6. nóvember - 13. nóvember - Tbl 45
Ég sat hjá
Jón Hjaltason óháður fulltrúi í skipulagsráði. Hann er ósáttur við staðarval nýs hjúkrunarheimilis í nágrenni við Síðuskóla.
Jón Hjaltason, óháður fulltrúi í skipulagsráði er ósáttur við staðarval vegna hjúkrunarheimilis sem valin hefur verið staður í næsta nágrenni við Síðuskóla. Hann sendi Vikublaðinu grein þar sem hann skýrir afstöðu sína.
Ég sat hjá
Já, ég sat hjá þegar skipulagsráð samþykkti á dögunum að reisa skyldi hjúkrunarheimili í næsta nágrenni við Síðuskóla. Þó er ég afar ósáttur við staðarvalið. Það á að vera meginregla í skipulagi að í nágrenni skóla skal byggt með þarfir barnafólks í huga.
Á sínum tíma létum við Lögmannshlíð við Vestursíðu okkur ekki að kenningu verða. Núna súpum við seyðið af þeirri skammsýni. Mín tillaga er að við hugsum til langrar framtíðar, tökum frá stórt svæði – til dæmis við Kjarnagötu eða Kjarnabraut þaðan sem ekki er langt í góðar gönguleiðir – skipuleggjum þar byggð fyrir 60 ára og eldri þar sem meðal annars verður gert ráð fyrir hjúkrunarheimili. Mörk við Suðurlandsbraut í Reykjavík er ágæt fyrirmynd.
En því sagði ég ekki nei við nýju hjúkrunarheimili við Síðuskóla? Meginástæðan og að mínu mati einu rökin sem halda vatni gegn minni skoðun er óttinn um að mótbárur gegn staðarvalinu kunni að draga byggingaráformin á langinn. Samkvæmt samningi ríkis og bæjar á heimilið að vera risið í lok næsta árs. Ríkið greiðir 85% byggingarkostnaðar, bærinn 15%. Ég vildi því ekki stuða þungavigtarann í þessu máli frekar en orðið er en samningurinn um byggingu hjúkrunarheimilisins var undirritaður með heilbrigðisráðherra í desember árið 2020.
Nýjast
-
Látum ekki blekkjast.
Kosningarnar eftir mánuð munu snúast um að skapa betri lífskjör fyrir venjulegt fólk hér á landi. Fyrir mér ættu framboðin nú að leggja fram sínar leiðir til að taka á verðbólgu, skapa tækifæri, efla velferðarkerfið og standa vörð um náttúruna, en sum hafa valið að spila á okkar lægstu hvata; ótta og andúð. -
Hlutu hvatningarverðlaun Íslensku menntaverðlaunanna
Íslensku menntaverðlaunin voru veitt við hátíðlega athöfn á Bessastöðum í gær. Verðlaunin voru upprunalega stofnuð til að auka veg menntaumbótastarfs og vekja athygli á því góða og metnaðarfulla starfi sem stundað er í skólum og frístundastarfi. -
Þjónustusamningur um rekstur almenningsbókasafns
Í dag var undirritaður þjónustusamningur Akureyrarbæjar og Svalbarðsstrandarhrepps um að íbúum hreppsins verði veitt fullt aðgengi að safnakosti og þjónustu Amtsbókasafnsins á Akureyri. -
Umgengni á athafnasvæði Skútabergs á Moldhaugnahálsi
Umgengni á athafnasvæði Skútabergs á Moldhaugnahálsi hefur verið til umræðu hjá Heilbrigðisnefnd Norðurlands eystra um skeið, en nefndin lýsti fyrir nokkru yfir vonbrigðum með að áform um tiltekt á svæðinu hefðu ekki gengið eftir. -
Sjúkrahúsið á Akureyri
Ísland er fámennt en stórt land. Íbúaþróun síðustu áratugi hefur á margan hátt verið óskynsamleg. Samkvæmt gögnum frá Hagstofunni búa nú nálægt 80% landsmanna á stórhöfuðborgarsvæðinu en 20% landsmanna á gríðarlega víðfeðmu landsvæði utan þess. Fá dæmi eru um slíka samþjöppun búsetu í nokkru landi og fyrir vikið er það flókið verkefni að tryggja öllum landsmönnum fyrsta flokks lögbundna þjónustu, þótt sannarlega sé það bráð nauðsynlegt. Það á ekki síst við um réttinn til heilbrigðisþjónustu. -
Hvar er fjárveitingin í Húsavíkurflugið?
Þingeyingar hafa lengi barist fyrir því að áætlunarflugi milli Húsavíkur og Reykjavíkur verði viðhaldið enda um mikilvæga samgöngubót að ræða, ekki síst fyrir heimamenn, ferðamenn og blómlegt atvinnulíf í Þingeyjarsýslum. -
Kosningaloforð og hvað svo?
Landssamband eldri borgara LEB eru samtök 56 aðildarfélaga sem eru dreifð um allt land með um 36.000 félaga. Þeir sem eru orðnir 60 ára geta gengið í félögin. -
Uppskeruhátíð ferðaþjónustunnar á Norðurlandi
Þrjár viðurkenningar voru veittar á Uppskeruhátíð ferðaþjónustunnar á Norðurlandi sem að þessu sinni var haldin í Eyjafirði, í Eyjafjarðarsveit, Svalbarðsstrandarhreppi og Grýtubakkahreppi. Þær voru fyrirtæki ársins, hvatningarverðlaun ársins og fyrir störf í þágu ferðaþjónustu. Á uppskeruhátíðinni var farið í heimsóknir til ýmissa ferðaþjónustufyrirtækja á svæðinu, sem bjóða bæði afþreyingu, mat og gistingu ásamt ýmsu öðru. Hátíðin tókst afar vel og lauk með hátíðarkvöldverði á Laugaborg í Hrafnagilshverfi, kvöldskemmtun, dansi og mikilli gleði. -
Harðbakur málaður og yfirfarinn í Slippnum á Akureyri
Togarinn Harðbakur EA 3 heldur senn til veiða eftir ýmsar endurbætur og uppfærslur í Slippnum á Akureyri, auk þess sem skipið var heilmálað. Harðbakur er fimm ára gamalt skip, smíðað í Vard-Aukra skipasmíðastöðinni í Noregi. Skipið kom til Akureyrar 9. nóvember 2019 og strax í kjölfarið tók Slippurinn við því, þar sem settur var vinnslubúnaður um borð. Harðbakur er 29 metra langur og 12 metra breiður. Skipið er gott í alla staði, bæði hvað varðar vinnslubúnað og aðbúnað áhafnar.
