13.nóvember - 20.nóvember - Tbl 46
Akureyringar á meðal þeirra hamingjusömustu
Oft hefur verið sagt að gott sé að búa á Akureyri. Ný könnun styður einmitt það. Mynd/Ármann Hinrik.
Vestmannaeyjar, Akureyri og Eyjafjörður eru þau svæði sem koma best út í nýrri skoðanakönnun meðal íbúa landsins á búsetuskilyrðum, hamingju og viðhorfi til síns sveitarfélags. Þetta segir í tilkynningu frá Samtökum sveitarfélaga á Vesturlandi og greint er frá mbl.is. Að könnuninni stóðu landshlutasamtök sveitarfélaga á landinu ásamt Byggðastofnun. Niðurstöðurnar byggja á svörum frá 10.253 þátttakendum.
Í könnuninni var spurt um 40 búsetuþætti. Var þannig spurt um húsnæðismál, nettengingar, vöruverð, þjónustu við fatlaða og aldraða, skólamál og fleira. Efnisatriðin voru því fjölbreytt. Þættir á borð við friðsæld, náttúru og loftgæði fengu almennt nokkuð háar einkunnir.
Í Morgunblaðinu segist Ásthildur Sturludóttir, bæjarstjóri á Akureyri, alsæl með niðurstöðurnar og þær komi henni ekki á óvart. „Lífsgæðin hérna eru bara óskaplega góð. Hér er náttúrufegurð og mikil lífsgæði fólgin í því að þurfa ekki að vera lengi í umferð á morgnana. Stöðugt og gott atvinnulíf og mikið um að vera í þó ekki stærri bæ en Akureyri,“ sagði Ásthildur og bætti við: „Þetta er bara frábær staður til að búa á.“
Nýjast
-
Sólveig Lára er Ungskáld Akureyrar 2024
Það var vel við hæfi að í dag, á degi íslenskrar tungu, voru úrslit í ritlistakeppni Ungskálda 2024 kunngjörð á Amtsbókasafninu. Fyrstu veðlaun hlaut Sólveig Lára Skarphéðinsdóttir fyrir verkið Stök. -
Á að vera landbúnaður á Íslandi?
Þetta er grundvallarspurning sem allir íslendingar þurfa að gera upp við sig ásamt þeirri spurningu hvort byggð eigi yfir höfuð að haldast annars staðar en á sv-horninu. Með ríkjandi borgríkisstefnu síðustu ára í boði Sjálfstæðisflokks, Framsóknarflokks og Vinstri grænna hefur það skilað 85% þjóðarinnar á eitt horn landsins. -
50 ára afmælisfagnaður Geðverndarfélags Akureyrar
Geðverndarfélag Akureyrar hélt upp á 50 ára afmæli sitt nýverið, en félagið var stofnað þann 15. desember 1974. Um 50 manns mættu í fagnaðinn, hlýddu á fróðleg erindi, nutu lifandi tónlistar og glæsilegra veitinga. -
Tónkvíslin, söngkeppni Framhaldsskólans á Laugum fer fram í kvöld
Tónkvíslin, söngkeppni Framhaldsskólans á Laugum er meðal stærstu menningarviðburða á Norðausturlandi. Tónkvíslin verður haldin í 18. skipti í kvöld 16. nóvember. Sigurvegari keppninnar keppir fyrir hönd skólans í söngkeppni framhaldsskólanna, þar sem margar stjörnur hafa einmitt stigið sín fyrstu skref. Þar má meðal annars nefna Birgittu Haukdal sem flestum landsmönnum er vel kunn. -
Bakþankar bæjarfulltrúa Því ekki að gera tilraun?
Það snjóaði um daginn. Götur urðu flughálar. Og ég dreif mig með bíl konu minnar í dekkjaskipti. Þú kemst að eftir tíu daga, var svarið sem ég fékk. -
Það sem Húsavíkingar gera best
Bjóða íbúa Manchester velkomna í bæinn -
Dagur íslenskrar tungu í Nonnahúsi
Barnabókarithöfundurinn Jón Sveinsson, Nonni, fæddist 16. nóvember 1857. Af þessu tilefni er boðið til afmælis á æskuheimili hans, Nonnahúsi, á afmælisdaginn milli 12 og 14. -
Fyrirséð að álag á fráveituna verður mikið
Talsverður viðbúnaður er á Akureyri vegna veðurs sem nú gengur yfir svæðið. Líkur eru á að svipað ástand geti skapast og í september 2022 þegar sjór gekk á land á Eyrinni með umtalsverðum afleiðingum. Margt er líkt með veðrinu sem spáð er í kvöld og þeim aðstæðum sem þá sköpuðust. -
Úrslit í ritlistakeppni Ungskálda 2024
Dómnefnd mun kunngera úrslit í ritlistasamkeppni Ungskálda 2024 við hátíðlega athöfn í Amtsbókasafninu á Akureyri. Athöfnin fer fram á degi íslenskrar tungu, laugardaginn 16. nóvember kl. 14. Léttar veitingar verða í boði að athöfn lokinni og einnig verður tónlistarflutningur frá Elíasi Dýrfjörð sem leikur á kontrabassa. Öll velkomin á athöfnina.
