Baráttukveðjur frá bæjarstjóra
Bæjarstjórinn á Akureyri, Ásthildur Sturludóttir, hefur sent frá sér eftirfarandi hvatingu til starfsfólks Akureyrarbæjar vegna neyðarstigs almannavarna og þeirrar stöðu sem komin er upp í samfélaginu vegna útbreiðslu Covid-19.
Kæra samstarfsfólk.
Nú dugar ekkert hálfkák. Ljóst er að ástandið vegna Covid-19 smita er orðið grafalvarlegt. Veiran hefur grafið um sig alls staðar þótt ástandið sé verst þessa stundina á höfuðborgarsvæðinu. Við verðum að fara gætilega, huga vel að sóttvörnum og fara í einu og öllu eftir tilmælum sóttvarnalæknis. Þó svo að fá tilfelli séu á NA-landi verðum við að halda vöku okkar.
- Notum grímur þegar við förum út á meðal fólks á fjölförnum stöðum.
- Sótthreinsum í kringum okkur, þvoum hendur vel og lengi, sprittum þær eftir þörfum.
- Höldum að lágmarki eins metra fjarlægð frá öðrum, sérstaklega ókunngu fólki.
Veiran er lúmsk og þarf bara agnarlítið gáleysi til að við smitumst.
Heimsækjum ekki þá hluta landsins þar sem smitin eru mest nema brýna nauðsyn beri til. Ef við þurfum bráðnauðsynlega að heimsækja svæði þar sem smitstuðull er hár, eigum við að gæta okkar í nokkra daga eftir að heim er komið, huga sérstaklega vel að sóttvörnum og ég hvet ykkur til þess að nota grímu á fjölförnum stöðum.
Tökum stöðuna alvarlega svo ekki þurfi að grípa til enn harðari aðgerða sem hafa enn meiri og víðtækari áhrif á okkar daglega líf hér á Akureyri.
Með baráttukveðju,
Ásthildur
Nýjast
-
Hið fullkomna stjórnarfar
Mannkynið hefur gert tilraunir með margskonar stjórnarfar. Þetta lærdómsferli hefur því miður kostnað blóð og mannfórnir en það hefur fært okkur vitneskjuna um að lýðræði er besta stjórnarfarið sem mannkynið hefur þekkt. Ekkert stjórnskipulag hefur fært mannkyni jafn miklar framfarir, öryggi, réttlæti og almenna hagsæld en lýðræðið. -
Hættum að slá ryki í augun á fólki !
Greinin er skrifuð í nafni Stangaveiðifélags Akureyrar, Stangaveiðifélagsins Flúða, Veiðifélags Fnjóskár, Veiðifélags Eyjafjarðarár, Veiðifélags Hörgár, Fiskirannsókna ehf, félagsskapar sem kallast Bleikjan - Styðjum stofninn, SUNN - Samtaka um náttúruvernd á Norðurlandi, Landssambands veiðifélaga, NASF – Verndarsjóðs villtra laxastofna og Íslenska náttúruverndarsjóðsins – IWF. -
Eldri borgarar hafa áhyggjur af öryggismálum í Sölku
Fulltrúar í Félagi Eldri borgara á Akureyri hafa lýst yfir áhyggjum sínum af öryggismálum í kjallara félagsmiðstöðvarinnar Sölku í Víðilundi á Akureyri. Þeir hvetja til þess að vinnueftirlit, heilbrigðiseftirlit og eldvarnareftirlit verði fengið til að gera heildarúttekt á húsnæðinu vegna þeirrar starfsemi sem þar fer fram á vegum Akureyrarbæjar. -
Gestir í Lystigarði um 159 þúsund á 10 mánuðum
Alls heimsóttu rúmlega 159 þúsund gestir í Lystigarðinni á Akureyri á 10 mánaða tímabili, frá byrjun janúar til loka október samkvæmt teljurum sem þar eru. Þetta kemur fram í minnisblaði sem fjallað var um á fundi umhverfis- og mannvirkjaráðs. -
Sólveig Lára er Ungskáld Akureyrar 2024
Það var vel við hæfi að í dag, á degi íslenskrar tungu, voru úrslit í ritlistakeppni Ungskálda 2024 kunngjörð á Amtsbókasafninu. Fyrstu veðlaun hlaut Sólveig Lára Skarphéðinsdóttir fyrir verkið Stök. -
Á að vera landbúnaður á Íslandi?
Þetta er grundvallarspurning sem allir íslendingar þurfa að gera upp við sig ásamt þeirri spurningu hvort byggð eigi yfir höfuð að haldast annars staðar en á sv-horninu. Með ríkjandi borgríkisstefnu síðustu ára í boði Sjálfstæðisflokks, Framsóknarflokks og Vinstri grænna hefur það skilað 85% þjóðarinnar á eitt horn landsins. -
50 ára afmælisfagnaður Geðverndarfélags Akureyrar
Geðverndarfélag Akureyrar hélt upp á 50 ára afmæli sitt nýverið, en félagið var stofnað þann 15. desember 1974. Um 50 manns mættu í fagnaðinn, hlýddu á fróðleg erindi, nutu lifandi tónlistar og glæsilegra veitinga. -
Tónkvíslin, söngkeppni Framhaldsskólans á Laugum fer fram í kvöld
Tónkvíslin, söngkeppni Framhaldsskólans á Laugum er meðal stærstu menningarviðburða á Norðausturlandi. Tónkvíslin verður haldin í 18. skipti í kvöld 16. nóvember. Sigurvegari keppninnar keppir fyrir hönd skólans í söngkeppni framhaldsskólanna, þar sem margar stjörnur hafa einmitt stigið sín fyrstu skref. Þar má meðal annars nefna Birgittu Haukdal sem flestum landsmönnum er vel kunn. -
Bakþankar bæjarfulltrúa Því ekki að gera tilraun?
Það snjóaði um daginn. Götur urðu flughálar. Og ég dreif mig með bíl konu minnar í dekkjaskipti. Þú kemst að eftir tíu daga, var svarið sem ég fékk.
