Dagskráin 18.desember - 8.janúar 2025
Nýting glatvarma frá TDK hafin
Á myndinni eru: Baldur Viðar Jónsson, staðgengill yfirvélfræðings hjá Norðurorku, Gunnar Gunnarsson, viðhaldsstjóri TDK og Eyþór Björnsson, forstjóri Norðurorku. Í baksýn má sjá varmaskiptana tvo sem nýtast við föngun glatvarma frá álþynnuverksmiðjunni TDK Mynd no.is
Þau gleðilegu tíðindi áttu sér stað þann 13. desember síðastliðinn að glatvarmi frá álþynnuverksmiðju TDK nýttist í fyrsta sinn inn á kerfi Norðurorku og verður varmavinnslan tröppuð upp hægt og rólega.
Hvað er glatvarmi?
Varmaorka sem skapast í framleiðsluferlum og hverfur ónýtt til umhverfisins er nefnd glatvarmi. Í framangreindu verkefni er glatvarminn virkjaður með varmadælum þar sem bakrásarvatn úr hitaveitukerfi Norðurorku er nýtt til að kælingar í framleiðsluferli TDK. Hér er því um dýrmæta nýtingu að ræða á orku sem annars færi til spillis sem og mikilvæga búbót fyrir samfélagið.
Ferlið
Þann 30. mars 2023 var undirrituð viljayfirlýsing milli Norðurorku og álþynnuverksmiðju TDK um nýtingu glatvarma frá verksmiðju TDK. Framleiðsla á álþynnum eða aflþynnum til notkunar í rafeindabúnaði er orkufrek og skilar frá sér miklum varma sem hægt er að nýta til t.d. húshitunar. Í framhaldi af undirritun viljayfirlýsingarinnar var framkvæmd könnun á möguleika Norðurorku á nýtingu varmans. Að svo stöddu er magn bakrásarvatns takmarkandi þáttur í nýtingu innan hitaveitukerfisins en ekki er mögulegt að nota hvaða vatn sem er inn á kerfið vegna hættu á útfellingum og súrefnismengun sem veldur tæringu í lögnum. Verkfræðistofan Efla vann umrædda könnun ásamt starfsfólki Norðurorku.
Könnun Eflu leiddi í ljós að hægt væri að nýta milli 8 og 12MW af varmaafli með núverandi bakrásarkerfi og var lögð til tenging við bakrásarkerfi í Hlíðarbraut og að upphituðu vatni yrði skilað inn á aðveituæð frá Hjalteyri. Þetta var þó háð nokkurri óvissu þar sem uppbygging bakrásarkerfis hefur miðast við nýtingu í kyndistöð við Mímisbraut. Efla vann hönnun og útboðsgögn vegna lagna að og frá verksmiðju TDK og í framhaldi af útboði var samið við lægstbjóðanda Ísref ehf. TDK sá um hönnun lagna og búnaðar innanhúss í verksmiðju. Skrifað var undir samning við TDK 15. júlí 2024. Unnið var við lagnir að og frá TDK frá vori og var lagnahluta lokið í byrjun desember en eftir er ýmis yfirborðsfrágangur sem bíður vors.
Hleypt var á kerfið eftir útskolun þann 13. desember og verður varmavinnslan tröppuð upp hægt og rólega til að fyrirbyggja að upp komi rekstartruflanir og er þá bæði um að ræða kerfi Norðurorku og TDK sem þarf að taka tillit til.
Eftir miklu að slægjast
Hitaveita Norðurorku er um 100 MW að stærð, en um það bil 10-12MW bætast við með glatvarma frá TDK sem jafngildir 60 til 100 sekúndulítrum af heitu bakrásarvatni. Samstarfið við TDK er því mikilvægur þáttur í öflun á heitu vatni og er um að ræða mikla lyftistöng í rekstri hitaveitunnar.
Hugarfarsbreyting nauðsynleg
Undanfarin misseri og ár hefur Norðurorka ítrekað vakið athygli á því að hitaveitan sé komin að þolmörkum. Þrátt fyrir þessa kærkomnu viðbót frá TDK, er ljóst að einnig þarf að ráðast í umfangsmiklar og fjárfrekar framkvæmdir á næstu árum til að anna aukinni eftirspurn eftir heitu vatni á starfssvæðinu. Mikilvægt er að samhliða þeim framkvæmdum sé unnið með notkunarhliðina, þ.e. að umgengni okkar um jarðhitaauðlindina sé ábyrg og að dregið sé úr sóun. Hér má kynna sér ýmsar leiðir til ábyrgrar heitavatnsnotkunar auk þess sem við minnum á mínar síður þar sem hægt er að fylgjast með eigin orkunotkun.
