13.nóvember - 20.nóvember - Tbl 46
Eina rannsóknastofnun sinnar tegundar á landsbyggðinni
Háskólinn á Akureyri
Rannsóknamiðstöð Háskólans á Akureyri – RHA - er í eigu Háskólans á Akureyri en er með sjálfstæðan rekstur og fjárhag. Á vegum hennar fara fram fjölbreyttar rannsóknir og þjónusta. Starfsmenn hafa verið um 10 talsins undanfarin misseri og hafa þeir fjölbreytta menntun og reynslu. Í gegnum tíðina hefur menntunarbakgrunnur á sviði félagsvísinda og hugvísinda þó verið algengastur meðal starfsmanna sem þá aftur hefur að sjálfsögðu áhrif á hvaða verkefnum er sinnt hverju sinni. Einnig vinna oft akademískir starfsmenn háskólans með starfsmönnum RHA að einstökum rannsóknarverkefnum og þannig breikkar mjög sá þekkingargrunnur sem stofnunin hefur yfir að ráða hverju sinni.
Áhersla lögð á mál landsbyggðarinnar
RHA verður 30 ára á næsta ári og hafa áherslur í rannsóknum verið mjög fjölbreyttar gegnum tíðina. Frá upphafi hefur verið lögð mikil áhersla á að sinna þörfum samfélagsins í víðum skilningi. Þannig myndar stofnunin á ýmsan hátt brú á milli háskólans, opinberrar stjórnsýslu og atvinnulífsins. Í raun hefur það bæði farið eftir því hverju þjónustuaðilar í samfélaginu hafa kallað eftir svo og menntun og áhugasviði þeirra sem starfað hafa við stofnunina. Vegna staðsetningar sinnar á Akureyri og þar með á landsbyggðinni hafa áherslur þó gjarnan tengst byggð og atvinnulífi landsbyggðarinnar. Þannig er sjónarhornið á rannsóknirnar oft annað en hjá sambærilegum stofnunum á höfuðborgarsvæðinu.
Segja má að stofnunin hafi verið einskonar útungunarstöð fyrir ýmsa starfsemi sem háskólinn hefur þróað gegnum tíðina. Þannig hófst starfsemi Símenntunar HA inn veggja RHA og sama gildir m.a. um Miðstöð skólaþróunar. Stærsti viðskiptavinur stofnunarinnar er í raun Háskólinn á Akureyri.
Fjölbreytt rannsóknarverkefni á döfinni
Dæmi um rannsóknarverkefni sem hafa verið á döfinni og eru í gangi má nefna verkefni um borgarhlutverk Akureyrar fyrir SSNE og Sveitarstjórnarráðuneytið, samfélags- og efnahagslegt mat allra jarðganga sem eru á áætlun fyrir Vegagerðina, mat á áhrifum Blöndulínu þrjú á samfélag og ferðaþjónustu fyrir Landsnet, verkefni styrkt af Jafnréttissjóði um stöðu kvenna á vinnumarkaði og loks má nefna nýlega könnun á fylgi flokkanna, fjölmiðlanotkun og fleira sem tengist kosningahegðun í aðdraganda Alþingiskosninga. Hvað varðar þjónustuverkefni fyrir Háskólann á Akureyri má nefna Vísindaskóla unga fólksins sem fer fram í júní á hverju ári og þar sem börn á aldrinum 11-13 fræðast um fjölbreytt málefni sem ber hátt í samfélaginu hverju sinni.
