Ekki í takt við nýjan breyttan raunveruleika
„Að okkar mati er útboðið sjálft ekki í tak við þann raunveruleika sem blasir við okkur í sjúkrafluginu,“ segir Gunnar Rúnar Ólafsson slökkviliðsstjóri í Slökkviliði Akureyrar um samning um sjúkraflug en það var boðið út fyrr á þessu ári. Tvö tilboð bárust, frá Mýflugi sem annast hefur flugið um árabil og Norlandair. Tilboð þess síðarnefnda var 10% lægra en kostnaðaráætlun og var því tekið. Samningurinn kemur til framkvæmda um næstu ármót.
Gunnar Rúnar segir að ekki sé ágreiningur um hvort flugfélagið hafi fengið samninginn, heldur snúist hann um ágalla í sjálfu útboðinu. Hvorki hefði verið leitað álits hjá Slökkviliði né Sjúkrahúsinu á Akureyri, en starfsfólk frá þessum stofnunum taki þátt í sjúkrafluginu og hafi af því mikla reynslu.
Úr 400 ferðum í 1000 á ári
„Það hefur orðið gríðarleg aukning í sjúkraflugi á liðnum árum og stefnir í að þau verði um 1000 á ári. Þegar síðasti samningur um sjúkraflug var gerður voru þau um 400 á ári að meðaltali. Þessi mikla aukning endurspeglast hvergi í nýja útboðinu,“ segir hann. Hvert flug tekur að meðaltali um 3,6 klukkustundir, þannig að ljóst er að í þau fara margar vinnustundir. Starfshópur hefur verið settur saman til að fara yfir málin m.a. er verið að leita eftir því að ríkið skilgreini betur hluti sem snúa að þjónustu í sjúkrafluginu.
Hann nefnir einnig að slökkvilið hefði sé um flotastýringu varðandi sjúkraflugið, þ.e. skipuleggi það en á stundum þurfi að fara á fleiri en einn stað og ná í fleiri sjúklinga ef það hentar. „Við erum með þetta á okkur könnu en það hefur aldrei verið samið við okkur um það verkefni. Okkur hefði þótt vel við hæfi að taka þessi atriði og fleiri inn í nýtt útboð,“ segir hann.
Breytt landslag
Loks nefnir hann að samkvæmt útboði þurfi sjúkraflugvél að vera til taks á ákveðnum tímum, en geti sinnt öðrum verkefnum á milli þess sem ekki þarf að fara í sjúkraflug. Nefnir slökkviliðsstjóri að það setji þjónustu í uppnám, sjúkraflug séu mjög tíð og vél þurfi ávallt að vera til taks. Þá hafi heldur ekki komið fram hver eigi að taka búnað úr vélum og setja inn í þær aftur, en slík vinna sé talverð. „Það er mikil umsýsla í kringum búnaðinn og getur orðið býsna snúið að vera sí og æ að taka hann úr vélum ef nýta á þær í önnur verkefni og setja inn á ný. Það hefur heldur ekki verið samið um hver eigi að annast það verkefni,“ segir hann en starfsmenn slökkvilið hafa annast viðhald og yfirferð búnaðarins. Einnig án þess að um það hafi verið samið.
„Landslagið í sjúkrafluginu er mikið breytt frá því sem var en að okkur mati er ekki tekið tillit til þess í útboðinu,“ segir hann. Verið sé að ræða málin og vonar hann að hagstæð niðurstaða liggi fyrir innan tíðar.
Mikil aukning hefur orðið í sjúkraflugi undanfarin ár, þau voru að jafnaði um 400 þegar sjúkraflug var síðast boðið út en stefna óðum að því að verða um 1000 á ári.
