13.nóvember - 20.nóvember - Tbl 46
Efla konur í hjólreiðum
Akureyrardætur.
Akureyrardætur nefnist hópur hjólastelpna frá Norðurlandi sem hafa það að markmiði að hafa gaman, njóta og hjóla saman og efla þannig konur á Norðurlandi í hjólreiðum. Akureyrardætur urðu til fyrir rúmu ári síðan þegar 10 konur tóku þátt í Wow Cychlothon og hjóluðu hringinn í kringum landið.
Í upphafi árs, þegar ljóst var að hópurinn myndi ekki taka þátt í ár, var ákveðið að búa til hjólahóp fyrir stelpur á öllum aldri og halda þannig nafninu á lofti með það að markmiði að halda áfram að hjóla og hvetja fleiri stelpur til að bætast í hóp Akureyrardætra.
„Við höfum staðið fyrir nokkrum samhjólum núna í sumar en þá mæta konur og hjóla saman í mismunandi mörgum hópum allt, eftir getu og hraða,“ segir Þórdís Rósa Sigurðardóttir ein Akureyrardætra. „Hugsunin er að allir geti tekið þátt og hjólað á sínum forsendum. Hópnum er skipt upp í nokkra hópa og leiða hópastjórar hvern hóp fyrir sig.“ Þá sé markmið Akureyrardætra einnig að halda á lofti Stelpuhring Sportvers sem fór fram fyrst í fyrra og var skipulagður af Freydísi Hebu Konráðsdóttur og Hafdísi Sigurðardóttur, en þær tvær eru aðalforsprakkar Akureyrardætra og hafa staðið fyrir ýmsum hjólanámskeiðum hér á Akureyri undanfarin tvö ár.
53 konur tóku þátt í Stelpuhring Sportvers
Stelpuhringur Sportvers var haldinn í annað sinn þann 20. júní síðastliðinn í Eyjarfirði í samstarfi við Akureyrardætur og Hjólareiðafélag Akureyrar. Hjólaviðburðurinn er fyrst og fremst hugsaður sem hjólaskemmtun og markmiðið er að fá konur til að taka þátt í hjólaviðburðum sem þessum og skemmta sér saman, hvort sem ætlunin sé að keppa við aðrar konur, tímann eða sjálfa sig. Keppt er í tveimur aldursflokkum fyrir 49 ára og yngri og 49 og eldri. Hjólaður var innri Eyjafjarðarhringur, samtals 31.8 km hringur með 5,5 km malarkafla. Byrjað var að hjóla frá Brúnum og suður fjörðin og til baka og endað aftur á Brúnum. Í fyrra tóku 35 konur á öllum aldri þátt en í ár var bætt um betur og voru 53 konur sem mættu til leiks. Fyrir þá sem vilja slást í för með Akureyradætrum er hægt að fylgjast með hjólaferðum þeirra á Facebooksíðu hópsins.
Nýjast
-
Búsetutengd mismunun í heilbrigðisþjónustu, í boði einkavæðingar og heilbrigðisráðherra Framsóknar.
Búsetutengdur munur á notkun þjónustu sérgreinalækna er mjög mikill. Íbúar dreifbýlis nota þjónustuna mun minna en höfuðborgarbúar og íbúar Vestfjarða og Austfjarða minnst allra, nefnilega þrisvar sinnum minna en höfuðborgarbúar. Lýðheilsuvísar benda ekki til þess að íbúar í dreifbýli séu heilsubetri en höfuðborgarbúar. Nærtæk skýring á þessum mun er að kaupandi þjónustunnar, ríkið, lætur sig engu varða hvar þjónustan er veitt og hún hefur nær öll byggst upp í Reykjavík. Í versta falli er afleiðingin sú að þau sem búa næst þjónustunni nýta hana umfram þörf og hin sem fjær búa minna en æskilegt væri. Hvoru tveggja er hættulegt og brýnt að rýna lög og hvort þeim er fylgt. -
Svik við launafólk: Loforð um samráð brotin með gegndarlausum gjaldskrárhækkunum
Anna Júlíusdóttir formaður Einingar Iðju skrifar bréf til bæjarstjórnar Akureyrar í dag sem birt er að heimasíðu félagsins, það lætur hún í ljós mikla óánægju með boðaðar hækkanir hjá hinum ýmsu fyrirtækjum og stofnunum bæjarins og er óhætt að segja að Önnu sé misboðið. „Við erum tilbúin til uppbyggilegs samtals,“ sögðum við í júlí þegar bæjaryfirvöld á Akureyri boðuðu breytingar á gjaldskrám. Við fögnuðum loforðum um samráð, um víðtækt samtal við hagsmunaaðila og um reglulegt endurmatsferli þar sem allir kæmu að borðinu. Nú aðeins fjórum mánuðum síðar stendur eftir sársaukafullt svik á trausti launafólks. Í stað samtals og samráðs virðast vera að raungerast víðtækar gjaldskrárhækkanir sem eru hrein árás á kaupmátt launafólks. -
Vegamálin liggja þungt á Grímseyingum
Vegamál liggja þungt á heimamönnum í Grímsey. Bundið slitlag var sett á götur þar árið 1994 og aftur árið 2014, en þá var verkið ekki klárað almennilega, „því það mátti bara setja á ákveðið marga kílómetra,“ eins og það er orðað í bókun hverfisnefndar. -
Gripmælar, róbótar og ratleikur á Opnum degi Um 300 framhaldsskólanemendur lögðu leið sína í Háskólann á Akureyri
Stuðið var gífurlegt á dögunum þegar um 300 framhaldsskólanemendur heimsóttu Háskólann á Akureyri á Opnum degi. Skólinn hefur gert þetta í mörg ár í góðu samstarfi við náms- og starfsráðgjafa í framhaldsskólum á norðaustursvæðinu. -
Óska eftir frambjóðendum sem eru tilbúnir í alvöru breytingar!
Ég óska eftir breytingum svo að ég og allir aðrir menntaðir Heilsunuddarar viti hvað við eigum að kjósa í komandi alþingiskosningum. -
Lítið að frétta í lífi án frétta á landsbyggðunum
Af þeim 27 fjölmiðlum sem hlutu rekstrarstuðning til einkarekinna fjölmiðla 2024 voru 13 staðbundnir fjölmiðlar og af þeim 10 staðsettir utan höfuðborgarsvæðisins. Hver og einn af þessum staðbundnu miðlum þjónar gríðarlega mikilvægu hlutverki í sinni heimabyggð og styrkveitingin því sannarlega fagnaðarefni. -
AtNorth stækkar gagnaver sitt á Akureyri Glatvarmi nýttur til matvælaframleiðslu
Fyrirtækið atNorth vinnur að stækkun gagnavers síns á Akureyri. Einnig hefur félagið kynnt nýtt samstarf um endurheimt og nýtingu varma. Stækkun tveggja gagnavera atnorth, á Akureyri og í Reykjanesbæ er þegar hafin. -
easyJet lengir flugtímabil frá London til Akureyrar
Breska flugfélagið easyJet tilkynnti í dag að það muni bæta við flugferðum frá London Gatwick til Akureyrar í apríl 2025, og í október 2025. Áður stóð til að fljúga út mars á næsta ári, og hefja flugin að nýju í nóvember. Flugfélagið verður því mánuði lengur með flug í boði þennan vetur og að auki næsta haust. -
Snjómokstur í bænum
Töluvert hefur snjóað í bænum um helgina og þennan mánudagsmorguninn er víða illfært um íbúðagötur og stíga. Unnið er að snjómokstri og er mikill fjöldi tækja í notkun á vegum sveitarfélagsins og verktaka.
