13.nóvember - 20.nóvember - Tbl 46
Hertar sóttvarnir í skólum
Síðast kom upp smit í Síðuskóla á Akureyri en ekki þurfti að grípa til lokunar.
Viðbrögð við Covid-smitum í skólum Akureyrarbæjar voru til umræðu á síðasta fundi fræðsluráðs. Þar lýsti fræðsluráð yfir fullum stuðningi við þær sóttvarnaaðgerðir sem gripið hefur verið til í skólum Akureyrarbæjar og segir í bókun að starfsfólk eigi miklar þakkir skilið fyrir fumlaus viðbrögð og starfshætti sem sé lykillinn að þeim góða árangri sem náðst hefur.
Fjögur tilvik hafa komið upp á stuttum tíma í leik-og grunnskólum Akureyrar þar sem smit hefur greinst og í þremur tilvikum hefur þurft að loka skólum eða hluta skóla í nokkra daga. Stjórnandi í Lundarskóla greindist með smit fyrr í haust og þurfti að loka skólanum í þrjá daga hjá nemendum 1.-6. bekkjar. Nemandi á miðstigi í Oddeyrarskóla greindist með smit skömmu fyrir vetrarfrí og var skólanum lokað í tvo daga. Þá var leikskóladeildinni í Árholti lokað um tíma vegna smits hjá barni í byrjun mánaðar. Nú síðast greindist starfsmaður Síðuskóla með smit og mun starfsfólk frístundar og þau börn sem þar voru þá tvo daga sem starfsmaðurinn var smitandi verða í sóttkví í fimm daga.
Skólar hólfaðir niður og nota þarf grímu
Karl Frímannsson, fræðslustjóri hjá Akureyrarbæ, segir í samtali við Vikublaðið að vel hafi gengið að takast á við þessar aðstæður. „Við búum það vel að hafa fengið góðar leiðbeiningar frá sóttvarnaryfirvöldum að verklagið er orðið gott. Við förum alfarið eftir tilmælum rakningarteymisins og eigum þétt og náið samstarf við þau þótt ekki sé alltaf full sátt um ákvarðanir sem teknar eru. Með þeim hætti hefur okkur tekist að leysa úr þessu,“ segir Karl.
Karl Frímannsson fræðslustjóri Akureyrarbæjar
Sóttvarnaaðgerðir í leik- og grunnskólum Akureyrarbæjar voru teknar til endurskoðunar í síðustu viku í ljósi þess að smitum var að fjölga í samfélaginu. Meðal annars hefur verið gripið til þess að hólfa skólana niður útfrá starfsfólki og ef starfsfólk fer á milli hólfa þarf það að nota grímu. Allir sem þurfa að koma inn í skólana, t.a.m. foreldrar og forráðarmenn, þurfa að nota grímu. „Við stígum öll þau skref sem við þurfum til að halda úti leik-og grunnskólastarfi og starfi tónlistarskólans,“ segir Karl.
Krefjandi vetur framundan
Hann segir ljóst að strembinn vetur sé framundan. „Það er óhætt að segja að þetta séu krefjandi tímar en við búum vel að því að hafa gott starfsfólk sem sýnt hefur bæði vönduð og yfirveguð vinnubrögð við þessar aðstæður síðustu átta mánuði. Nú er unnið að því að koma á stöðugleika í sóttvarnaaðgerðir sem gilda allt skólaárið og að við séum ekki að sveiflast til og frá með þær ákvarðanir. Það getur valdið óþarfa óvissu. Með góðu og stöðugu verklagi getum við haldið okkar striki í skólastarfi þó svo að smit komi upp.“
Nýjast
-
Hið fullkomna stjórnarfar
Mannkynið hefur gert tilraunir með margskonar stjórnarfar. Þetta lærdómsferli hefur því miður kostnað blóð og mannfórnir en það hefur fært okkur vitneskjuna um að lýðræði er besta stjórnarfarið sem mannkynið hefur þekkt. Ekkert stjórnskipulag hefur fært mannkyni jafn miklar framfarir, öryggi, réttlæti og almenna hagsæld en lýðræðið. -
Hættum að slá ryki í augun á fólki !