Nýjast
-
Tónlistarskóli Eyjafjarðar sá fyrsti sem fer í Græn skref
Tónlistarskóli Eyjarfjarðar hefur náð þeim einstaka áfanga að vera fyrsti tónlistarskólinn á Íslandi til að fara í Græn skref „og mega þau vera stolt af því,“ segir á vefsíðu Samtaka sveitarfélaga á Norðurlandi eystra, SSNE. -
Atkvæðagreiðsla utan kjörfundar hefst 7 nóvember
Atkvæðagreiðsla utan kjörfundar við embætti sýslumannsins á Norðurlandi eystra hefst 7. nóvember n.k. Alls hafa 31.039 atkvæðarétt í kjördæminu, flestir þeirra og það kemur ekki á óvart frá Akureyri eða 15.057 manns. -
Pólarhestar eru fyrirtæki ársins
Markaðsstofa Norðurlands veitir viðurkenninguna Fyrirtæki ársins til fyrirtækis sem er búið að slíta barnsskónum og hefur skapað sér sterka stöðu á markaði. Fyrirtækið hefur unnið að stöðugri uppbyggingu, vöruþróun og nýsköpun og er með höfuðstöðvar á Norðurlandi. -
Íslenska kerfið framleiðir afbrotamenn
Að refsa einstaklingi fyrir alvarleg afbrot með fangelsisvist, er eitthvað sem flestir geta verið sammála um að sé nauðsynlegt. Fæstir átta sig hins vegar á hve frelsissviptingin ein og sér hefur gríðarleg áhrif á einstakling sem dæmdur hefur verið til vistar í fangelsi og ef betrunarúrræðin eru ekki til staðar er næsta öruggt að sá einstaklingur er lýkur afplánun, kemur út í samfélagið aftur í verra ástandi en hann var í þegar afplánun hófst. Stundum held ég að þessi hópur samfélags okkar sé álitinn hin skítugu börn Evu sem flestir vita af en enginn vill af þeim vita. Eins og að vandamálin hverfi um leið og kveðinn er upp dómur. Allir þeir einstaklingar sem fá á sig dóma eru synir, dætur, bræður, systur og barnabörn einhverra. Að afplána dóm hefur ekki bara gríðarleg áhrif á fangann heldur líka hans nánustu aðstandendur sem ég tel vera algjörlega týndan hóp innan kerfisins. Kerfis sem fyrir löngu er molnað í sundur. Kerfi sem nær ekki að eiga samskipti. Kerfi sem þarf að taka alvarlega til í og snýst hreinlega um líf eða dauða fólksins okkar. -
KOSNINGARÉTTUR
Við vanmetum oft það sem þykir sjálfsagt! Árið 1843 rak kosningaréttur fyrst á fjörur okkar Íslendinga með tilskipun Kristjáns VIII, en eingöngu til karlmanna eldri en 25 ára sem áttu jörð. Það var um 2% íslensku þjóðarinnar. Árið 1857 var ekki lengur þörf á að eiga jörð, nægjanlegt að búa á eigin heimili og borga skatta. Konur virtust ekki vera landsmenn á þessum tíma. -
Afleitt að Sæfari verði í slipp í apríl
Grímseyingar óska eftir aðstoð við að fá aðra tímasetningu en nú er þegar fyrirhugað er að ferjan Sæfari sem siglir milli lands og eyjar fer í slipp, sem er „afleit tímasetning bæði hvað varðar sjávarútveg og sérstaklega slæmt fyrir ferðaþjónustu í eynni,.“ segir í bókun frá íbúafundi sem haldinn var í eyjunni. -
Framkvæmdir að hefjast við innisundlaugina
Framkvæmdir eru hafnar við talsvert umfangsmiklar breytingar á innisundlaugin í Sundlaug Akureyrar. Umhverfis- og mannvirkjaráð hefur samþykkt að taka lægstu tilboðum í lagnir, raflagnir og múrverk en hafnaði aftur á móti tilboðum sem bárust í útboði á verkefnum í húsasmíði og blikksmíði þar sem þau voru hátt yfir kostnaðaráætlun. -
Nytjamarkaður Norðurhjálpar er eins árs
„Þetta var dásamlegur dagur og við erum þakklátar öllu því góða fólki sem styður við bakið á okkur, við erum eiginlega alveg vissar um að við er með langbesta fólki í kringum okkur,“ segir Sæunn Ísfeld Guðmundsdóttir ein þeirra fjögurra kvenna sem reka nytjamarkaðinn Norðurhjálp. -
Fjármagn í hugmyndavinnu við 50 metra innilaug áætluð árið 2028
Ellert Örn Erlingsson forstöðumaður íþróttamála hjá Akureyrarbæ segir að í framkvæmdaáætlun Akureyrarbæjar sé gert ráð fyrir fjármagni árið 2028 til að fara í formlega vinnu við að skoða möguleika og hugmyndir um 50 metra innisundlaug á Akureyri. „Það verður spennandi og skemmtilegt verkefni,“ segir hann. Um tíðina hafi af og til verið umræður við og innan Akureyrarbæjar um hugmyndir um nýja 50 metra innisundlaug.
