Fimmti og síðasti áfangi nýrrar Hjalteyrarlagnar
Undanfarin ár hefur verið stöðugur vöxtur í heitavatnsnotkun Akureyringa og á árunum 2000-2020 tvöfaldaðist orkuþörf hitaveitunnar. Á síðustu árum hefur hitaveitan þurft að vera á fullum afköstum yfir köldustu vetrardagana og því hefur lítið mátt útaf bregða í rekstrinum. Hvað nýja Hjalteyrarlögn varðar, er um að ræða gríðarlega stórt verkefni og mikla fjárfestingu eða rúma tvo milljarða í heild með borunum og dælubúnaði. Verkefninu er áfangaskipt og er nú komið að loka áfanganum.
Forsagan
Vinnsla á heitu vatni hófst á Arnarnesi (Hjalteyrarsvæðinu) árið 2002 og árið 2005 var annarri vinnsluholu bætt við og var hún hugsuð fyrst og fremst sem varahola. Með vaxandi heitavatnsnotkun á þjónustusvæði Norðurorku varð þróunin sú að nota þurfti báðar holurnar allan ársins hring enda stendur Hjalteyrarsvæðið undir um 60% af því heita vatni sem notað er á Akureyri.
Flutningsgeta aðveitunnar frá Hjalteyri hefur hins vegar verið takmarkandi þáttur í nýtingu vinnslusvæðis þar sem eldri lögn (300 mm) bar ekki allt það heita vatn sem bærinn þurfti á álagstímum. Því var farið í að leggja nýja aðveituæð frá Hjalteyri til Akureyrar og er nýja aðveituæðin, sem er 500 mm, í raun hrein viðbót þar sem eldri lögnin verður nýtt áfram.
Undir botn Glerár
Vorið 2018 var þriðja holan boruð á Arnarnesi enda orðið aðkallandi að bora eina vinnsluholu til víðbótar svo að Norðurorka hefði varaholu tilbúna til að dæla úr kerfinu. Fyrsti áfangi verkefnisins var lagning innan bæjarmarka Akureyrar, þ.e. frá dælustöð Norðurorku á Glerártorgi og út fyrir Hlíðarbraut. Segja má að sá áfangi hafi verið nokkuð snúinn vegna umferðar og óvissu með legu eldri lagnakerfa í bænum. En allra flóknasti hluti þessa áfanga var lagning Hjalteyrarlagnar undir botn Glerár. Það var gert um haustið þegar dregið hafði úr vatnsrennsli árinnar. Áin var þá stífluð og leidd í gegnum þrjú stór rör. Sökkum var komið fyrir á árbotni og lögnin síðan hífð á sinn rétta stað.
Loka áfanginn
Nú er vinna hafin við fimmta og síðasta áfanga nýrrar aðveituæðar milli Akureyrar og Hjalteyrar. Í þessum áfanga verkefnisins verður kaflinn frá Skjaldarvík að Hlíðarbraut á Akureyri kláraður en hann er um 5,1 km að lengd. Um er að ræða 500 mm lögn í 710 mm einangrunarkápu og sá verkfræðistofan Verkís um hönnun lagnarinnar. Steypustöðin Dalvík mun sjá um lagningu aðveituæðarinnar og undirverktakarnir þeirra, Olafson Custom og Útrás mun sjá um samsuðu á lögnunum. Rörin koma frá röraverksmiðjunni Set á Selfossi og munu starfsmenn þeirra sjá um að ganga frá einangrun á samskeytum.
Það er von okkar að ný Hjalteyrarlögn (og eldri lögn) muni duga samfélaginu við Eyjafjörð næstu áratugina.
