Forstjóri Byko skoðaði aðstæður á Húsavík
Eins og greint hefur verið frá er megn óánægja meðal íbúa og verktaka á Húsavík með ákvörðun Húsasmiðjunnar að loka verslun sinni í bænum um áramót.
Meðal þeirra sem mótmælt hafa ákvörðuninni er Framsýn stéttarfélag sem hefur formlega skorað á Húsasmiðjuna að endurskoða fyrri ákvörðun um að loka versluninni um næstu áramót. Ekki er útlit fyrir að Húsasmiðjan verði við því en hefur opnað á möguleika á því að reka söluskrifstofu í bænum.
Byko skoðar sig um
Vikublaðið hafði spurnir af því að fulltrúar Byko hafi heimsótt Húsavík í síðustu viku. Aðalstein Á. Baldursson formaður Framsýnar sagði í samtali við Vikublaðið að hann hafi átt fund með forstjóra Byko ásamt öðrum fyrir skemmstu með það að markmiði að fá hann til að skoða möguleika á að hefja rekstur á Húsavík.
„Ég get staðfest það að þeir áttu fund með okkur fulltrúum Framsýnar um möguleika þess að hefja starfsemi í bænum. Fundurinn var jákvæður og fulltrúar Byko kváðust ætla að skoða möguleikana,“ sagði Aðalsteinn við Vikublaðið.
Sigurður Brynjar Pálsson, forstjóri Byko sagði í samtali við blaðið að það sé rétt að hann hafi fundað með Húsvíkingum í síðustu viku en tók fram að best væri að stilla væntingum í hóf.
„Við fengum heimboð frá góðum aðilum á Húsavík. Ég þáði það en þetta var meira svona möguleikaskoðun. Fyrsti fasi skulum við segja; að koma í heimsókn, þiggja boðið og hlusta,“ segir hann og bætir við að heimsóknin hafi verið ánægjuleg.
„Það er vissulega björt framtíð fyrir Húsvíkinga og gaman að koma og heyra framtíðarsýnina, fjölbreytileikann í atvinnugreinunum og störfum. Það er augljóslega uppbygging í íbúaþróun og fyrirsjáanleg fjölgun íbúa til lengri tíma og mikið fram undan. Mér fannst áhugavert að heyra þetta og hvað samfélagið er vel samsett að mínu mati,“ útskýrir Sigurður Brynjar og kveðst hafa skilning á því að heimfólki þyki skarð hoggið í samfélagið að missa byggingavöruverlsun úr bænum sem margir séu farnir að skilgreina sem nauðsynjaverslun á eftir matvöruverslunum.
„Allt er þetta í lok dagsins spurning um hvort það sé grundvöllur fyrir slíkri verslun á Húsavík og í hvernig formati hún ætti að vera. Þetta eru allt spurninga sem við eigum eftir að fara í gegnum okkar megin. Og við munum gera það en það er ekki tímabært að vekja upp væntingar,“ segir forstjórinn að lokum.
Nýjast
-
Úrslit í ritlistakeppni Ungskálda 2024
Dómnefnd mun kunngera úrslit í ritlistasamkeppni Ungskálda 2024 við hátíðlega athöfn í Amtsbókasafninu á Akureyri. Athöfnin fer fram á degi íslenskrar tungu, laugardaginn 16. nóvember kl. 14. Léttar veitingar verða í boði að athöfn lokinni og einnig verður tónlistarflutningur frá Elíasi Dýrfjörð sem leikur á kontrabassa. Öll velkomin á athöfnina. -
Þrír konungar frá Skarðaborg
Haustið er að baki og vetur konungur hefur tekið völdin amk. fyrst um sinn Sauðfé hefur haft það gott á beitinni, enda fyrri hluti nóvember óvenju hlýr. Hrútar fara á gjöf í vikunni á flestum bæjum og sumir bændur eru farnir að rýja féð inn. Þessir „konungar“ í Skarðaborg í Reykjahverfi eru vel ullaðir og þó næði kuldaél þá verður þeim ekki kalt í sinni kápu. Vonandi verður veturinn mildur, en bæði bændur og búalið þurfa á því að halda eftir kalt og rigningasamt sumar. -
Um 200 manns kynntu sér starfsemi Pharmarctia á Grenivík
Um 200 manns komu við á opnu húsi hjá fyrirtækinu Pharmarctia á Grenivík um liðna helgi. Þá var formlega tekið í notkun 1500 fermetra viðbótarhúsnæði sem gestum og gangandi bauðst að skoða jafnframt því að kynna sér starfsemi félagins. -
Bókarkynning - Ókei
Út er komin bókin ÓKEI — uppruni og saga þekktasta orðatiltækis í heimi. Höfundur er Sigurður Ægisson og Hólar gefa út. OK eða O.K., ýmist ritað með lág- eða hástöfum, er sagt vera þekktasta útflutningsafurð Bandaríkjanna, fyrr og síðar. Alla vega er þessi stafasamsetning fyrir löngu komin um gjörvalla Jörð og mun í ofanálag vera fyrsta orðið sem heyrðist mælt á Tunglinu. Það er ekki lítið afrek. Hvað með aðrar reikistjörnur verður, á eftir að koma í ljós. -
Mikið um að vera á matvælabraut VMA
Ekki eru mörg ár liðin frá því nemar í starfnámi við matvælabraut Verkmenntaskólans á Akureyri þurftu að halda suður í Menntaskólann í Kópavogi til að ljúka námi sínu. Aukin eftirspurn frá bæði nemendum og atvinnulífinu hefur leitt til þess að VMA jók námsframboð sitt og nemar geta nú lokið námi sínu í heimabyggð. Þjónustusvæðið er einkum Norður- og Austurland. -
16 ára aldurstakmark á samfélagsmiðlum
Er ekki kominn tími til þess að við tökum umræðu um það fyrir alvöru á Íslandi að hækka aldurstakmarkið á samfélagsmiðlum? Hér er um að ræða málefni sem snertir lýðheilsu barna og ungmenna beint og því nauðsynlegt að gefa þessu málefni rými í aðdraganda kosninga. -
Endurreisnartónleikar Hymnodiu og SCS í Akureyrarkirkju n.k. sunnudag Uppfært tónleiknum hefur verið frestað um óákv tíma
Hymnodia, norræna endurreisnarhljómsveitin Scandinavian Cornetts and Sackbuts og Ágúst Ingi Ágústsson, stjórnandi Cantores Islandiae, flytja gullfallega ítalska, spænska og enska endurreisnartónlist á tónleikum í Akureyrarkirkju sunnudaginn 17. nóvember kl. 17. -
Frambjóðendur í Norðausturkjördæmi mætast í Hátíðarsal HA á morgun
Stúdentafélag Háskólans á Akureyri (SHA) með aðstoð Landssamtaka íslenskra stúdenta (LÍS) standa fyrir pallborðsumræðum með frambjóðendum í Norðausturkjördæmi á morgun, föstudaginn 15. nóvember kl. 12:00 í Hátíðarsal HA. Einnig verður streymt frá viðburðinum á Vísi og YouTube-rás Háskólans á Akureyri fyrir þau sem hafa ekki tök á að mæta á staðinn. -
Bæjarráð vill aðflugsferla við Akureyrarflugvöll endurbætta hið fyrsta
Segja má að Bæjarráð Akureyrar láti ÍSAVIA heyra það í samþykkt sem ráðið lét frá sér fara eftir fund ráðsins í dag. Óánægja bæjarráðs er vegna tafa við gerð nýrra aðflugsferla fyrir flug úr suðri að Akureyrarflugvelli.
