Enginn sótti um lóð við Gránufélagsgötu 22 - Ekki heimilt að rífa skemmu frá 1915 sem stendur á lóðinni
Áhugi fyrir því að byggja á lóðinni við Gránufélagsgötu 22 á Akureyri virðist ekki mikill. Engar umsóknir bárust þegar Akureyrarbær auglýsti lóðina lausa til þróunar. Á lóðinni stendur skemma frá árinu 1915 og heimilar Minjastofnun ekki niðurrif á henni. „Ég veit ekki hvað kemur í veg fyrir áhuga á lóðinni en tel að tilvera þessa húss hjálpi ekki til,“ segir Pétur Ingi Haraldsson skipulagsfulltrúi. „Staðsetning hússins á miðri lóðinni er óheppileg.“ Skipulagsráð fól honum að ræða við Minjastofnun Íslands um framhald málsins.
Drög að deiliskipulagstillögu voru kynnt haustið 2021 fyrir lóðir númer 22 og 24 við Gránufélagsgötu. Þær gerðu ráð fyrir nýrri íbúðabyggð á því svæði og að skemma sem þar er fyrir yrði rifin. Á lóðinni númer 22 stóð áður hús, byggt árið 1923 og skúr frá 1921, en báðar byggingar hafa verið rifnar. Eftir stendur á lóðinni steinsteypt skemma byggð árið 1915 og nýtur hún friðunar. Skemman er eitt af elstu húsum á Oddeyri og elsta steinsteypta bakhúsið sem enn stendur uppi í hverfinu.
Dæmi um hverfandi byggðamynstur smáhýsa
Skemman ber vitni um hverfandi byggðamynstur smáhýsa á fram og baklóðum sem stóðu ýmist stök eða voru byggð saman í áföngum. Skemman er eina dæmið sem eftir stendur á Oddeyri og jafnvel á Akureyri um steinsteypta skemmu eða skúr á lóð frá því fyrir árið 1920. Minjastofnun hefur þrisvar áður sent frá sér álit vegna skemmunnar og ávallt á þá lund að ekki fáist heimild til að rífa hana.
Möguleiki ekki hindrun
Hins vegar er opnað á það áliti Minjastofnunar að breytingar verði gerði á húsinu að einhverju leyti þannig að hún falli betur að væntanlegri byggð á svæðinu. Hvetur stofnunin Akureyrarbæ til að líta á skemmuna sem möguleika en ekki hindrun. Eins hvetur Minjastofnun bæinn til að kynna sér lög um verndarsvæði í byggð. Loks hvetur stofnunin til þess að skipulag nýbygginga á lóðinni taki betra mið af ríkjandi byggðamynstri á Oddeyri sem einkennast af stakstæðum húsum í hógværum kvarða eins og það er orðaði í áliti Minjastofnunar
Nýjast
-
Safnar gripum sem framleiddir voru á Plastiðjunni og Iðjulundi
Sigurrós Tryggvadóttir, iðjuþjálfi á Plastiðjunni Bjargi Iðjulundi (PBI) er í viðtali á heimasíðu Akureryarbæjar þar sem hún segir frá söfnun sem hún stendur fyrir á gömlum framleiðsluvörum frá PBI. -
Æi stundum er fólk alltof upptekið af þvi að sýna að það sé fxxl
Tilgangslaus skemmdarverk sem gera ekkert annað en svekkja saklausa fara í taugarnar á öllu venjulegu fólki. Það er þvi engin furða að starfsfólk Skógræktarfélagsins hafi verið pirrað í dag eins og lesa má hér fyrr neðan. -
Hagnaður bankanna gríðarlegur en samfélagsleg ábyrgð engin
Trúnaðarráð Félags verslunar- og skrifstofufólks Akureyri og nágrenni (FVSA) og Sjómannafélag Eyjafjarðar ítreka nauðsyn þess að sveitarfélögin sýni ábyrgð og styðji við kjarasamninga með því að halda aftur af hækkunum á gjaldskrám. -
Hver verður þingmaður þinn?
Þegar kosningabaráttan nær hámarki og fjöldi kjósenda er enn óákveðinn, er eðlilegt að spyrja sig: „Hvernig tek ég rétta ákvörðun á kjördag?“ Margir kjósendur eru orðnir þreyttir á óljósum kosningaloforðum sem gætu aldrei orðið að veruleika. Þrátt fyrir það þurfa stjórnmálaflokkar að kynna stefnu sína og sýna hvernig þeir vilja leiða þjóðina til betri vegar. En er það nóg? Er rétt að treysta eingöngu á kosningapróf eða stór loforð? Kannski er kominn tími til að horfa meira til fólksins sem við setjum í lykilstöður. -
Grímseyingar fá 300 tonna viðbótar aflaheimildir án vinnsluskyldu
Byggðastofnun hefur auglýst viðbótaraflaheimildir án vinnsluskyldu fyrir Grímsey, allt að 300 þorskígildistonn fyrir fiskveiðiárin 2024/2025, 2025/2026 og 2026/2027. -
Guðrún Dóra Clarke nýr framkvæmdastjóri lækninga hjá Heilbrigðisstofnun Norðurlands
Guðrún Dóra Clarke hefur verið ráðin í auglýst starf framkvæmdastjóra lækninga hjá Heilbrigðisstofnun Norðurlands (HSN). Stefnt er að því að Guðrún Dóra hefji störf fljótlega og starfi samhliða Erni Ragnarssyni þar til hann lætur af störfum sem framkvæmdastjóri lækninga 1. febrúar n.k. -
Ferðafrelsið er dýrmætt
Ferðafrelsi er kannski ekki eitthvað sem menn alla jafna velta mikið fyrir sér frá degi til dags. Kannski vegna þess að okkur finnst það svo sjálfsagður hlutur. Að mega ferðast frjálsir um vegi og slóða um fjöll og fyrnindi umvafin náttúrunni við hvert fótmál. Þessir slóðar og fjallvegir urðu ekki til af sjálfu sér heldur mótuðust af höndum og hug þeirra frumkvöðla sem fyrstir fóru af stað á vanbúnum, óbreyttum bifreiðum þess tíma, þekktu á og kunnu að lesa í ár, vötn og land og öfluðu sér dýrmætrar þekkingar sem skilaðist áfram til næstu kynslóða. -
Listasafnið á Akureyri: Opnun, fimmtudagskvöldið 28. nóvember
Fimmtudagskvöldið 28. nóvember kl. 20-22 verða opnaðar tvær sýningar í Listasafninu á Akureyri: Sólveig Baldursdóttir – Augnablik-til baka og Átthagamálverkið: Á ferð um Norðausturland liðinnar aldar. Boðið verður upp á sýningarstjóraspjall með Markúsi Þór Andréssyni, sýningarstjóra Átthagamálverksins, kl. 20.40 og listamannaspjall með Sólveigu kl. 21. -
Íslandsþari með ný áform um þaravinnslu á Húsavík
Íslandsþari óskar eftir að fá úthlutað lóðinni að Búðarfjöru 1 á Húsavík til uppbyggingar húsnæðis til úrvinnslu stórþara.
