Furðuskrif Guðmundar
Ég hef nú lengi verið í bæjarstjórn, en sjaldan eða aldrei man ég eftir svona háttarlagi eins og bæjarfulltrúi Guðmundur sýnir af sér með greinaskrifum í síðasta Vikudag.Það hefur áður verið skoðað að setja fráveitu undir Norðurorku þannig að öll veitustarfsemi sé rekin á sama stað.
Norðurorka rekur rafveitu, hitaveitu og vatnsveitu. Því þá ekki fráveitu líka?
Það liggur í augum uppi að sameina rekstur af sama eða líkum meiði, gefur hugsanlega færi á hagræðingu. Við hjá L-listanum höfum verið að velta þessu lengi fyrir okkur og höfum látið óháða aðila skoða málið. Unnið hefur verið að þessu síðan snemma árs 2011.
Fyrir nokkrum vikum lögðum við þessa hugmynd fyrir bæjarráð og þar með minnihlutann, þar sem skipaður var starfshópur, til að skoða hvort ráðlegt væri að gera þetta eða ekki. Í starfshópnum eiga sæti, bæjarstjóri, fjármálastjóri og svo einn fulltrúi frá meirihluta, sem er ég og einn frá minnihluta sem er Guðmundur.
Nú bregður svo við að bæjarfulltrúi Guðmundur er greinilega búinn að mynda sér skoðun á málinu, áður en allir fletir eru skoðaðir. Það er auðvitað sérstakt að kynna sér ekki málið áður. Það var þó annað sem vakti meiri undrun mína. Hann skrifar blaðagrein um málið á meðan enn er verið að kanna hvort rétt sé að færa fráveituna.
Þessi hópur hafði hist einu sinni, þar sem farið var yfir sjónarmið, hugsanlega athugun, möguleika og hvaða upplýsingar vantar áður en hægt er að kveða úr um með það hvort þetta sé fýsilegur kostur, þegar bæjarfulltrúi Guðmundur ákveður að skrifa þessa grein.
Hann fullyrðir líka í greininni hluti, sem ég er ekki viss um að séu alls kostar réttir. Þess vegna erum við að skoða málið.
Ég minni á að hann er fulltrúi allra minnihlutaflokkana í þessum starfshóp. Hvaða hvatir liggja að baki þeirri ákvörðun að skrifa um opinberlega, áður en starfshópurinn hefur kynnt sér allar hliðar veit ég ekki en grunar að verið sé að reyna að kasta rýrð á L-listann.
Ég get fullvissað fólk um það að við munum skoða málið eins vel og við getum, áður en við tökum ákvörðun.
Við munum að sjálfsögðu taka þá ákvörðun sem við teljum besta fyrir bæjarsjóð og Norðurorku. Ég minni á að bærinn á 98,26% í Norðurorku og gerir því að sjálfsögðu ekkert sem kemur eigin fyrirtæki illa.
Þess má geta að bæði Norðurþing og Fljótsdalshérað hafa á kjörtímabilinu fært fráveitur sínar undir veitufyrirtæki sín. Framsóknarflokkurinn er í meirihlutasamstarfi á báðum stöðum.
Oddur Helgi Halldórsson
Höfundur er bæjarfulltrúi L-listans
og formaður Framkvæmdaráðs.
Nýjast
-
Metfjölda notaðra snjalltækja skilað inn hjá Elko
Með tilliti til sjálfbærni var árið 2024 sögulegt fyrir ELKO – sérstaklega á Akureyri þar sem viðskiptavinir skiluðu inn og keyptu alls 400 notuð snjalltæki. Þetta gerir árið að metári í viðskiptum með notuð raftæki í versluninni þar í bæ. -
Kostuleg klassík með Sinfóníuhljómsveit Westmont-háskóla í Kaliforníu
Sinfóníuhljómsveit Westmont-háskóla í Kaliforníu er væntanleg til landsins á vormánuðum. Hún leikur á þrennum tónleikum í maí. Aðgangur er ókeypis á þá alla en sækja þarf miða á tix.is: -
Opið fyrir umsóknir í Slipptöku Driftar EA 2025
Drift EA hefur opnað fyrir umsóknir í Slipptökuna (e. Test Drive) 2025. Í Slipptökunni felast fjórar kraftmiklar vinnustofur fyrir frumkvöðla og teymi með hugmyndir sem eru tilbúnar á næsta stig. Slipptakan endar á formlegri kynningu verkefnanna þar sem valin verkefni komast áfram í Hlunninn. -
Þorsteinn Kári gefur út Skuggamynd
Lagið var hljóðritað að mestu leyti á Akureyri síðla árs 2023, en trommurnar voru hljóðritaðar í Berlín. Upptöku á Akureyri stjórnaði Þorsteinn Kári sjálfur, en tökum á trommum stjórnuðu Jón Haukur Unnarsson ásamt Nirmalya Banerjee. -
Fjármögnun lokið á nýrri landeldisstöð Samherja
Samherji fiskeldi ehf., dótturfélag Samherja hf., hefur lokið fjármögnun fyrsta áfanga Eldisgarðs, nýrrar landeldisstöðvar við Reykjanesvirkjun, með útgáfu nýs hlutafjár og sambankaláni. Fjármögnun fyrsta áfanga nemur 235 milljónum evra, jafnvirði 34 milljarða króna. Eitt hundrað ný störf verða til í stöðinni og annar eins fjöldi afleiddra starfa. Stefnt er að því að taka stöðina í notkun á fyrsta ársfjórðungi 2027. -
Ný bók frá Gunnari J. Straumland
Út er komin hjá bókaútgáfunni Sæmundi ný bók eftir Húsvíkinginn Gunnar J. Straumland. -
Hvatningarverðlaun BSE vegna ársins 2024
Fátt er mikilvægara fyrir íslenskan landbúnað en hafa baráttufólk sem berst með oddi og egg fyrir framtíð og starfsskilyrðum greinarinnar. -
Mikil umferð á Akureyrarflugvelli í dag
Það var í mörg horn að líta hjá starfsfólki Akureyrarflugvallar í dag og óhætt að fullyrða að veðrið lék við hvern þann sem um völlinn fór. -
Stóri plokkdagurinn er á sunnudaginn
Stóri plokkdagurinn verður haldinn sunnudaginn 27. apríl og eru Akureyringar hvattir til að hreinsa rusl í sínu nærumhverfi.
