13.nóvember - 20.nóvember - Tbl 46
Framkvæmdir á áætlun við Lundarskóla
Góður gangur er á framkvæmdum í Lundarskóla. Mynd/Þröstur Ernir.
Allar framkvæmdir við Lundarskóla á Akureyri eru á áætlun og mun kennsla hefjast í A-álmunni í haust. Skólinn þarf hins vegar áfram að nota Rósenborg til kennslu á unglingastigi næsta vetur en megnið af verkgreinunum fara aftur í Lundarskóla. Framkvæmdir við A-álmu skólans klárast í sumar en B-álman er í útboði og voru tilboð opnuð í síðustu viku. Áætluð verklok er sumarið 2022.
Samkvæmt upplýsingum blaðsins er kostnaður við A-álmu innan áætlunar. Framkvæmdir hófust síðasta sumar vegna myglu í skólanum og var hluti skólastarfsins í kjölfarið færður í Rósenborg. Elías Gunnar Þorbjörnsson, skólastjóri Lundarskóla, segir í samtali við Vikublaðið að allir nemendur og starfsfólk ættu að hefja skólaárið 2022-2023 í Lundarskóla við Dalsbraut. Hann segir jafnframt að fyrirkomulagið í vetur hafi gengið vel.
Allir lagst á eitt
„Það hafa allir lagst á eitt í að gera það besta úr stöðunni. Starfið í Rósenborg hefur gengið mjög vel og má hrósa bæði nemendum og starfsfólki fyrir hvernig þau hafa aðlagað starfið að breyttum aðstæðum bæði er varðar flutning og svo Covid,“ segir Elías. „Aðstaðan er þrengri í Rósenborg og kennslurýmin umtalsvert minni en við Dalsbraut. Andinn í húsinu er þó góður og fannst okkur það mikilvægt að finna húsnæði þar sem allt unglingastigið gat verið saman.“
Þá hafa nemendur í Lundarskóla í Rósenborg fengið að nota mötuneytið í Brekkuskóla. „Samstarfið við Brekkuskóla hefur verið frábært og ég held að við höfum náð að gera það besta úr stöðunni,“ segir Elías.
Nýjast
-
50 ára afmælisfagnaður Geðverndarfélags Akureyrar
Geðverndarfélag Akureyrar hélt upp á 50 ára afmæli sitt nýverið, en félagið var stofnað þann 15. desember 1974. Um 50 manns mættu í fagnaðinn, hlýddu á fróðleg erindi, nutu lifandi tónlistar og glæsilegra veitinga. -
Tónkvíslin, söngkeppni Framhaldsskólans á Laugum fer fram í kvöld
Tónkvíslin, söngkeppni Framhaldsskólans á Laugum er meðal stærstu menningarviðburða á Norðausturlandi. Tónkvíslin verður haldin í 18. skipti í kvöld 16. nóvember. Sigurvegari keppninnar keppir fyrir hönd skólans í söngkeppni framhaldsskólanna, þar sem margar stjörnur hafa einmitt stigið sín fyrstu skref. Þar má meðal annars nefna Birgittu Haukdal sem flestum landsmönnum er vel kunn. -
Bakþankar bæjarfulltrúa Því ekki að gera tilraun?
Það snjóaði um daginn. Götur urðu flughálar. Og ég dreif mig með bíl konu minnar í dekkjaskipti. Þú kemst að eftir tíu daga, var svarið sem ég fékk. -
Það sem Húsavíkingar gera best
Bjóða íbúa Manchester velkomna í bæinn -
Dagur íslenskrar tungu í Nonnahúsi
Barnabókarithöfundurinn Jón Sveinsson, Nonni, fæddist 16. nóvember 1857. Af þessu tilefni er boðið til afmælis á æskuheimili hans, Nonnahúsi, á afmælisdaginn milli 12 og 14. -
Fyrirséð að álag á fráveituna verður mikið
Talsverður viðbúnaður er á Akureyri vegna veðurs sem nú gengur yfir svæðið. Líkur eru á að svipað ástand geti skapast og í september 2022 þegar sjór gekk á land á Eyrinni með umtalsverðum afleiðingum. Margt er líkt með veðrinu sem spáð er í kvöld og þeim aðstæðum sem þá sköpuðust. -
Úrslit í ritlistakeppni Ungskálda 2024
Dómnefnd mun kunngera úrslit í ritlistasamkeppni Ungskálda 2024 við hátíðlega athöfn í Amtsbókasafninu á Akureyri. Athöfnin fer fram á degi íslenskrar tungu, laugardaginn 16. nóvember kl. 14. Léttar veitingar verða í boði að athöfn lokinni og einnig verður tónlistarflutningur frá Elíasi Dýrfjörð sem leikur á kontrabassa. Öll velkomin á athöfnina. -
Þrír konungar frá Skarðaborg
Haustið er að baki og vetur konungur hefur tekið völdin amk. fyrst um sinn Sauðfé hefur haft það gott á beitinni, enda fyrri hluti nóvember óvenju hlýr. Hrútar fara á gjöf í vikunni á flestum bæjum og sumir bændur eru farnir að rýja féð inn. Þessir „konungar“ í Skarðaborg í Reykjahverfi eru vel ullaðir og þó næði kuldaél þá verður þeim ekki kalt í sinni kápu. Vonandi verður veturinn mildur, en bæði bændur og búalið þurfa á því að halda eftir kalt og rigningasamt sumar. -
Um 200 manns kynntu sér starfsemi Pharmarctia á Grenivík
Um 200 manns komu við á opnu húsi hjá fyrirtækinu Pharmarctia á Grenivík um liðna helgi. Þá var formlega tekið í notkun 1500 fermetra viðbótarhúsnæði sem gestum og gangandi bauðst að skoða jafnframt því að kynna sér starfsemi félagins.
