Birkið í vanda
Það vekur athygli að laufblöð á birkitrjám í bæjarlandinu eru æði mörg brúnleit og virðist sem að meira beri á þessu í ár en s.l. ár Pétur Halldórsson kynningarstjóri hjá Skógræktinni er fróður um allt sem tengist skógrækt. Vefurinn leitaði til hans í sambandi við það hvað væri að gerast með birkið.
,,Það eru í raun tvær nýjar pöddur sem herja á birkið og þótt þær séu óskyldar beita þær sömu brögðum, að verpa í laufblöðin. Önnur kallast birkikemba en hin birkiþéla. Birkikemba er fiðrildi en birkiþéla blaðvespa, báðar mjög smávaxnar. Lirfurnar klekjast út og lifa innan í laufblöðunum og éta þau innan frá. Fyrst kemur birkikemban og verpir snemma í maí og jafnvel fyrr, þegar birkið er varla byrjað að laufgast.
Skemmdirnar koma svo fram í júní en lirfurnar verða að fiðrildum og hverfa úr trjánum áður en sumarið er hálfnað. Um svipað leyti eða frá því seint í júní og fram í júlí, verpa kvendýr birkiþélunnar og skemmdir vegna lirfu hennar koma fram seinni hluta sumars. Ef báðar þessar tegundir eru til staðar á sömu trjánum geta skemmdir sést á birkinu allt sumarið en ef einungis er birkikemba ná trén sér að mestu seinni hluta sumars.
Ekki hafa þessar árásir þó alltaf mikil áhrif á vöxt trjánna. Þó getur kveðið svo rammt að þeim að trén veiklist og fullyrt hefur verið að birkitré hafi hreinlega drepist af þessu. Óvini eiga þessar tegundir fáa ef nokkra á Íslandi.
Þó hefur sést til fugla, t.d. svartþrasta, tína birkikembufiðrildi af trjám á vorin. Vonandi eflast fuglarnir í þeirri iðju."
Pétur sem er sannkallaður fróðleiksbrunnur bættir við.
,,Hér er stutt um birkikembu:
https://www.skogur.is/is/nyskograekt/trjategundir-og-trjaheilsa/skadvaldar-i-trjam/birkikemba
Hér er svo stutt um birkiþélu:
https://www.skogur.is/is/nyskograekt/trjategundir-og-trjaheilsa/skadvaldar-i-trjam/birkithela
Hér er frétt frá 2018 um rannsóknir á þessum kvikindum. Á þeim fimm árum sem liðin eru hafa þau haldið áfram að dreifast um landið, sérstaklega birkikemban. Báðar tegundirnar eru á Akureyri og nú hefur komið í ljós að í raun eru tvö afbrigði af birkikembu í gangi.
Ef þú slærð inn „birkikemba“ á skogur.is kemur upp fullt af öðru efni.“
Nýjast
-
Hagnaður bankanna gríðarlegur en samfélagsleg ábyrgð engin
Trúnaðarráð Félags verslunar- og skrifstofufólks Akureyri og nágrenni (FVSA) og Sjómannafélag Eyjafjarðar ítreka nauðsyn þess að sveitarfélögin sýni ábyrgð og styðji við kjarasamninga með því að halda aftur af hækkunum á gjaldskrám. -
Hver verður þingmaður þinn?
Þegar kosningabaráttan nær hámarki og fjöldi kjósenda er enn óákveðinn, er eðlilegt að spyrja sig: „Hvernig tek ég rétta ákvörðun á kjördag?“ Margir kjósendur eru orðnir þreyttir á óljósum kosningaloforðum sem gætu aldrei orðið að veruleika. Þrátt fyrir það þurfa stjórnmálaflokkar að kynna stefnu sína og sýna hvernig þeir vilja leiða þjóðina til betri vegar. En er það nóg? Er rétt að treysta eingöngu á kosningapróf eða stór loforð? Kannski er kominn tími til að horfa meira til fólksins sem við setjum í lykilstöður. -
Grímseyingar fá 300 tonna viðbótar aflaheimildir án vinnsluskyldu
Byggðastofnun hefur auglýst viðbótaraflaheimildir án vinnsluskyldu fyrir Grímsey, allt að 300 þorskígildistonn fyrir fiskveiðiárin 2024/2025, 2025/2026 og 2026/2027. -
Guðrún Dóra Clarke nýr framkvæmdastjóri lækninga hjá Heilbrigðisstofnun Norðurlands
Guðrún Dóra Clarke hefur verið ráðin í auglýst starf framkvæmdastjóra lækninga hjá Heilbrigðisstofnun Norðurlands (HSN). Stefnt er að því að Guðrún Dóra hefji störf fljótlega og starfi samhliða Erni Ragnarssyni þar til hann lætur af störfum sem framkvæmdastjóri lækninga 1. febrúar n.k. -
Ferðafrelsið er dýrmætt
Ferðafrelsi er kannski ekki eitthvað sem menn alla jafna velta mikið fyrir sér frá degi til dags. Kannski vegna þess að okkur finnst það svo sjálfsagður hlutur. Að mega ferðast frjálsir um vegi og slóða um fjöll og fyrnindi umvafin náttúrunni við hvert fótmál. Þessir slóðar og fjallvegir urðu ekki til af sjálfu sér heldur mótuðust af höndum og hug þeirra frumkvöðla sem fyrstir fóru af stað á vanbúnum, óbreyttum bifreiðum þess tíma, þekktu á og kunnu að lesa í ár, vötn og land og öfluðu sér dýrmætrar þekkingar sem skilaðist áfram til næstu kynslóða. -
Listasafnið á Akureyri: Opnun, fimmtudagskvöldið 28. nóvember
Fimmtudagskvöldið 28. nóvember kl. 20-22 verða opnaðar tvær sýningar í Listasafninu á Akureyri: Sólveig Baldursdóttir – Augnablik-til baka og Átthagamálverkið: Á ferð um Norðausturland liðinnar aldar. Boðið verður upp á sýningarstjóraspjall með Markúsi Þór Andréssyni, sýningarstjóra Átthagamálverksins, kl. 20.40 og listamannaspjall með Sólveigu kl. 21. -
Íslandsþari með ný áform um þaravinnslu á Húsavík
Íslandsþari óskar eftir að fá úthlutað lóðinni að Búðarfjöru 1 á Húsavík til uppbyggingar húsnæðis til úrvinnslu stórþara. -
Betra veður fyrir íþróttakrakkana okkar!
Á ferð minni um okkar víðfema og fallega kjördæmi hef ég lent í allskyns vandræðum í öllum veðrum nú í nóvember. Ég er sannarlega ekki einn um það enda vegir landsins uppfullir af spennandi frambjóðendum í leit að sem flestum samtölum við fólkið í landinu. Frambjóðendur keppast nú við að birta myndir og myndbönd af skafrenningi, snjókomu, blindbyljum og fleira til. Allt til þess gert að sýna fólki hversu vandasamt það getur verið að ferðast um landið í nóvember. Sem betur fer er bara kosið á fjögurra ára fresti og oftast á vorin. Þess vegna er þetta nú frekar undantekning en hitt að frambjóðendur þurfi að vaða út í þetta veður og þessa færð í atkvæðaleit. -
Nærsamfélagið tekur höndum saman
Jólatónleikar til styrktar Sigrúnu Björgu Aðalgeirsdóttur og fjölskyldu
