13.nóvember - 20.nóvember - Tbl 46
Fjöldi umsókna svipaður og í fyrra
Sr. Sólveig Halla Kristjánsdóttir sóknarprestur á Húsavík segist vona að Velferðarsjóður verði einhvern tíma óþarfur. Mynd/epe
Velferðarsjóður Þingeyinga opnaði fyrir umsóknir um jólaaðstoð í nóvember og er umsóknarfrestur til 6. desember nk. Sr. Sólveig Halla Kristjánsdóttir, sóknarprestur á Húsavík er í úthlutunarnefnd. Hún segir að útlit sé fyrir svipaðan fjölda umsókna og í fyrra þegar rúmlega 40 umsóknir bárust. „Mér sýnist það miðað við árferðið í haust. Það verður ekki undir 40 umsóknum,“ segir hún en allir sem búa í Þingeyjarsýslu, norður og suður geta sótt um. „Maður er alltaf að vona að sjóðurinn verði óþarfur en þetta haustið hefur ekki gefið okkur tilefni til þess, því miður.“
Velferðarsjóður úthlutar Netto kortum til umsækjenda og svo munu Kiwanismenn á Húsavík úthluta matarpökkum sem innihalda kjöt frá Norðlenska. „Við sjáum til þess að fólk fái í jólasteikina í ár,“ segir Sólveig Halla og bætir við að Fiskbúð Húsavíkur og Fiskeldið Haukamýri hafi stutt vel við málefnið í gegnum árin og gefið fólki fisk.
Umsóknarfrestur er til 6. desember því Kiwanismenn þurfa smá tíma til að undirbúa þetta og síðan er úthlutunin 16. desember í Kirkjubæ á Húsavík,“ útskýrir Sólveig Halla.
Þá segir hún að best sé að sækja um á netfanginu rkihusavik@simnet.is. Einnig sé hægt að hafa samband við prestana á svæðinu til að leggja söfnuninni lið.
„Það sem velferðarsjóður þyggur og tekur á móti er allur stuðningur í formi fjárframlaga af því Kiwanismenn sjá um matinn. Fyrirtæki og einstaklingar hér á svæðinu hafa verið mjög örlát við að styrkja sjóðinn í gegn um árin. Sumir eru að greiða fast framlag á mánuði og svo koma reglulega veglegir styrkir,“ segir Sólveig Halla og villl koma á framfæri kæru þakklæti frá sjóðnum til þeirra sem hafa lagt honum lið. „Framlag ykkar er ómetanlegt,“ segir hún að lokum.
Hægt er að styrkja Velferðarsjóð Þingeyinga með því að leggja inn á eftirfarandi reikningsnúmer: 1110-05-402610
Kennitala: 600410-0670.
Nýjast
-
Úrslit í ritlistakeppni Ungskálda 2024
Dómnefnd mun kunngera úrslit í ritlistasamkeppni Ungskálda 2024 við hátíðlega athöfn í Amtsbókasafninu á Akureyri. Athöfnin fer fram á degi íslenskrar tungu, laugardaginn 16. nóvember kl. 14. Léttar veitingar verða í boði að athöfn lokinni og einnig verður tónlistarflutningur frá Elíasi Dýrfjörð sem leikur á kontrabassa. Öll velkomin á athöfnina. -
Þrír konungar frá Skarðaborg
Haustið er að baki og vetur konungur hefur tekið völdin amk. fyrst um sinn Sauðfé hefur haft það gott á beitinni, enda fyrri hluti nóvember óvenju hlýr. Hrútar fara á gjöf í vikunni á flestum bæjum og sumir bændur eru farnir að rýja féð inn. Þessir „konungar“ í Skarðaborg í Reykjahverfi eru vel ullaðir og þó næði kuldaél þá verður þeim ekki kalt í sinni kápu. Vonandi verður veturinn mildur, en bæði bændur og búalið þurfa á því að halda eftir kalt og rigningasamt sumar. -
Um 200 manns kynntu sér starfsemi Pharmarctia á Grenivík
Um 200 manns komu við á opnu húsi hjá fyrirtækinu Pharmarctia á Grenivík um liðna helgi. Þá var formlega tekið í notkun 1500 fermetra viðbótarhúsnæði sem gestum og gangandi bauðst að skoða jafnframt því að kynna sér starfsemi félagins. -
Bókarkynning - Ókei
Út er komin bókin ÓKEI — uppruni og saga þekktasta orðatiltækis í heimi. Höfundur er Sigurður Ægisson og Hólar gefa út. OK eða O.K., ýmist ritað með lág- eða hástöfum, er sagt vera þekktasta útflutningsafurð Bandaríkjanna, fyrr og síðar. Alla vega er þessi stafasamsetning fyrir löngu komin um gjörvalla Jörð og mun í ofanálag vera fyrsta orðið sem heyrðist mælt á Tunglinu. Það er ekki lítið afrek. Hvað með aðrar reikistjörnur verður, á eftir að koma í ljós. -
Mikið um að vera á matvælabraut VMA
Ekki eru mörg ár liðin frá því nemar í starfnámi við matvælabraut Verkmenntaskólans á Akureyri þurftu að halda suður í Menntaskólann í Kópavogi til að ljúka námi sínu. Aukin eftirspurn frá bæði nemendum og atvinnulífinu hefur leitt til þess að VMA jók námsframboð sitt og nemar geta nú lokið námi sínu í heimabyggð. Þjónustusvæðið er einkum Norður- og Austurland. -
16 ára aldurstakmark á samfélagsmiðlum
Er ekki kominn tími til þess að við tökum umræðu um það fyrir alvöru á Íslandi að hækka aldurstakmarkið á samfélagsmiðlum? Hér er um að ræða málefni sem snertir lýðheilsu barna og ungmenna beint og því nauðsynlegt að gefa þessu málefni rými í aðdraganda kosninga. -
Endurreisnartónleikar Hymnodiu og SCS í Akureyrarkirkju n.k. sunnudag Uppfært tónleiknum hefur verið frestað um óákv tíma
Hymnodia, norræna endurreisnarhljómsveitin Scandinavian Cornetts and Sackbuts og Ágúst Ingi Ágústsson, stjórnandi Cantores Islandiae, flytja gullfallega ítalska, spænska og enska endurreisnartónlist á tónleikum í Akureyrarkirkju sunnudaginn 17. nóvember kl. 17. -
Frambjóðendur í Norðausturkjördæmi mætast í Hátíðarsal HA á morgun
Stúdentafélag Háskólans á Akureyri (SHA) með aðstoð Landssamtaka íslenskra stúdenta (LÍS) standa fyrir pallborðsumræðum með frambjóðendum í Norðausturkjördæmi á morgun, föstudaginn 15. nóvember kl. 12:00 í Hátíðarsal HA. Einnig verður streymt frá viðburðinum á Vísi og YouTube-rás Háskólans á Akureyri fyrir þau sem hafa ekki tök á að mæta á staðinn. -
Bæjarráð vill aðflugsferla við Akureyrarflugvöll endurbætta hið fyrsta
Segja má að Bæjarráð Akureyrar láti ÍSAVIA heyra það í samþykkt sem ráðið lét frá sér fara eftir fund ráðsins í dag. Óánægja bæjarráðs er vegna tafa við gerð nýrra aðflugsferla fyrir flug úr suðri að Akureyrarflugvelli.
