13.nóvember - 20.nóvember - Tbl 46
Fólk er almennt íhaldssamt og heldur í fastar hefðir
Andrés Vilhjálmsson markaðsstjóri hjá Kjarnafæði- Norðlenska segir að verið sé að koma kjöti í verslanir af fullum krafti en jólasalan hefst nú um þessi mánaðamót.
en þar á bæ eru nú allt á fullu við að koma kjöti í verslanir.
„Sala á jólakjötinu í verslunum landsins er að hefjast af krafti um þessar mundir, það byrja margir að skoða og kaupa um mánaðamótin nóvember desember. Fólk er almennt íhaldsamt, sem betur fer og heldur í fastar hefðir,” segir Andrés Vilhjálmsson markaðsstjóri hjá Kjarnafæði- Norðlenska en þar á bæ eru nú allt á fullu við að koma kjöti í verslanir.
Andrés segir að hangikjötið og svínahamborgarhryggurinn séu ávallt vinsælustu jólavörurnar ár eftir ár. Léttreykti lambahryggurnn nýtur alltaf mikilla vinsælda um hátíðarnar sem og krydduðu lambalærin. “Við reynum alltaf að bjóða upp á einhverjar nýjungar á hverju ári, hvort sem það eru nýjar fyllingar í lambakjöti, grafið lamb eða naut,segir hann og bætir við að tvíreykta hangikjötið tróni líka ofarlega á vinsældalista landsmanna, en mörgum þykir ómissandi að bjóða upp á slíkt á aðventu.
Stóru jólahlaðborðin falla víða niður vegna Covid
Sameining Kjarnafæðis Norðlenska var samþykkt í september síðastliðnum, um það leyti sem bæði fyrirtækin voru að hefja undirbúning og skipulag jólanna. “Árstíðin sem nú fer í hönd er stærsti sölutími ársins hvað umfang varðar, það er mikið um að vera og í mörg horn að líta þannig að þetta krefst allt saman mikils skipulags,” segir Andrés.
Hann nefnir að þeir óvissuþættir sem ríkt hafa undanfarið varðandi kórónuveiruna hafi að sjálfsögðu breytt sölunni mikið. Það á einkum við um stór jólahlaðborð sem falla niður í töluverðum mæli en í einhverjum tilvikum færast jólaboðin inn á heimilin og verða smærri í sniðum. “Það er nokkuð um það að fyrirtækin haldi jólahlaðborð einungis fyrir sitt starfsfólk og þá í sínum húsakynnum.”
Andrés nefnir að sameinað fyrirtæki bjóði nú upp á verulega fjölbreytt vöruframboð, enda mörg vörumerki á þess snærum, nefna megi jólakjöt frá KEA, kofareykt hangikjöt frá Kjarnafæði, hátíðarlamb frá Norðlenska, Húsavíkurkjöt og Goða hátíðarpaté. “Fyrirtækið leggur metnað sinn í að hafa neytandann alltaf í fyrsta sæti,” segir Andrés.
/MÞÞ
Nýjast
-
Úrslit í ritlistakeppni Ungskálda 2024
Dómnefnd mun kunngera úrslit í ritlistasamkeppni Ungskálda 2024 við hátíðlega athöfn í Amtsbókasafninu á Akureyri. Athöfnin fer fram á degi íslenskrar tungu, laugardaginn 16. nóvember kl. 14. Léttar veitingar verða í boði að athöfn lokinni og einnig verður tónlistarflutningur frá Elíasi Dýrfjörð sem leikur á kontrabassa. Öll velkomin á athöfnina. -
Þrír konungar frá Skarðaborg
Haustið er að baki og vetur konungur hefur tekið völdin amk. fyrst um sinn Sauðfé hefur haft það gott á beitinni, enda fyrri hluti nóvember óvenju hlýr. Hrútar fara á gjöf í vikunni á flestum bæjum og sumir bændur eru farnir að rýja féð inn. Þessir „konungar“ í Skarðaborg í Reykjahverfi eru vel ullaðir og þó næði kuldaél þá verður þeim ekki kalt í sinni kápu. Vonandi verður veturinn mildur, en bæði bændur og búalið þurfa á því að halda eftir kalt og rigningasamt sumar. -
Um 200 manns kynntu sér starfsemi Pharmarctia á Grenivík
Um 200 manns komu við á opnu húsi hjá fyrirtækinu Pharmarctia á Grenivík um liðna helgi. Þá var formlega tekið í notkun 1500 fermetra viðbótarhúsnæði sem gestum og gangandi bauðst að skoða jafnframt því að kynna sér starfsemi félagins. -
Bókarkynning - Ókei
Út er komin bókin ÓKEI — uppruni og saga þekktasta orðatiltækis í heimi. Höfundur er Sigurður Ægisson og Hólar gefa út. OK eða O.K., ýmist ritað með lág- eða hástöfum, er sagt vera þekktasta útflutningsafurð Bandaríkjanna, fyrr og síðar. Alla vega er þessi stafasamsetning fyrir löngu komin um gjörvalla Jörð og mun í ofanálag vera fyrsta orðið sem heyrðist mælt á Tunglinu. Það er ekki lítið afrek. Hvað með aðrar reikistjörnur verður, á eftir að koma í ljós. -
Mikið um að vera á matvælabraut VMA
Ekki eru mörg ár liðin frá því nemar í starfnámi við matvælabraut Verkmenntaskólans á Akureyri þurftu að halda suður í Menntaskólann í Kópavogi til að ljúka námi sínu. Aukin eftirspurn frá bæði nemendum og atvinnulífinu hefur leitt til þess að VMA jók námsframboð sitt og nemar geta nú lokið námi sínu í heimabyggð. Þjónustusvæðið er einkum Norður- og Austurland. -
16 ára aldurstakmark á samfélagsmiðlum
Er ekki kominn tími til þess að við tökum umræðu um það fyrir alvöru á Íslandi að hækka aldurstakmarkið á samfélagsmiðlum? Hér er um að ræða málefni sem snertir lýðheilsu barna og ungmenna beint og því nauðsynlegt að gefa þessu málefni rými í aðdraganda kosninga. -
Endurreisnartónleikar Hymnodiu og SCS í Akureyrarkirkju n.k. sunnudag Uppfært tónleiknum hefur verið frestað um óákv tíma
Hymnodia, norræna endurreisnarhljómsveitin Scandinavian Cornetts and Sackbuts og Ágúst Ingi Ágústsson, stjórnandi Cantores Islandiae, flytja gullfallega ítalska, spænska og enska endurreisnartónlist á tónleikum í Akureyrarkirkju sunnudaginn 17. nóvember kl. 17. -
Frambjóðendur í Norðausturkjördæmi mætast í Hátíðarsal HA á morgun
Stúdentafélag Háskólans á Akureyri (SHA) með aðstoð Landssamtaka íslenskra stúdenta (LÍS) standa fyrir pallborðsumræðum með frambjóðendum í Norðausturkjördæmi á morgun, föstudaginn 15. nóvember kl. 12:00 í Hátíðarsal HA. Einnig verður streymt frá viðburðinum á Vísi og YouTube-rás Háskólans á Akureyri fyrir þau sem hafa ekki tök á að mæta á staðinn. -
Bæjarráð vill aðflugsferla við Akureyrarflugvöll endurbætta hið fyrsta
Segja má að Bæjarráð Akureyrar láti ÍSAVIA heyra það í samþykkt sem ráðið lét frá sér fara eftir fund ráðsins í dag. Óánægja bæjarráðs er vegna tafa við gerð nýrra aðflugsferla fyrir flug úr suðri að Akureyrarflugvelli.