Norðurorka sagði frá
Nýjast
-
Nýtt meistarnám í Velsældarfræðum hlýtur myndarlegan styrk
Nýtt meistaranám í Velsældarfræðum, Wellbeing Science, var eitt 19 verkefna sem hlaut styk úr Samstarfssjóði háskóla í morgun, eða 61 milljón króna. Um er að ræða samstarfsverkefni HR, HÍ, HA, Embætti landlæknis og Surrey háskóla á Englandi. Áslaug Arna Sigurbjörnsdóttir háskóla- og nýsköpunarráðherra kynnti úthlutunina. Velsældarhagkerfi er notað til að lýsa sýn sem er frábrugðin hinni hefðbundu nálgun á hagkerfið út frá eingöngu efnahagslegum mælingum. Þess í stað eru velsæld og lífsgæði metin út frá fjölmörgum félagslegum og umhverfislegum þáttum jafnt sem efnahagslegum. -
Hefur fært Krabbameinsfélagi Akureyrar og nágrennis 2,4 milljónir
Hörður Óskarsson hefur síðustu átta ár fært Krabbameinsfélagi Akureyrar og nágrennis styrk til minningar um bróður sinn Sigurð Viðar Óskarsson, en hann lést úr krabbameini árið 2010. -
Nýting glatvarma frá TDK hafin
Þau gleðilegu tíðindi áttu sér stað þann 13. desember síðastliðinn að glatvarmi frá álþynnuverksmiðju TDK nýttist í fyrsta sinn inn á kerfi Norðurorku og verður varmavinnslan tröppuð upp hægt og rólega. -
Nýju kirkjutröppurnar opnaðar
Nýju kirkjutröppurnar verða opnaðar sunnudaginn 22. desember kl. 16. Að lokinni hátíðlegri athöfn er bæjarbúum boðið í skrúðgöngu upp að Akureyrarkirkju. Öll eru hjartanlega velkomin! -
Nemendur í Grenivíkurskóla styrkja Velferðarsjóð
Krakkar á miðstigi í Grenivíkurskóla, í 5. 6. og 7. bekk afhentu sjóðnum 430 þúsund krónur í Glerárkirkju á Akureyri í morgun. Þeir unnu að verkefni nú í haust sem snérist um að skrifa bækur undir leiðsögn kennara sinna, hver nemandi skrifaði eina bók. -
,,Nú tæknin geggjuð orðin er”
Það má nokkuð víst telja að kynni kynbótahrúturinn Kolbeinn frá Grobbholti magnaðan texta Ómars Ragnarssonar sem hann orti fyrir mörgum áratugum og nefndi Árið 2012 væri Kolbeinn að jarma þennan brag, liklega ólundarlega. Vilhjálmur Vilhjálmsson flutti þennan texta listavel og sannfærandi. -
Skrifuðu undir samninga um óstaðbundin störf
Fyrstu samningarnir um óstaðbundin störf á landsbyggðinni voru undirritaðir á Húsavík á dögunum. Annars vegar er um ræða starf sem staðsett verður í húsnæði Sýslumannsins á Húsavík og hins vegar starf sem staðsett verður í vinnustaðaklasanum Útibúinu á Hvammstanga. -
Fjárhagsáætlun Þingeyjarsveitar 2025 samþykkt
Fjárhagsáætlun Þingeyjarsveitar fyrir árið 2025 og þriggja ára áætlun fyrir árin 2026-2028 var lögð fram til síðari umræðu á sveitarstjórnarfundi þann 12. desember og samþykkt. Fjárhagsáætlunin er sett fram í samræmi við 62. gr. sveitarstjórnarlaga nr. 138/2011, fyrir A-hluta og samantekinn reikning fyrir A- og B-hluta. Fyrri umræða fór fram þann 28. nóvember. -
Kalt svæði
Við, sem ekki ólumst upp við gæði hitaveitunnar, deilum ýmsum svölum minningum og lífsreynslu sem aðrir skilja ekki. Heitt vatn var takmörkuð auðlind, magnið sem hitadúnkurinn innihélt kólnaði við notkun og tók nokkra klukkutíma að hitna aftur. Það þýddi ekkert fyrir fjölskylduna í Höfða að drolla í sturtunni og líkamsþvottur heimilismanna var skipulagður út í ystu æsar.
