tala sínu máli.
Nýjast
-
Nýtt meistarnám í Velsældarfræðum hlýtur myndarlegan styrk
Nýtt meistaranám í Velsældarfræðum, Wellbeing Science, var eitt 19 verkefna sem hlaut styk úr Samstarfssjóði háskóla í morgun, eða 61 milljón króna. Um er að ræða samstarfsverkefni HR, HÍ, HA, Embætti landlæknis og Surrey háskóla á Englandi. Áslaug Arna Sigurbjörnsdóttir háskóla- og nýsköpunarráðherra kynnti úthlutunina. Velsældarhagkerfi er notað til að lýsa sýn sem er frábrugðin hinni hefðbundu nálgun á hagkerfið út frá eingöngu efnahagslegum mælingum. Þess í stað eru velsæld og lífsgæði metin út frá fjölmörgum félagslegum og umhverfislegum þáttum jafnt sem efnahagslegum. -
Hefur fært Krabbameinsfélagi Akureyrar og nágrennis 2,4 milljónir
Hörður Óskarsson hefur síðustu átta ár fært Krabbameinsfélagi Akureyrar og nágrennis styrk til minningar um bróður sinn Sigurð Viðar Óskarsson, en hann lést úr krabbameini árið 2010. -
Nýting glatvarma frá TDK hafin
Þau gleðilegu tíðindi áttu sér stað þann 13. desember síðastliðinn að glatvarmi frá álþynnuverksmiðju TDK nýttist í fyrsta sinn inn á kerfi Norðurorku og verður varmavinnslan tröppuð upp hægt og rólega. -
Nýju kirkjutröppurnar opnaðar
Nýju kirkjutröppurnar verða opnaðar sunnudaginn 22. desember kl. 16. Að lokinni hátíðlegri athöfn er bæjarbúum boðið í skrúðgöngu upp að Akureyrarkirkju. Öll eru hjartanlega velkomin! -
Nemendur í Grenivíkurskóla styrkja Velferðarsjóð
Krakkar á miðstigi í Grenivíkurskóla, í 5. 6. og 7. bekk afhentu sjóðnum 430 þúsund krónur í Glerárkirkju á Akureyri í morgun. Þeir unnu að verkefni nú í haust sem snérist um að skrifa bækur undir leiðsögn kennara sinna, hver nemandi skrifaði eina bók. -
,,Nú tæknin geggjuð orðin er”
Það má nokkuð víst telja að kynni kynbótahrúturinn Kolbeinn frá Grobbholti magnaðan texta Ómars Ragnarssonar sem hann orti fyrir mörgum áratugum og nefndi Árið 2012 væri Kolbeinn að jarma þennan brag, liklega ólundarlega. Vilhjálmur Vilhjálmsson flutti þennan texta listavel og sannfærandi. -
Skrifuðu undir samninga um óstaðbundin störf
Fyrstu samningarnir um óstaðbundin störf á landsbyggðinni voru undirritaðir á Húsavík á dögunum. Annars vegar er um ræða starf sem staðsett verður í húsnæði Sýslumannsins á Húsavík og hins vegar starf sem staðsett verður í vinnustaðaklasanum Útibúinu á Hvammstanga. -
Fjárhagsáætlun Þingeyjarsveitar 2025 samþykkt
Fjárhagsáætlun Þingeyjarsveitar fyrir árið 2025 og þriggja ára áætlun fyrir árin 2026-2028 var lögð fram til síðari umræðu á sveitarstjórnarfundi þann 12. desember og samþykkt. Fjárhagsáætlunin er sett fram í samræmi við 62. gr. sveitarstjórnarlaga nr. 138/2011, fyrir A-hluta og samantekinn reikning fyrir A- og B-hluta. Fyrri umræða fór fram þann 28. nóvember. -
Kalt svæði
Við, sem ekki ólumst upp við gæði hitaveitunnar, deilum ýmsum svölum minningum og lífsreynslu sem aðrir skilja ekki. Heitt vatn var takmörkuð auðlind, magnið sem hitadúnkurinn innihélt kólnaði við notkun og tók nokkra klukkutíma að hitna aftur. Það þýddi ekkert fyrir fjölskylduna í Höfða að drolla í sturtunni og líkamsþvottur heimilismanna var skipulagður út í ystu æsar.