Greinin er skrifuð í nafni Stangaveiðifélags Akureyrar, Stangaveiðifélagsins Flúða, Veiðifélags Fnjóskár, Veiðifélags Eyjafjarðarár, Veiðifélags Hörgár, Fiskirannsókna ehf, félagsskapar sem kallast Bleikjan - Styðjum stofninn, SUNN - Samtaka um náttúruvernd á Norðurlandi, Landssambands veiðifélaga, NASF – Verndarsjóðs villtra laxastofna og Íslenska náttúruverndarsjóðsins – IWF. -
Eldri borgarar hafa áhyggjur af öryggismálum í Sölku
Fulltrúar í Félagi Eldri borgara á Akureyri hafa lýst yfir áhyggjum sínum af öryggismálum í kjallara félagsmiðstöðvarinnar Sölku í Víðilundi á Akureyri. Þeir hvetja til þess að vinnueftirlit, heilbrigðiseftirlit og eldvarnareftirlit verði fengið til að gera heildarúttekt á húsnæðinu vegna þeirrar starfsemi sem þar fer fram á vegum Akureyrarbæjar. -
Gestir í Lystigarði um 159 þúsund á 10 mánuðum
Alls heimsóttu rúmlega 159 þúsund gestir í Lystigarðinni á Akureyri á 10 mánaða tímabili, frá byrjun janúar til loka október samkvæmt teljurum sem þar eru. Þetta kemur fram í minnisblaði sem fjallað var um á fundi umhverfis- og mannvirkjaráðs. -
Sólveig Lára er Ungskáld Akureyrar 2024
Það var vel við hæfi að í dag, á degi íslenskrar tungu, voru úrslit í ritlistakeppni Ungskálda 2024 kunngjörð á Amtsbókasafninu. Fyrstu veðlaun hlaut Sólveig Lára Skarphéðinsdóttir fyrir verkið Stök. -
Á að vera landbúnaður á Íslandi?
Þetta er grundvallarspurning sem allir íslendingar þurfa að gera upp við sig ásamt þeirri spurningu hvort byggð eigi yfir höfuð að haldast annars staðar en á sv-horninu. Með ríkjandi borgríkisstefnu síðustu ára í boði Sjálfstæðisflokks, Framsóknarflokks og Vinstri grænna hefur það skilað 85% þjóðarinnar á eitt horn landsins. -
50 ára afmælisfagnaður Geðverndarfélags Akureyrar
Geðverndarfélag Akureyrar hélt upp á 50 ára afmæli sitt nýverið, en félagið var stofnað þann 15. desember 1974. Um 50 manns mættu í fagnaðinn, hlýddu á fróðleg erindi, nutu lifandi tónlistar og glæsilegra veitinga. -
Tónkvíslin, söngkeppni Framhaldsskólans á Laugum fer fram í kvöld
Tónkvíslin, söngkeppni Framhaldsskólans á Laugum er meðal stærstu menningarviðburða á Norðausturlandi. Tónkvíslin verður haldin í 18. skipti í kvöld 16. nóvember. Sigurvegari keppninnar keppir fyrir hönd skólans í söngkeppni framhaldsskólanna, þar sem margar stjörnur hafa einmitt stigið sín fyrstu skref. Þar má meðal annars nefna Birgittu Haukdal sem flestum landsmönnum er vel kunn. -
Bakþankar bæjarfulltrúa Því ekki að gera tilraun?
Það snjóaði um daginn. Götur urðu flughálar. Og ég dreif mig með bíl konu minnar í dekkjaskipti. Þú kemst að eftir tíu daga, var svarið sem ég fékk.
