Fjölsmiðjan á Akureyri 15 ára
Fjölsmiðjan á Akureyri var stofnuð 9. júlí 2007 og hófst starfsemi við endurbætur á húsnæði við Óseyri 1a í september sama ár. 8. mars 2008 var húsnæðið formlega opnað eftir endurbætur, en vorið 2014 flutti Fjölsmiðjan í stærra húsnæði við Furuvelli 13 og er þar enn til húsa. Stofnaðilar Fjölsmiðjunnar voru Rauði krossinn, Akureyrarbær, Vinnumálastofnun, Eining-Iðja og FVSA.
Fjölsmiðjan á Akureyri varð því 15 ára sl. sumar og hefur starfsemin eflst og dafnað vel frá upphafi. Yfir 400 ungmenni hafa fengið þar vinnu á meðan þau eru að skoða aðra náms- og starfsmöguleika. Nú starfa þar daglega 20 til 25 einstaklingar undir stjórn fjögurra verkstjóra.
Fjórir verkþættir í boði
Erlingur Kristjánsson er forstöðumaður Fjölsmiðjunnar og segir að vinnan þar sé fjölbreytt og tengist fjórum verkþáttum sem í boði eru, þ.e. nytjamarkaði, bílaþvottastöð, mötuneyti og rafeindamarkaði. „Nytjamarkaðurinn er mjög vinsæll hjá bæjarbúum og nærsveitungum. Almenningur er mjög duglegur að kaupa vörur og gefa hluti sem þeir þurfa að losna við. Það er alltaf hægt að hringja og gefa okkur húsgögn og húsbúnað og við komum og sækjum hlutina. Fjölsmiðjubíllinn er á ferðinni alla daga að sækja vörur og senda aðrar. Í byrjun nóvember settum við fram jólaskrautið okkar og þar kennir ýmissa grasa,“ segir Erlingur.
Þá segir hann að bílaþvottastöðin gangi vel og að fullt sé að gera flesta daga. „Í tíðarfari eins og hefur verið undanfarið getum við ekki annað eftirspurn og í aðdraganda jólanna komast að færri en vilja. Mötuneytið er fyrir starfsfólkið okkar og einnig getur almenningur komið og borðað í hádeginu venjulegan heimilismat þar sem aðeins er einn réttur í boði í hvert sinn. Mötuneytið okkar er ekki stórt en ákveðnir fastagestir mæta í mat sem seldur er á hóflegu verði. Ef um stærri hópa er að ræða þarf að panta fyrirfram,“ segir Erlingur og bætir við að nýlega var opnað rafeindaverkstæði í Fjölsmiðjunni, „þannig að almenningur getur komið með síma, tölvur eða önnur smærri raftæki í viðgerð. Einnig er þar áfram unnið að endurvinnslu á tölvum eins og við höfum gert frá upphafi. Við tökum þær í sundur og flokkum í ákveðna flokka til endurvinnslu. Því hvetjum við fólk til að koma með tölvuna til okkar þegar á að endurnýja og skiptir engu hvort tækin eru í lagi eða ólagi, jafnvel ónýt.”
Allir velkomnir í heimsókn
Ungmennin sem vinna í Fjölsmiðjunni fá greidd laun samkvæmt kjarasamningum við Einingu-Iðju og njóta lögbundinna réttinda þar. „Framtíð Fjölsmiðjunnar virðist björt sem eitt af þeim úrræðum sem ungmennum standa til boða eftir að grunnskóla lýkur. Til að fá vinnu í Fjölsmiðjunni er mögulegt að ræða beint við starfsfólkið á staðnum, tala við Vinnumálastofnun, eða Félagsþjónustu Akureyrarbæjar,“ segir Erlingur og bætir við að Akureyringar og nærsveitungar séu alltaf velkomnir í heimsókn, „hvort sem það er til að skoða aðstöðuna, líta á nytjamarkaðinn eða koma í hádegismat.“
Frá þessu er greint á heimasíðu Einingar Iðju.
