Þegar Kristján Möller fékk kæruleysissprautu
Greinilegt er að Össur Skarphéðinsson fyrrverandi utanríkisráðherra og Kristján L. Möller þingmaður Samfylkingarinnar í Norðausturkjördæmi eru nánir vinir, það kemur skýrt fram í bók Össurar, Ári drekans. Össur segir meðal annars frá því þegar hann hringdi í Kristján, þegar staðan á stjórnarheimilinu var vægast sagt tvísýn:
Í hádeginu á ég ógleymanlegt samtal við Kristján L. Möller. Ég hef nuddað í honum að nú sé kominn tími á að hleypa Rammanum út úr þingflokknum. Minn góði vinur er óvanalega reifur í símanum.
Hann tekur mér fagnandi og hlær dátt og innilega að öllu. Ég set á grafalvarlega tölu um að staðan sé svo þung að ríkisstjórnin lifi tæpast næstu vikur nema hann losi skrúfuna af Rammanum. Kristján er dillandi kátur og sér engin vandamál við Rammann.
Ég bæti við að tóri ríkisstjórnin verði hann þjóðhetja í kjördæminu fyrir Vaðlaheiðargöng, Norðfjarðargöng og stóriðju á Húsavík. Það jafngildi því að koma heim í hérað með gull, silfur og brons. Gull, silfur og brons það er bara alslemm, segir hann spriklandi kátur.
Svona góðu boði sé erfitt að hafna hvað þá frá svona dásamlegum félaga. Allra síst á svona yndislegum degi! Það læðist að mér illur grunur og ég spyr hvort hann sé á bar í hádeginu. Miklu betra, segir Möller, og tjáir mér að hann sé að koma úr sérlega skemmtilegri magarannsókn.
Það kemur í ljós að á spítalanum var kónginum að norðan gefin risastór kæruleysissprauta sem er enn að virka. Þegar ég segi Jóhönnu Sigurðardóttur af samtalinu telur hún að það myndi bæta landsstjórnina ef Kristján L. Möller fengi kæruleysissprautu á hverjum degi.
Þegar hann er rukkaður um Rammann um kvöldið man Kristján lítið af þessu samtali og við hlæjum rosalega.
Nýjast
-
Kostuleg klassík með Sinfóníuhljómsveit Westmont-háskóla í Kaliforníu
Sinfóníuhljómsveit Westmont-háskóla í Kaliforníu er væntanleg til landsins á vormánuðum. Hún leikur á þrennum tónleikum í maí. Aðgangur er ókeypis á þá alla en sækja þarf miða á tix.is: -
Opið fyrir umsóknir í Slipptöku Driftar EA 2025
Drift EA hefur opnað fyrir umsóknir í Slipptökuna (e. Test Drive) 2025. Í Slipptökunni felast fjórar kraftmiklar vinnustofur fyrir frumkvöðla og teymi með hugmyndir sem eru tilbúnar á næsta stig. Slipptakan endar á formlegri kynningu verkefnanna þar sem valin verkefni komast áfram í Hlunninn. -
Þorsteinn Kári gefur út Skuggamynd
Lagið var hljóðritað að mestu leyti á Akureyri síðla árs 2023, en trommurnar voru hljóðritaðar í Berlín. Upptöku á Akureyri stjórnaði Þorsteinn Kári sjálfur, en tökum á trommum stjórnuðu Jón Haukur Unnarsson ásamt Nirmalya Banerjee. -
Fjármögnun lokið á nýrri landeldisstöð Samherja
Samherji fiskeldi ehf., dótturfélag Samherja hf., hefur lokið fjármögnun fyrsta áfanga Eldisgarðs, nýrrar landeldisstöðvar við Reykjanesvirkjun, með útgáfu nýs hlutafjár og sambankaláni. Fjármögnun fyrsta áfanga nemur 235 milljónum evra, jafnvirði 34 milljarða króna. Eitt hundrað ný störf verða til í stöðinni og annar eins fjöldi afleiddra starfa. Stefnt er að því að taka stöðina í notkun á fyrsta ársfjórðungi 2027. -
Ný bók frá Gunnari J. Straumland
Út er komin hjá bókaútgáfunni Sæmundi ný bók eftir Húsvíkinginn Gunnar J. Straumland. -
Hvatningarverðlaun BSE vegna ársins 2024
Fátt er mikilvægara fyrir íslenskan landbúnað en hafa baráttufólk sem berst með oddi og egg fyrir framtíð og starfsskilyrðum greinarinnar. -
Mikil umferð á Akureyrarflugvelli í dag
Það var í mörg horn að líta hjá starfsfólki Akureyrarflugvallar í dag og óhætt að fullyrða að veðrið lék við hvern þann sem um völlinn fór. -
Stóri plokkdagurinn er á sunnudaginn
Stóri plokkdagurinn verður haldinn sunnudaginn 27. apríl og eru Akureyringar hvattir til að hreinsa rusl í sínu nærumhverfi. -
Ragnar Hólm sýnir í Listhúsi Ófeigs
Laugardaginn 26. apríl kl. 14 opnar Ragnar Hólm Ragnarsson málverkasýninguna HORFÐU TIL HIMINS í Listhúsi Ófeigs, Skólavörðustíg 4 í Reykjavík.