Frá þessu er sagt á heimasíðu Norðurorku
Nýjast
-
Þjónustusamningur um rekstur almenningsbókasafns
Í dag var undirritaður þjónustusamningur Akureyrarbæjar og Svalbarðsstrandarhrepps um að íbúum hreppsins verði veitt fullt aðgengi að safnakosti og þjónustu Amtsbókasafnsins á Akureyri. -
Umgengni á athafnasvæði Skútabergs á Moldhaugnahálsi
Umgengni á athafnasvæði Skútabergs á Moldhaugnahálsi hefur verið til umræðu hjá Heilbrigðisnefnd Norðurlands eystra um skeið, en nefndin lýsti fyrir nokkru yfir vonbrigðum með að áform um tiltekt á svæðinu hefðu ekki gengið eftir. -
Sjúkrahúsið á Akureyri
Ísland er fámennt en stórt land. Íbúaþróun síðustu áratugi hefur á margan hátt verið óskynsamleg. Samkvæmt gögnum frá Hagstofunni búa nú nálægt 80% landsmanna á stórhöfuðborgarsvæðinu en 20% landsmanna á gríðarlega víðfeðmu landsvæði utan þess. Fá dæmi eru um slíka samþjöppun búsetu í nokkru landi og fyrir vikið er það flókið verkefni að tryggja öllum landsmönnum fyrsta flokks lögbundna þjónustu, þótt sannarlega sé það bráð nauðsynlegt. Það á ekki síst við um réttinn til heilbrigðisþjónustu. -
Hvar er fjárveitingin í Húsavíkurflugið?
Þingeyingar hafa lengi barist fyrir því að áætlunarflugi milli Húsavíkur og Reykjavíkur verði viðhaldið enda um mikilvæga samgöngubót að ræða, ekki síst fyrir heimamenn, ferðamenn og blómlegt atvinnulíf í Þingeyjarsýslum. -
Kosningaloforð og hvað svo?
Landssamband eldri borgara LEB eru samtök 56 aðildarfélaga sem eru dreifð um allt land með um 36.000 félaga. Þeir sem eru orðnir 60 ára geta gengið í félögin. -
Uppskeruhátíð ferðaþjónustunnar á Norðurlandi
Þrjár viðurkenningar voru veittar á Uppskeruhátíð ferðaþjónustunnar á Norðurlandi sem að þessu sinni var haldin í Eyjafirði, í Eyjafjarðarsveit, Svalbarðsstrandarhreppi og Grýtubakkahreppi. Þær voru fyrirtæki ársins, hvatningarverðlaun ársins og fyrir störf í þágu ferðaþjónustu. Á uppskeruhátíðinni var farið í heimsóknir til ýmissa ferðaþjónustufyrirtækja á svæðinu, sem bjóða bæði afþreyingu, mat og gistingu ásamt ýmsu öðru. Hátíðin tókst afar vel og lauk með hátíðarkvöldverði á Laugaborg í Hrafnagilshverfi, kvöldskemmtun, dansi og mikilli gleði. -
Harðbakur málaður og yfirfarinn í Slippnum á Akureyri
Togarinn Harðbakur EA 3 heldur senn til veiða eftir ýmsar endurbætur og uppfærslur í Slippnum á Akureyri, auk þess sem skipið var heilmálað. Harðbakur er fimm ára gamalt skip, smíðað í Vard-Aukra skipasmíðastöðinni í Noregi. Skipið kom til Akureyrar 9. nóvember 2019 og strax í kjölfarið tók Slippurinn við því, þar sem settur var vinnslubúnaður um borð. Harðbakur er 29 metra langur og 12 metra breiður. Skipið er gott í alla staði, bæði hvað varðar vinnslubúnað og aðbúnað áhafnar. -
Tónlistarskóli Eyjafjarðar sá fyrsti sem fer í Græn skref
Tónlistarskóli Eyjarfjarðar hefur náð þeim einstaka áfanga að vera fyrsti tónlistarskólinn á Íslandi til að fara í Græn skref „og mega þau vera stolt af því,“ segir á vefsíðu Samtaka sveitarfélaga á Norðurlandi eystra, SSNE. -
Atkvæðagreiðsla utan kjörfundar hefst 7 nóvember
Atkvæðagreiðsla utan kjörfundar við embætti sýslumannsins á Norðurlandi eystra hefst 7. nóvember n.k. Alls hafa 31.039 atkvæðarétt í kjördæminu, flestir þeirra og það kemur ekki á óvart frá Akureyri eða 15.057 manns.