Nýjast
-
Þjónustusamningur um rekstur almenningsbókasafns
Í dag var undirritaður þjónustusamningur Akureyrarbæjar og Svalbarðsstrandarhrepps um að íbúum hreppsins verði veitt fullt aðgengi að safnakosti og þjónustu Amtsbókasafnsins á Akureyri. -
Umgengni á athafnasvæði Skútabergs á Moldhaugnahálsi
Umgengni á athafnasvæði Skútabergs á Moldhaugnahálsi hefur verið til umræðu hjá Heilbrigðisnefnd Norðurlands eystra um skeið, en nefndin lýsti fyrir nokkru yfir vonbrigðum með að áform um tiltekt á svæðinu hefðu ekki gengið eftir. -
Sjúkrahúsið á Akureyri
Ísland er fámennt en stórt land. Íbúaþróun síðustu áratugi hefur á margan hátt verið óskynsamleg. Samkvæmt gögnum frá Hagstofunni búa nú nálægt 80% landsmanna á stórhöfuðborgarsvæðinu en 20% landsmanna á gríðarlega víðfeðmu landsvæði utan þess. Fá dæmi eru um slíka samþjöppun búsetu í nokkru landi og fyrir vikið er það flókið verkefni að tryggja öllum landsmönnum fyrsta flokks lögbundna þjónustu, þótt sannarlega sé það bráð nauðsynlegt. Það á ekki síst við um réttinn til heilbrigðisþjónustu. -
Hvar er fjárveitingin í Húsavíkurflugið?
Þingeyingar hafa lengi barist fyrir því að áætlunarflugi milli Húsavíkur og Reykjavíkur verði viðhaldið enda um mikilvæga samgöngubót að ræða, ekki síst fyrir heimamenn, ferðamenn og blómlegt atvinnulíf í Þingeyjarsýslum. -
Kosningaloforð og hvað svo?
Landssamband eldri borgara LEB eru samtök 56 aðildarfélaga sem eru dreifð um allt land með um 36.000 félaga. Þeir sem eru orðnir 60 ára geta gengið í félögin. -
Uppskeruhátíð ferðaþjónustunnar á Norðurlandi
Þrjár viðurkenningar voru veittar á Uppskeruhátíð ferðaþjónustunnar á Norðurlandi sem að þessu sinni var haldin í Eyjafirði, í Eyjafjarðarsveit, Svalbarðsstrandarhreppi og Grýtubakkahreppi. Þær voru fyrirtæki ársins, hvatningarverðlaun ársins og fyrir störf í þágu ferðaþjónustu. Á uppskeruhátíðinni var farið í heimsóknir til ýmissa ferðaþjónustufyrirtækja á svæðinu, sem bjóða bæði afþreyingu, mat og gistingu ásamt ýmsu öðru. Hátíðin tókst afar vel og lauk með hátíðarkvöldverði á Laugaborg í Hrafnagilshverfi, kvöldskemmtun, dansi og mikilli gleði. -
Harðbakur málaður og yfirfarinn í Slippnum á Akureyri
Togarinn Harðbakur EA 3 heldur senn til veiða eftir ýmsar endurbætur og uppfærslur í Slippnum á Akureyri, auk þess sem skipið var heilmálað. Harðbakur er fimm ára gamalt skip, smíðað í Vard-Aukra skipasmíðastöðinni í Noregi. Skipið kom til Akureyrar 9. nóvember 2019 og strax í kjölfarið tók Slippurinn við því, þar sem settur var vinnslubúnaður um borð. Harðbakur er 29 metra langur og 12 metra breiður. Skipið er gott í alla staði, bæði hvað varðar vinnslubúnað og aðbúnað áhafnar. -
Tónlistarskóli Eyjafjarðar sá fyrsti sem fer í Græn skref
Tónlistarskóli Eyjarfjarðar hefur náð þeim einstaka áfanga að vera fyrsti tónlistarskólinn á Íslandi til að fara í Græn skref „og mega þau vera stolt af því,“ segir á vefsíðu Samtaka sveitarfélaga á Norðurlandi eystra, SSNE. -
Atkvæðagreiðsla utan kjörfundar hefst 7 nóvember
Atkvæðagreiðsla utan kjörfundar við embætti sýslumannsins á Norðurlandi eystra hefst 7. nóvember n.k. Alls hafa 31.039 atkvæðarétt í kjördæminu, flestir þeirra og það kemur ekki á óvart frá Akureyri eða 15.057 manns.