Nýjast
-
Dagur íslenskrar tungu í Nonnahúsi
Barnabókarithöfundurinn Jón Sveinsson, Nonni, fæddist 16. nóvember 1857. Af þessu tilefni er boðið til afmælis á æskuheimili hans, Nonnahúsi, á afmælisdaginn milli 12 og 14. -
Fyrirséð að álag á fráveituna verður mikið
Talsverður viðbúnaður er á Akureyri vegna veðurs sem nú gengur yfir svæðið. Líkur eru á að svipað ástand geti skapast og í september 2022 þegar sjór gekk á land á Eyrinni með umtalsverðum afleiðingum. Margt er líkt með veðrinu sem spáð er í kvöld og þeim aðstæðum sem þá sköpuðust. -
Úrslit í ritlistakeppni Ungskálda 2024
Dómnefnd mun kunngera úrslit í ritlistasamkeppni Ungskálda 2024 við hátíðlega athöfn í Amtsbókasafninu á Akureyri. Athöfnin fer fram á degi íslenskrar tungu, laugardaginn 16. nóvember kl. 14. Léttar veitingar verða í boði að athöfn lokinni og einnig verður tónlistarflutningur frá Elíasi Dýrfjörð sem leikur á kontrabassa. Öll velkomin á athöfnina. -
Þrír konungar frá Skarðaborg
Haustið er að baki og vetur konungur hefur tekið völdin amk. fyrst um sinn Sauðfé hefur haft það gott á beitinni, enda fyrri hluti nóvember óvenju hlýr. Hrútar fara á gjöf í vikunni á flestum bæjum og sumir bændur eru farnir að rýja féð inn. Þessir „konungar“ í Skarðaborg í Reykjahverfi eru vel ullaðir og þó næði kuldaél þá verður þeim ekki kalt í sinni kápu. Vonandi verður veturinn mildur, en bæði bændur og búalið þurfa á því að halda eftir kalt og rigningasamt sumar. -
Um 200 manns kynntu sér starfsemi Pharmarctia á Grenivík
Um 200 manns komu við á opnu húsi hjá fyrirtækinu Pharmarctia á Grenivík um liðna helgi. Þá var formlega tekið í notkun 1500 fermetra viðbótarhúsnæði sem gestum og gangandi bauðst að skoða jafnframt því að kynna sér starfsemi félagins. -
Bókarkynning - Ókei
Út er komin bókin ÓKEI — uppruni og saga þekktasta orðatiltækis í heimi. Höfundur er Sigurður Ægisson og Hólar gefa út. OK eða O.K., ýmist ritað með lág- eða hástöfum, er sagt vera þekktasta útflutningsafurð Bandaríkjanna, fyrr og síðar. Alla vega er þessi stafasamsetning fyrir löngu komin um gjörvalla Jörð og mun í ofanálag vera fyrsta orðið sem heyrðist mælt á Tunglinu. Það er ekki lítið afrek. Hvað með aðrar reikistjörnur verður, á eftir að koma í ljós. -
Mikið um að vera á matvælabraut VMA
Ekki eru mörg ár liðin frá því nemar í starfnámi við matvælabraut Verkmenntaskólans á Akureyri þurftu að halda suður í Menntaskólann í Kópavogi til að ljúka námi sínu. Aukin eftirspurn frá bæði nemendum og atvinnulífinu hefur leitt til þess að VMA jók námsframboð sitt og nemar geta nú lokið námi sínu í heimabyggð. Þjónustusvæðið er einkum Norður- og Austurland. -
16 ára aldurstakmark á samfélagsmiðlum
Er ekki kominn tími til þess að við tökum umræðu um það fyrir alvöru á Íslandi að hækka aldurstakmarkið á samfélagsmiðlum? Hér er um að ræða málefni sem snertir lýðheilsu barna og ungmenna beint og því nauðsynlegt að gefa þessu málefni rými í aðdraganda kosninga. -
Endurreisnartónleikar Hymnodiu og SCS í Akureyrarkirkju n.k. sunnudag Uppfært tónleiknum hefur verið frestað um óákv tíma
Hymnodia, norræna endurreisnarhljómsveitin Scandinavian Cornetts and Sackbuts og Ágúst Ingi Ágústsson, stjórnandi Cantores Islandiae, flytja gullfallega ítalska, spænska og enska endurreisnartónlist á tónleikum í Akureyrarkirkju sunnudaginn 17. nóvember kl. 17.
