Börnin þyrpast í grunnskólana á morgun
Heldur færri börn verða í grunnskólum Akureyrarbæjar á komandi skólaári en undanfarin ár. Þau verða alls 2680 og er um það bil 35 til 40 færri en var í fyrra. Sá árgangur sem er að hefja sína skólagöngu í fyrsta bekk er fámennari en oftast nær. Þá verða um 900 börn í leikskólum bæjarins í vetur.
Karl Frímansson sviðsstjóri fræðslusviðs segir að ekki verði skólahald í Grímsey í vetur, annað árið í röð en ekkert barn er þar á grunnskólaaldri. Karl segir engar ákvarðanir um að leggja skólahald af í Grímsey. Þá eru 14 börn í grunnskólanum í Hrísey og ekkert í leikskóla, en eitt barn er þar á elsta leikskólaári og fær að fylgja yngstu grunnskólabörnunum.
Endurbætt álma í Glerárskóla
Mikið hefur verið að gerast í húsnæðismálum grunnskólanna í sumar. Þannig er nú í vikunni verið að ljúka við gagngerar endurbætur á einni álmu Glerárskóla og var önnur tekin í notkun eftir yfirhalningu í fyrrahaust. Nánast er um að ræða nýtt húsnæði í þessum tveimur álmum eftir endurbyggingu.
Þá er búið að taka B álmu Lundarskóla í gegn frá grunni og þar verða nemendur í fyrsta til sjötta bekk við nám í vetur. Mælingar verða gerða á loftgæðum áður en skólahald hefst.
Eldri nemendur, þeir sem eru í sjöunda til tíunda bekk verða í vetur við nám í Rósenborg og þar hefur aðstaða verið bætt til að skólahald geti farið þar fram. Ekki stendur til að vera með skólaakstur frá Lundarskóla í Rósenborg að svo stöddu en Karl segir að ef aðstæður breytist og það sé talið hentugra en að nemendur komi sér sjálfir í skólann verði breyting gerð þar á.
Nýjast
-
Hið fullkomna stjórnarfar
Mannkynið hefur gert tilraunir með margskonar stjórnarfar. Þetta lærdómsferli hefur því miður kostnað blóð og mannfórnir en það hefur fært okkur vitneskjuna um að lýðræði er besta stjórnarfarið sem mannkynið hefur þekkt. Ekkert stjórnskipulag hefur fært mannkyni jafn miklar framfarir, öryggi, réttlæti og almenna hagsæld en lýðræðið. -
Hættum að slá ryki í augun á fólki !
Greinin er skrifuð í nafni Stangaveiðifélags Akureyrar, Stangaveiðifélagsins Flúða, Veiðifélags Fnjóskár, Veiðifélags Eyjafjarðarár, Veiðifélags Hörgár, Fiskirannsókna ehf, félagsskapar sem kallast Bleikjan - Styðjum stofninn, SUNN - Samtaka um náttúruvernd á Norðurlandi, Landssambands veiðifélaga, NASF – Verndarsjóðs villtra laxastofna og Íslenska náttúruverndarsjóðsins – IWF. -
Eldri borgarar hafa áhyggjur af öryggismálum í Sölku
Fulltrúar í Félagi Eldri borgara á Akureyri hafa lýst yfir áhyggjum sínum af öryggismálum í kjallara félagsmiðstöðvarinnar Sölku í Víðilundi á Akureyri. Þeir hvetja til þess að vinnueftirlit, heilbrigðiseftirlit og eldvarnareftirlit verði fengið til að gera heildarúttekt á húsnæðinu vegna þeirrar starfsemi sem þar fer fram á vegum Akureyrarbæjar. -
Gestir í Lystigarði um 159 þúsund á 10 mánuðum
Alls heimsóttu rúmlega 159 þúsund gestir í Lystigarðinni á Akureyri á 10 mánaða tímabili, frá byrjun janúar til loka október samkvæmt teljurum sem þar eru. Þetta kemur fram í minnisblaði sem fjallað var um á fundi umhverfis- og mannvirkjaráðs. -
Sólveig Lára er Ungskáld Akureyrar 2024
Það var vel við hæfi að í dag, á degi íslenskrar tungu, voru úrslit í ritlistakeppni Ungskálda 2024 kunngjörð á Amtsbókasafninu. Fyrstu veðlaun hlaut Sólveig Lára Skarphéðinsdóttir fyrir verkið Stök. -
Á að vera landbúnaður á Íslandi?
Þetta er grundvallarspurning sem allir íslendingar þurfa að gera upp við sig ásamt þeirri spurningu hvort byggð eigi yfir höfuð að haldast annars staðar en á sv-horninu. Með ríkjandi borgríkisstefnu síðustu ára í boði Sjálfstæðisflokks, Framsóknarflokks og Vinstri grænna hefur það skilað 85% þjóðarinnar á eitt horn landsins. -
50 ára afmælisfagnaður Geðverndarfélags Akureyrar
Geðverndarfélag Akureyrar hélt upp á 50 ára afmæli sitt nýverið, en félagið var stofnað þann 15. desember 1974. Um 50 manns mættu í fagnaðinn, hlýddu á fróðleg erindi, nutu lifandi tónlistar og glæsilegra veitinga. -
Tónkvíslin, söngkeppni Framhaldsskólans á Laugum fer fram í kvöld
Tónkvíslin, söngkeppni Framhaldsskólans á Laugum er meðal stærstu menningarviðburða á Norðausturlandi. Tónkvíslin verður haldin í 18. skipti í kvöld 16. nóvember. Sigurvegari keppninnar keppir fyrir hönd skólans í söngkeppni framhaldsskólanna, þar sem margar stjörnur hafa einmitt stigið sín fyrstu skref. Þar má meðal annars nefna Birgittu Haukdal sem flestum landsmönnum er vel kunn. -
Bakþankar bæjarfulltrúa Því ekki að gera tilraun?
Það snjóaði um daginn. Götur urðu flughálar. Og ég dreif mig með bíl konu minnar í dekkjaskipti. Þú kemst að eftir tíu daga, var svarið sem ég fékk.
