13.nóvember - 20.nóvember - Tbl 46
Breytum til fyrra horfs ef þetta gengur ekki upp
Skráðir kettir á Akureyri eru 152 í allt, en gríðarleg fjölgun hefur orðið í skráningu á milli ára. Engin vafi er á að mun fleiri kettir séu í bænum en skráningartalan gefur til kynna. Mynd Tinna Dögg
Umræður um kattahald í bænum fóru á flug í liðinni viku eftir að bæjarstjórn samþykkti endurskoðun á reglugerð sem kveður á um að lausaganga þeirra verði bönnuð frá og með áramótum 2025. Hlynur Jóhannsson bæjarfulltrúi Miðflokksins var einn þeirra sem studdi þá ákvörðun. Allir bæjarfulltrúar voru fylgjandi hertari reglum um lausagöngu, en mismikið.
„Að mínu mati er tilgangslaust að banna útivist katta t.d. yfir nætur, mér vitanlega er enginn köttur sem hlýðir fyrirmælum af því tagi,“ segir Hlynur. Hann segir mikinn hita í umræðunum að venju og sýnist sitt hverjum. Sjálfur hafi hann fráleitt nokkuð á móti köttum, en telur að meirihluti sé fyrir því í bænum að banna lausagöngu þeirra. Segir hann ekki ósanngjarnt að þeir kettir sem skráðir voru þegar ákvörðun var tekin um breytingu fengju að ljúka sínum líftíma með sömu reglum og í gildi eru nú.
Vísar hann m.a. í skoðanakönnun sem Rannsóknarmiðstöð Háskólans á Akureyri gerði vorið 2018, en niðurstöður þeirrar könnunar leiddu það í ljós, tæplega 43% voru sammála því að setja slíkt bann og tæplega 15% frekar sammála. Þá voru 28% ósammála og 15% svöruðu hvorki né. Kattahald er algjörlega bannað í Grímsey og lausaganga katta bönnuð í Hrísey.
„Að mínu mati er ekkert heilagt í þessum efnum, ef í ljós kemur síðar að þessi ákvörðun um lausagöngubannið gengur ekki upp þá er ekki neitt mál að bakka og breyta til fyrra horfs,“ segir Hlynur. „Ég skil vel þessi miklu viðbrögð, menn verða alltaf fúlir þegar þrengt er að þeim eins og við sjáum nú í kóvidfaraldrinum“
/MÞÞ
Nýjast
-
Dagur íslenskrar tungu í Nonnahúsi
Barnabókarithöfundurinn Jón Sveinsson, Nonni, fæddist 16. nóvember 1857. Af þessu tilefni er boðið til afmælis á æskuheimili hans, Nonnahúsi, á afmælisdaginn milli 12 og 14. -
Fyrirséð að álag á fráveituna verður mikið
Talsverður viðbúnaður er á Akureyri vegna veðurs sem nú gengur yfir svæðið. Líkur eru á að svipað ástand geti skapast og í september 2022 þegar sjór gekk á land á Eyrinni með umtalsverðum afleiðingum. Margt er líkt með veðrinu sem spáð er í kvöld og þeim aðstæðum sem þá sköpuðust. -
Úrslit í ritlistakeppni Ungskálda 2024
Dómnefnd mun kunngera úrslit í ritlistasamkeppni Ungskálda 2024 við hátíðlega athöfn í Amtsbókasafninu á Akureyri. Athöfnin fer fram á degi íslenskrar tungu, laugardaginn 16. nóvember kl. 14. Léttar veitingar verða í boði að athöfn lokinni og einnig verður tónlistarflutningur frá Elíasi Dýrfjörð sem leikur á kontrabassa. Öll velkomin á athöfnina. -
Þrír konungar frá Skarðaborg
Haustið er að baki og vetur konungur hefur tekið völdin amk. fyrst um sinn Sauðfé hefur haft það gott á beitinni, enda fyrri hluti nóvember óvenju hlýr. Hrútar fara á gjöf í vikunni á flestum bæjum og sumir bændur eru farnir að rýja féð inn. Þessir „konungar“ í Skarðaborg í Reykjahverfi eru vel ullaðir og þó næði kuldaél þá verður þeim ekki kalt í sinni kápu. Vonandi verður veturinn mildur, en bæði bændur og búalið þurfa á því að halda eftir kalt og rigningasamt sumar. -
Um 200 manns kynntu sér starfsemi Pharmarctia á Grenivík
Um 200 manns komu við á opnu húsi hjá fyrirtækinu Pharmarctia á Grenivík um liðna helgi. Þá var formlega tekið í notkun 1500 fermetra viðbótarhúsnæði sem gestum og gangandi bauðst að skoða jafnframt því að kynna sér starfsemi félagins. -
Bókarkynning - Ókei
Út er komin bókin ÓKEI — uppruni og saga þekktasta orðatiltækis í heimi. Höfundur er Sigurður Ægisson og Hólar gefa út. OK eða O.K., ýmist ritað með lág- eða hástöfum, er sagt vera þekktasta útflutningsafurð Bandaríkjanna, fyrr og síðar. Alla vega er þessi stafasamsetning fyrir löngu komin um gjörvalla Jörð og mun í ofanálag vera fyrsta orðið sem heyrðist mælt á Tunglinu. Það er ekki lítið afrek. Hvað með aðrar reikistjörnur verður, á eftir að koma í ljós. -
Mikið um að vera á matvælabraut VMA
Ekki eru mörg ár liðin frá því nemar í starfnámi við matvælabraut Verkmenntaskólans á Akureyri þurftu að halda suður í Menntaskólann í Kópavogi til að ljúka námi sínu. Aukin eftirspurn frá bæði nemendum og atvinnulífinu hefur leitt til þess að VMA jók námsframboð sitt og nemar geta nú lokið námi sínu í heimabyggð. Þjónustusvæðið er einkum Norður- og Austurland. -
16 ára aldurstakmark á samfélagsmiðlum
Er ekki kominn tími til þess að við tökum umræðu um það fyrir alvöru á Íslandi að hækka aldurstakmarkið á samfélagsmiðlum? Hér er um að ræða málefni sem snertir lýðheilsu barna og ungmenna beint og því nauðsynlegt að gefa þessu málefni rými í aðdraganda kosninga. -
Endurreisnartónleikar Hymnodiu og SCS í Akureyrarkirkju n.k. sunnudag Uppfært tónleiknum hefur verið frestað um óákv tíma
Hymnodia, norræna endurreisnarhljómsveitin Scandinavian Cornetts and Sackbuts og Ágúst Ingi Ágústsson, stjórnandi Cantores Islandiae, flytja gullfallega ítalska, spænska og enska endurreisnartónlist á tónleikum í Akureyrarkirkju sunnudaginn 17. nóvember kl. 17.
