20. nóvember - 27. nóvember - Tbl 47
Fundargerð Veðurklúbbs Dalbæjar, sjötta júní 2023
Mynd Veðurklúbbur Dalbæjar
Mætt voru, Haukur Haraldsson, Bergur Þór Jónsson, Hörður Kristgeirsson, Magnús Gunnlaugsson, Jón Garðarsson, Kristján Loftur Jónsson og Þóra Jóna Finnsdóttir.
Við byrjuðum fundinn á að hlusta saman á útvarpsviðtal sem þáttarstjórnendur í Reykjavík síðdegis á Bylgjunni tóku við ritara klúbbsins síðastliðinn þriðjudag varðandi starfsemi Veðurklúbbs Dalbæjar.
Félagar voru almennt sáttir við upplýsingarnar sem komu fram og samþykktu því að ritarinn svaraði áfram fyrir klúbbinn.
En því næst fórum við yfir tunglkomur sem tengjast júní mánuði og urðum sammála um að líklegast yrði áfram ríkjandi suðvestan átt á landinu sem er okkur hérna á stór Dalvíkursvæðinu mjög hagstæð, en því miður ekki endilega eins gott fyrir suðvestur hornið 🫣
Engir voru draumar félaga að þessu sinni sem gátu tengst veðri í júnímánuði en tilfinningin hjá flestum var sú að júní yrði að mestu leyti svipaður maí en líklega hlýrri einhvern hluta. Það er jákvætt fyrir okkur og líklega fyrir ferðaþjónustu hérna á Norðurlandi, það er að segja ef ferðamenn eru flestir það forsjálir að skoða veðurspána okkar áður en ferðaplön eru endanlega ákveðin 😁
Í framhaldi af því skoðuðum við hverju samkeppnisaðilar okkar á öðrum veðurstofum væru að spá næstu vikuna og þar virtist vedur.is , belgingur.is og yr.no vera í meginatriðum sammála bæði sín á milli og okkur.
Júní hefur jafnan verið
Misjafn hingað heim á skerið
En hlustið nú
Því okkar trú
Er að við þurfum húfuderið.
Höf. Bjór.
Hlýr er júní blíður blær,
blóm á túnum gróa.
Geislarúnir röðull skær
ritar á Húnaflóa.
Höf.Bragi Jónsson Hoftúnum í Staðarsveit (Refur bóndi)
Skúr er nú í Skagafirði
skyldi hann ekki batna senn.
Andskotinn þá alla hirði
sem ausa vatni á gamla menn
Höf. Gestur Ólafsson.
Nýjast
-
Æi stundum er fólk alltof upptekið af þvi að sýna að það sé fxxl
Tilgangslaus skemmdarverk sem gera ekkert annað en svekkja saklausa fara í taugarnar á öllu venjulegu fólki. Það er þvi engin furða að starfsfólk Skógræktarfélagsins hafi verið pirrað í dag eins og lesa má hér fyrr neðan. -
Hagnaður bankanna gríðarlegur en samfélagsleg ábyrgð engin
Trúnaðarráð Félags verslunar- og skrifstofufólks Akureyri og nágrenni (FVSA) og Sjómannafélag Eyjafjarðar ítreka nauðsyn þess að sveitarfélögin sýni ábyrgð og styðji við kjarasamninga með því að halda aftur af hækkunum á gjaldskrám. -
Hver verður þingmaður þinn?
Þegar kosningabaráttan nær hámarki og fjöldi kjósenda er enn óákveðinn, er eðlilegt að spyrja sig: „Hvernig tek ég rétta ákvörðun á kjördag?“ Margir kjósendur eru orðnir þreyttir á óljósum kosningaloforðum sem gætu aldrei orðið að veruleika. Þrátt fyrir það þurfa stjórnmálaflokkar að kynna stefnu sína og sýna hvernig þeir vilja leiða þjóðina til betri vegar. En er það nóg? Er rétt að treysta eingöngu á kosningapróf eða stór loforð? Kannski er kominn tími til að horfa meira til fólksins sem við setjum í lykilstöður. -
Grímseyingar fá 300 tonna viðbótar aflaheimildir án vinnsluskyldu
Byggðastofnun hefur auglýst viðbótaraflaheimildir án vinnsluskyldu fyrir Grímsey, allt að 300 þorskígildistonn fyrir fiskveiðiárin 2024/2025, 2025/2026 og 2026/2027. -
Guðrún Dóra Clarke nýr framkvæmdastjóri lækninga hjá Heilbrigðisstofnun Norðurlands
Guðrún Dóra Clarke hefur verið ráðin í auglýst starf framkvæmdastjóra lækninga hjá Heilbrigðisstofnun Norðurlands (HSN). Stefnt er að því að Guðrún Dóra hefji störf fljótlega og starfi samhliða Erni Ragnarssyni þar til hann lætur af störfum sem framkvæmdastjóri lækninga 1. febrúar n.k. -
Ferðafrelsið er dýrmætt
Ferðafrelsi er kannski ekki eitthvað sem menn alla jafna velta mikið fyrir sér frá degi til dags. Kannski vegna þess að okkur finnst það svo sjálfsagður hlutur. Að mega ferðast frjálsir um vegi og slóða um fjöll og fyrnindi umvafin náttúrunni við hvert fótmál. Þessir slóðar og fjallvegir urðu ekki til af sjálfu sér heldur mótuðust af höndum og hug þeirra frumkvöðla sem fyrstir fóru af stað á vanbúnum, óbreyttum bifreiðum þess tíma, þekktu á og kunnu að lesa í ár, vötn og land og öfluðu sér dýrmætrar þekkingar sem skilaðist áfram til næstu kynslóða. -
Listasafnið á Akureyri: Opnun, fimmtudagskvöldið 28. nóvember
Fimmtudagskvöldið 28. nóvember kl. 20-22 verða opnaðar tvær sýningar í Listasafninu á Akureyri: Sólveig Baldursdóttir – Augnablik-til baka og Átthagamálverkið: Á ferð um Norðausturland liðinnar aldar. Boðið verður upp á sýningarstjóraspjall með Markúsi Þór Andréssyni, sýningarstjóra Átthagamálverksins, kl. 20.40 og listamannaspjall með Sólveigu kl. 21. -
Íslandsþari með ný áform um þaravinnslu á Húsavík
Íslandsþari óskar eftir að fá úthlutað lóðinni að Búðarfjöru 1 á Húsavík til uppbyggingar húsnæðis til úrvinnslu stórþara. -
Betra veður fyrir íþróttakrakkana okkar!
Á ferð minni um okkar víðfema og fallega kjördæmi hef ég lent í allskyns vandræðum í öllum veðrum nú í nóvember. Ég er sannarlega ekki einn um það enda vegir landsins uppfullir af spennandi frambjóðendum í leit að sem flestum samtölum við fólkið í landinu. Frambjóðendur keppast nú við að birta myndir og myndbönd af skafrenningi, snjókomu, blindbyljum og fleira til. Allt til þess gert að sýna fólki hversu vandasamt það getur verið að ferðast um landið í nóvember. Sem betur fer er bara kosið á fjögurra ára fresti og oftast á vorin. Þess vegna er þetta nú frekar undantekning en hitt að frambjóðendur þurfi að vaða út í þetta veður og þessa færð í atkvæðaleit.
