20. nóvember - 27. nóvember - Tbl 47
GA smíðajárn og Ísrör opna á Lónsbakka við Akureyri
Hafnfirsku fyrirtækin tvö, Ísrör og GA smíðajárn, undirbúa nú opnun starfsstöðva sinna í þessu húsi á Lónsbakka. Mynd Jóhann Ólafur
Þegar nær dregur vori munu hafnfirsku fyrirtækin Guðmundur Arason ehf., GA Smíðajárn og Ísrör ehf. opna sameiginlega verslunar- og lageraðstöðu á Lónsbakka á Akureyri í því húsi sem áður hýsti Húsamiðjuna um langt skeið. Fyrirtækin munu koma sér fyrir á um 400 fermetrum í austurhluta hússins auk rýmis á útisvæði fyrir vörur og afgreiðslu til viðskiptavina. Forsvarsmenn fyrirtækjanna segjast fullir tilhlökkunar að efla þjónustu fyrirtækjanna við Akureyringa og Norðlendinga. Þetta kemur fram í blaðinu Sóknarfæri sem Ritform gefur út.
Sterkir í stálinu
Bæði eiga fyrirtækin sér langa sögu í þjónustu við íslenskan iðnað. GA smíðajárn var stofnað af Guðmundi Arasyni, járnsmið, árið 1970 en hann rak áður Borgarsmiðjuna. Fyrirtækið er fjölskyldufyrirtæki enn þann dag í dag og sérhæfir sig í innflutningi og sölu á stáli. „Við erum sterk í stálinu, höfum á að skipa reyndu starfsfólki með mikla þekkingu á þörfum iðnfyrirtækja, verktaka og annarra sem þurfa á stáli að halda í starfsemi sinni. Við búum einnig að því að vera með mjög stóran stállager og getum þannig brugðist hratt við þegar viðskiptavinir þurfa á þjónustu okkar að halda,“ segir Þorsteinn Arnórsson, framkvæmdastjóri GA smíðajárns.
Síðustu ár hefur fyrirtækið verið með söluskrifstofu á Akureyri og tvo starfsmenn en sú starfsemi færist nú á Lónsbakka þar sem einnig verður stállager.
Allt fyrir lagnakerfin
Örn Sigurðsson, framkvæmdstjóri Ísrörs ehf., er einnig hæstánægður með þau tímamót að opna útibú á Akureyri. Ísrör er sömuleiðis rótgróið þjónustufyrirtæki við íslenskan iðnað, stofnað árið 1992 og sérhæfir sig í þjónustu við orkuveitur og verktaka.
„Á Lónsbakka komum við til með að leggja áherslu á að vera með góðan lager af efni fyrir lagnakerfi, þ.e. hitaveitur, vatnsveitur og fráveitur. Við bjóðum allt sem á þarf að halda; rör og hvers konar fittings, viðgerðarbúnað og verkfæri auk vara á borð við ídráttarrör, loka, inntaksþétt og annað sem lagnasviðinu tilheyrir. Það er sérstaklega ánægjulegt fyrir Ísrör að koma nú inn á markaðinn fyrir norðan,“ segir Örn.
Nýjast
-
Nærsamfélagið tekur höndum saman
Jólatónleikar til styrktar Sigrúnu Björgu Aðalgeirsdóttur og fjölskyldu -
Jólamatur fátæka mannsins
Einn af mínum allra uppáhalds fuglum er rjúpan. Rjúpan nam hér land við lok ísaldar fyrir um 10.000 árum og kom upprunalega frá Grænlandi. Hún á sér lengri forsögu hér en við. Mér finnst hún ekki bara falleg, hún er brögðótt, á 3 alklæðnaði og þegar hún ver unga sína, þá sýnir hún vanmetna vitsmuni. -
Hver grípur þig?
„Við vildum að fólk gerði sér grein fyrir hvaða þjónusta er í boði og hvert er hægt að sækja hana þegar aðstoðar er þörf, fólki að kostnaðarlausu. Einnig langar okkur með málþinginu að styrkja samstarfið á milli félaganna, að fulltrúar þeirra séu upplýst um aðra kosti sem eru í boði fyrir fólk og geti bent málum í réttan farveg eða til viðeigandi félagasamtaka,“ segir Erla Lind Friðriksdóttir um málþing sem hún stendur fyrir ásamt frænku sinni Birnu Guðrúnu Árnadóttur. -
Sérútbúinn lögreglubíll til landamæraeftirlits
Embætti Lögreglunnar á Norðurlandi eystra hefur fengið til eignar sérútbúinn lögreglubíl til afnota við landamæraeftirlit. Segja má að þar sé á ferðinni fullbúin landamærastöð á hjólum. Landamæra- og áritunarsjóður Evrópusambandsins greiddi 75% kostnaðar og Dómsmálaráðuneytið 25% og skiptu einnig með sér kostnaði við einn starfsmann í þrjá mánuði síðastliðið sumar. -
Klúbbar styrkja Frú Ragnheiði
Klúbbarnir Ladies Circle 7 og Round Table 15 afhentu Frú Ragnheiði rausnarlegar styrk í vikunni, ómetnalegur styrkur . „Við erum svo innilega þakklát og mun þetta nýtast skjólstæðingum okkar vel segir í tilkynningu, en styrkurinn er að upphæð um 630 þúsund krónur. -
Gjaldfrjáls leikskóli dregur úr álagi og bætir líðan barna
Gjaldfrjáls leikskóli hefur reynst áhrifarík leið til að draga úr álagi í leikskólum, á skólastjórnendur og starfsfólk og hefur jákvæð áhrif á börnin. -
Grenivík-Vel gert hjá Óla Gunnari
Heimilismenn á Grenilundi hafa að undanförnu tekið þátt í hjólakeppninni Pedal On Road Worlds For Seniors. Keppnin stóð yfir frá 7. október til 1. nóvember. -
Jólaljós og lopasokkar í Hofi
Jólatónleikarnir Jólaljós og lopasokkar verður haldnir í Menningarhúsinu Hofi 1. desember næstkomandi og hefjast kl. 17. Þetta er fjölskylduvænir tónleikar, norðlensk framleiðsla og miðaverði stillt í hóf. Alls koma fram fjórir söngvarar, kór, hljómsveit og dansarar. -
Eignarhald bænda á jörðum tryggir hag þeirra best
Umræða um jarðir, jarðaviðskipti og kynslóðaskipti í landbúnaði er og á að vera fyrirferðarmikil í umræðu um stöðu sveitanna. Enda var málefnið eitt helsta umræðuefni á haustfundum Bændasamtaka Íslands. Uppkaup og jarðasöfnun fjárfesta og samkeppnisstöðu landbúnaðar. Um stöðu ungra bænda og eldri bænda sem væru að afhenda bú sín til yngri kynslóða.
