27. nóvember - 4. desember - Tbl 48
Efling sjúkraþjálfun opnar nýja starfsstöð í Kaupangi
Ásta Þorsteinsdóttir framkvæmdastjóri hjá Eflingu sjúkraþjálfun í nýju starfsstöðinni í Kaupangi Mynd MÞÞ
Við munum leggja áherslu á þjálfun og meðhöndlun eldra fólks og fólks með vandamál tengd meðgöngu, mjaðmagrind og grindarbotni,“ segir Ásta Þorsteinsdóttir framkvæmdastjóri Eflingar sjúkraþjálfunar en fyrirtækið hefurtekið í notkun nýja starfsstöð í Kaupangi. Húsnæðið er á 2. hæð í norðurenda en Efling keypti húsnæðið af Sjálfstæðisflokknum. Nýja stöðin er um 380 fermetrar að stærð og vel tækjum búin.
Ásta segir að á stöðinni séu ný styrktar- og æfingatæki frá HUR í Finnlandi en þau eru stillt með loftmótstöðu þannig að þeir sem nota þau geta stillt þyngd og fjölda endurtekninga á tölvuskjá. Að auki eru ýmis önnur tæki á nýju stöðinni sem er bæði björt og rúmgóð með frábæru útsýni úr æfingasalnum, en nýjum gluggum var bætt við norðurgafl hússins. Þá var lyftu einnig komið fyrir í húsinu og er inngangur í hana frá bílastæði vestan við Kaupang, en aðalinngangur er í göngum milli húsa, við hlið Blómabúðar Akureyrar.
Hóptímar verða í boði
Góð aðstaða er til hópþjálfunar og segir Ásta stefnt að því að bjóða ýmsa hóptíma í framtíðinni þar sem m.a. verður lögð áhersla á jafnvægi, gönguþjálfun, styrk, þol, liðleika, færni, jóga og slökun. „Þörfin fyrir sjúkraþjálfun er mikil og á sennilega bara eftir að aukast í framtíðinni í takt við öldrun þjóðarinnar,“ segir hún.
Alls munu 6 sjúkraþjálfarar starfa til að byrja með á nýjustöðinni, en auk Ástu verða þar þau
Hannes Bjarni Hannesson, Soffía Einarsdóttir, Sævar Þór Sævarsson, Vébjörn Fivelstad og Þóra Hlynsdóttir.
Áfram í miðbænum
Starfsemi Eflingar verður áfram í Hafnarstræti 97 og verða einhverjir sjúkraþjálfarar á báðum stöðum. „Þetta er góð viðbót við okkar rótgrónu stöð í miðbænum,“ segir Ásta. „Það er gott að geta komið til móts við fólk sem á erfitt með gang en bílastæði eru allt í kringum húsið.
Það verður gaman að þróa þessa stöð með viðskiptavinum okkar og við munum koma til móts við þeirra þarfir eftir bestu getu,“ segir hún er alls starfa 22 hjá Eflingu sjúkraþjálfun um þessar mundir, þar af 19 sjúkraþjálfarar.
Nýjast
-
Elfar Árni er kominn heim
Völsungur styrkir sig fyrir baráttuna í Lengjudeildinni -
Götuhornið - Kona í Miðbænum skrifar
Á götuhorninu var að sjálfsögðu verið að ræða komandi kosningar enda í mörg horn að líta þegar kemur að því hvert skal greiða atkvæði á laugardaginn kemur. -
Verðkönnun vegna Húsavíkurflugs
Vegagerðin hefur sent út verðkönnun til nokkurra flugfélaga hér á landi varðandi áætlunarflug á milli Húsavíkur og Reykjavíkur. Frestur til að skila inn svörum rennur út á morgun, fimmtudag og samkvæmt upplýsingum frá Vegagerðinni verður ákvörðun tekin í framhaldi af því. -
Framtíðin er núna
Það er áhugavert að heyra hvernig flestir stjórnmálamenn tala um „málefni ungs fólks“. Þeir setja mynd á Instagram um námslán eða halda málfund um fæðingarorlof. Kannski er þessi umfjöllun upplýsandi fyrir einhvern, en fyrir flestum sem tilheyra hópnum „ungt fólk“ eru hún frekar undarleg – vegna þess að hagsmunir ungs fólks afmarkast ekki við einstök loforð, þeir eru hagsmunir allra. -
Styrkur frá starfsmönnum ÍME
Starfsmannafélag Íþróttamiðstöðvar Eyjafjarðarsveitar stóð fyrir fjársöfnun í bleikum október til handa Krabbameinsfélagi Akureyrar og nágrennis. -
Stóri fýlupósturinn eða allt er gott sem endar vel :-)
Í Kjarnaskógi hafa starfsmenn Skógræktarinnar tekið gleði sína á ný og við þá líka en ekki hvað, enda fátt betra en það sem endar vel. Þetta hér fyrir neðan má lesa á Fb vegg þeirra í morgun. -
Safnar gripum sem framleiddir voru á Plastiðjunni og Iðjulundi
Sigurrós Tryggvadóttir, iðjuþjálfi á Plastiðjunni Bjargi Iðjulundi (PBI) er í viðtali á heimasíðu Akureryarbæjar þar sem hún segir frá söfnun sem hún stendur fyrir á gömlum framleiðsluvörum frá PBI. -
Æi stundum er fólk alltof upptekið af þvi að sýna að það sé fxxl
Tilgangslaus skemmdarverk sem gera ekkert annað en svekkja saklausa fara í taugarnar á öllu venjulegu fólki. Það er þvi engin furða að starfsfólk Skógræktarfélagsins hafi verið pirrað í dag eins og lesa má hér fyrr neðan. -
Hagnaður bankanna gríðarlegur en samfélagsleg ábyrgð engin
Trúnaðarráð Félags verslunar- og skrifstofufólks Akureyri og nágrenni (FVSA) og Sjómannafélag Eyjafjarðar ítreka nauðsyn þess að sveitarfélögin sýni ábyrgð og styðji við kjarasamninga með því að halda aftur af hækkunum á gjaldskrám.
