Fráfallið skyldi eftir sig djúp sár í hjörtum okkar
„Fráfall Arnars skyldi eftir sig djúp sár í hjörtum okkur og að skipuleggja og halda svona viðburð er nokkuð sem ég bjóst aldrei við að gera. Ég sakna stóra bróður míns alveg gríðarlega. Hann var alltaf bara einum skilaboðum eða símtali frá, allt í einu svarar hann ekki lengur og mun ekki gera framar,“ segir Sólveig Árnadóttir systir Stefáns Arnars Gunnarssonar sem lést í mars síðastliðnum. Minningartónleikar um hann verða haldnir á Vitanum á Akureyri laugardaginn 16 september næst komandi. . Fram koma listamenn sem hann mat hvað mest, Stebbi Jak og Helgi & Hljóðfæraleikarnir.
„Við fjölskylda Arnars stöndum fyrir minningartónleikum en með þessum viðburði viljum við heiðra minningu Arnars og gefa þeim fjölmörgu sem þekktu til hans tækifæri á að koma saman og eiga góða kvöldstund með uppáhalds tónlistarfólkinu hans.
„Ævistarf og ástríða Arnars var að þjálfa og hjálpa öðrum að ná sínum markmiðum og hann gerði allt sitt til að hjálpa sínum iðkendum. Hann hafði samband við foreldra barna sem hann var jafnvel hættur að þjálfa með það í huga að athuga með barnið og vera því áfram innan handar ef hann gat,“ segir Sólveig. Hún kveðst ekki hafa deilt handboltaáhuga með honum, en fylgdist grannt með því sem hann var að gera og sá þá leiki sem hún hafði tök á að koma á.
Þannig var hann, góður, traustur
„Hann náði mér ekki á Iron Maiden tónleika en hann tryggði þó að ég kynni að slamma og gera rokkaramerkið með fingrunum áður en ég lærði að lesa. Hann kenndi mér að sjá Venus frá tunglinu og mun ég alltaf hugsa hlýtt til hans þegar skyggnið býður uppá þá sjón. Ég man svo vel þegar Addi las fyrir mig þegar ég var lítil, hann breytti röddinni fyrir hverja sögupersónu – sem gerði bókina svo áhugaverða. Það tók Adda alltaf undir mínútu að ná krökkunum mínum á sitt band þrátt fyrir að það liðu kannski vikur/mánuðir á milli þess sem þau hittu hann. Þannig var hann, góður, traustur, áhugaverður og sýndi áhuga. Hann hafði hrjúft yfirborð - en var mýkri að innan fyrir þá sem hann hleypti þangað. Söknuðurinn er mikill og saman munum við halda minningu hans á lofti,“ segir Sólveig.
Snortin af fórnfýsinni
Allur ágóði af miðasölu mun renna óskiptur í stofnun minningarsjóðs sem mun halda minningu Arnars á lofti með því að styðja við efnileg ungmenni sem stunda handknattleik og stefna hátt, nokkuð sem var hans ástríða og ævistarf.
Einnig er hægt að styrkja minningarsjóðinn með frjálsum framlögum ef fólk kemst ekki á tónleikana en vill engu að síður leggja sitt af mörkum. Hægt er að kaupa miða og styrkja sjóðinn inná www.addimaze.is
„Stebbi Jak og H&H gefa vinnu sína þetta kvöld og Helgi eigandi Vitans lánar okkur staðinn sinn svo að viðburðurinn geti farið fram og erum við þeim mjög þakklát og snortin af fórnsýninni,“ segir Sólveig og bætir við að fleiri hafi lagt málinu lið, m.a. við hönnun auglýsinga og tæknimál. „Minning um frábæran dreng og góðan traustan bróðir lifir áfram í hjörtum okkar.
Stefán Árnason, Arnar Gunnarsson, Samúel Ívar Árnason og Sólveig Árnadóttir.
