ELKO gefur rúmlega 3 milljónir til góðgerðamála í desember
Styrktarfélag krabbameinssjúkra barna hlaut flest atkvæði viðskiptavina ELKO um val á styrktarmálefni í kosningu undir formerkjunum „Viltu gefa milljón?“. Jafnframt styrkti ELKO Kvennaathvarfið um vörur að andvirði 500 þúsunda króna. Þá njóta tíu önnur málefni góðs af framlagi úr styrktarsjóði ELKO sem starfsfólk fékk tækifæri á að velja, meðal annars Barnadeild SAk. Heildarframlög ELKO til góðra málefna í desember nema rúmum þremur milljónum króna.
Viðskiptavinum ELKO var gefinn kostur á að kjósa um málefni sem þau vildu sjá hljóta eina milljón króna í desember undir formerkjunum, Viltu gefa milljón? Kosningunni lauk 15. desember síðastliðinn og tóku rúmlega 4.000 manns þátt í valinu. SKB, Styrktarfélagi krabbameinssjúkra barna, hefur þegar verið afhentur styrkurinn. Að auki styrkti ELKO Kvennaathvarfið um 500 þúsund krónur í formi smárra raftækja, spila og annarrar afþreyingar á borð við leikjatölvur og leikja sem koma vonandi til með að hjálpa til við að stytta stundir þeirra sem þar dvelja yfir hátíðarnar.
„Við erum mjög ánægð með niðurstöðu kosningunnar því Styrktarfélag krabbameinssjúkra barna nýtur engra beinna opinbera styrkja og reiðir sig á frjáls framlög einstaklinga, fyrirtækja og félagasamtaka, en félagið styður við bakið á fjölskyldum barna sem greinast með krabbamein. Slagorð ELKO er að það sem skiptir þig máli skipti okkur máli og lætur ELKO sig líka varða hvað skiptir starfsfólk okkar máli, en í desember ár hvert tilnefna þau málefni sem njóta styrkja í formi raftækja úr styrktarsjóði ELKO. Þar höfum við að leiðarljósi að hjálpa öllum að njóta ótrúlegrar tækni,“ segir Óttar Örn Sigurbergsson, framkvæmdastjóri ELKO.
Styrktarsjóði ELKO berst fjöldi umsókna ár hvert en úthlutað er úr sjóðnum um fjórum sinnum á ári. Í desemberbyrjun hefur starfsfólk átt kost á því að tilnefna þau málefni sem standa þeim næst þar sem markmiðið er að styrkja viðkomandi málefni í formi raftækja. Í ár lagði starfsfólk ELKO til tíu málefni og námu styrkir um rúmlega 1,5 milljón króna og hefur afhending raftækja til eftirtaldra málefna að mestu farið fram núna fyrir jólin.
Félagasamtök og málefni sem urðu fyrir valinu í ár eru:
Stómasamtök Íslands, Hringsjá náms- og starfsendurhæfing, Heilindi, Einhverfusamtökin, Stígamót, Ljónshjarta, Einstök börn, Barnadeild SAK, Bjarkarhlíð, og Laugarásinn.
Nýjast
-
Þjónustusamningur um rekstur almenningsbókasafns
Í dag var undirritaður þjónustusamningur Akureyrarbæjar og Svalbarðsstrandarhrepps um að íbúum hreppsins verði veitt fullt aðgengi að safnakosti og þjónustu Amtsbókasafnsins á Akureyri. -
Umgengni á athafnasvæði Skútabergs á Moldhaugnahálsi
Umgengni á athafnasvæði Skútabergs á Moldhaugnahálsi hefur verið til umræðu hjá Heilbrigðisnefnd Norðurlands eystra um skeið, en nefndin lýsti fyrir nokkru yfir vonbrigðum með að áform um tiltekt á svæðinu hefðu ekki gengið eftir. -
Sjúkrahúsið á Akureyri
Ísland er fámennt en stórt land. Íbúaþróun síðustu áratugi hefur á margan hátt verið óskynsamleg. Samkvæmt gögnum frá Hagstofunni búa nú nálægt 80% landsmanna á stórhöfuðborgarsvæðinu en 20% landsmanna á gríðarlega víðfeðmu landsvæði utan þess. Fá dæmi eru um slíka samþjöppun búsetu í nokkru landi og fyrir vikið er það flókið verkefni að tryggja öllum landsmönnum fyrsta flokks lögbundna þjónustu, þótt sannarlega sé það bráð nauðsynlegt. Það á ekki síst við um réttinn til heilbrigðisþjónustu. -
Hvar er fjárveitingin í Húsavíkurflugið?
Þingeyingar hafa lengi barist fyrir því að áætlunarflugi milli Húsavíkur og Reykjavíkur verði viðhaldið enda um mikilvæga samgöngubót að ræða, ekki síst fyrir heimamenn, ferðamenn og blómlegt atvinnulíf í Þingeyjarsýslum. -
Kosningaloforð og hvað svo?
Landssamband eldri borgara LEB eru samtök 56 aðildarfélaga sem eru dreifð um allt land með um 36.000 félaga. Þeir sem eru orðnir 60 ára geta gengið í félögin. -
Uppskeruhátíð ferðaþjónustunnar á Norðurlandi
Þrjár viðurkenningar voru veittar á Uppskeruhátíð ferðaþjónustunnar á Norðurlandi sem að þessu sinni var haldin í Eyjafirði, í Eyjafjarðarsveit, Svalbarðsstrandarhreppi og Grýtubakkahreppi. Þær voru fyrirtæki ársins, hvatningarverðlaun ársins og fyrir störf í þágu ferðaþjónustu. Á uppskeruhátíðinni var farið í heimsóknir til ýmissa ferðaþjónustufyrirtækja á svæðinu, sem bjóða bæði afþreyingu, mat og gistingu ásamt ýmsu öðru. Hátíðin tókst afar vel og lauk með hátíðarkvöldverði á Laugaborg í Hrafnagilshverfi, kvöldskemmtun, dansi og mikilli gleði. -
Harðbakur málaður og yfirfarinn í Slippnum á Akureyri
Togarinn Harðbakur EA 3 heldur senn til veiða eftir ýmsar endurbætur og uppfærslur í Slippnum á Akureyri, auk þess sem skipið var heilmálað. Harðbakur er fimm ára gamalt skip, smíðað í Vard-Aukra skipasmíðastöðinni í Noregi. Skipið kom til Akureyrar 9. nóvember 2019 og strax í kjölfarið tók Slippurinn við því, þar sem settur var vinnslubúnaður um borð. Harðbakur er 29 metra langur og 12 metra breiður. Skipið er gott í alla staði, bæði hvað varðar vinnslubúnað og aðbúnað áhafnar. -
Tónlistarskóli Eyjafjarðar sá fyrsti sem fer í Græn skref
Tónlistarskóli Eyjarfjarðar hefur náð þeim einstaka áfanga að vera fyrsti tónlistarskólinn á Íslandi til að fara í Græn skref „og mega þau vera stolt af því,“ segir á vefsíðu Samtaka sveitarfélaga á Norðurlandi eystra, SSNE. -
Atkvæðagreiðsla utan kjörfundar hefst 7 nóvember
Atkvæðagreiðsla utan kjörfundar við embætti sýslumannsins á Norðurlandi eystra hefst 7. nóvember n.k. Alls hafa 31.039 atkvæðarétt í kjördæminu, flestir þeirra og það kemur ekki á óvart frá Akureyri eða 15.057 manns.