Nýjast
-
Tónlistarskóli Eyjafjarðar sá fyrsti sem fer í Græn skref
Tónlistarskóli Eyjarfjarðar hefur náð þeim einstaka áfanga að vera fyrsti tónlistarskólinn á Íslandi til að fara í Græn skref „og mega þau vera stolt af því,“ segir á vefsíðu Samtaka sveitarfélaga á Norðurlandi eystra, SSNE. -
Atkvæðagreiðsla utan kjörfundar hefst 7 nóvember
Atkvæðagreiðsla utan kjörfundar við embætti sýslumannsins á Norðurlandi eystra hefst 7. nóvember n.k. Alls hafa 31.039 atkvæðarétt í kjördæminu, flestir þeirra og það kemur ekki á óvart frá Akureyri eða 15.057 manns. -
Pólarhestar eru fyrirtæki ársins
Markaðsstofa Norðurlands veitir viðurkenninguna Fyrirtæki ársins til fyrirtækis sem er búið að slíta barnsskónum og hefur skapað sér sterka stöðu á markaði. Fyrirtækið hefur unnið að stöðugri uppbyggingu, vöruþróun og nýsköpun og er með höfuðstöðvar á Norðurlandi. -
Íslenska kerfið framleiðir afbrotamenn
Að refsa einstaklingi fyrir alvarleg afbrot með fangelsisvist, er eitthvað sem flestir geta verið sammála um að sé nauðsynlegt. Fæstir átta sig hins vegar á hve frelsissviptingin ein og sér hefur gríðarleg áhrif á einstakling sem dæmdur hefur verið til vistar í fangelsi og ef betrunarúrræðin eru ekki til staðar er næsta öruggt að sá einstaklingur er lýkur afplánun, kemur út í samfélagið aftur í verra ástandi en hann var í þegar afplánun hófst. Stundum held ég að þessi hópur samfélags okkar sé álitinn hin skítugu börn Evu sem flestir vita af en enginn vill af þeim vita. Eins og að vandamálin hverfi um leið og kveðinn er upp dómur. Allir þeir einstaklingar sem fá á sig dóma eru synir, dætur, bræður, systur og barnabörn einhverra. Að afplána dóm hefur ekki bara gríðarleg áhrif á fangann heldur líka hans nánustu aðstandendur sem ég tel vera algjörlega týndan hóp innan kerfisins. Kerfis sem fyrir löngu er molnað í sundur. Kerfi sem nær ekki að eiga samskipti. Kerfi sem þarf að taka alvarlega til í og snýst hreinlega um líf eða dauða fólksins okkar. -
KOSNINGARÉTTUR
Við vanmetum oft það sem þykir sjálfsagt! Árið 1843 rak kosningaréttur fyrst á fjörur okkar Íslendinga með tilskipun Kristjáns VIII, en eingöngu til karlmanna eldri en 25 ára sem áttu jörð. Það var um 2% íslensku þjóðarinnar. Árið 1857 var ekki lengur þörf á að eiga jörð, nægjanlegt að búa á eigin heimili og borga skatta. Konur virtust ekki vera landsmenn á þessum tíma. -
Afleitt að Sæfari verði í slipp í apríl
Grímseyingar óska eftir aðstoð við að fá aðra tímasetningu en nú er þegar fyrirhugað er að ferjan Sæfari sem siglir milli lands og eyjar fer í slipp, sem er „afleit tímasetning bæði hvað varðar sjávarútveg og sérstaklega slæmt fyrir ferðaþjónustu í eynni,.“ segir í bókun frá íbúafundi sem haldinn var í eyjunni. -
Framkvæmdir að hefjast við innisundlaugina
Framkvæmdir eru hafnar við talsvert umfangsmiklar breytingar á innisundlaugin í Sundlaug Akureyrar. Umhverfis- og mannvirkjaráð hefur samþykkt að taka lægstu tilboðum í lagnir, raflagnir og múrverk en hafnaði aftur á móti tilboðum sem bárust í útboði á verkefnum í húsasmíði og blikksmíði þar sem þau voru hátt yfir kostnaðaráætlun. -
Nytjamarkaður Norðurhjálpar er eins árs
„Þetta var dásamlegur dagur og við erum þakklátar öllu því góða fólki sem styður við bakið á okkur, við erum eiginlega alveg vissar um að við er með langbesta fólki í kringum okkur,“ segir Sæunn Ísfeld Guðmundsdóttir ein þeirra fjögurra kvenna sem reka nytjamarkaðinn Norðurhjálp. -
Fjármagn í hugmyndavinnu við 50 metra innilaug áætluð árið 2028
Ellert Örn Erlingsson forstöðumaður íþróttamála hjá Akureyrarbæ segir að í framkvæmdaáætlun Akureyrarbæjar sé gert ráð fyrir fjármagni árið 2028 til að fara í formlega vinnu við að skoða möguleika og hugmyndir um 50 metra innisundlaug á Akureyri. „Það verður spennandi og skemmtilegt verkefni,“ segir hann. Um tíðina hafi af og til verið umræður við og innan Akureyrarbæjar um hugmyndir um nýja 50 metra innisundlaug.
