Ávarp fjallkonunnar á 17. júní
Inda Björk Gunnarsdóttir, leikskólastjóri á Kiðagili, er fjallkona Akureyrar 2021. Hún hefur frá árinu 2012 verið skólastjóri á Kiðagili sem er einn af 10 leikskólum Akureyrarbæjar. Þar eru við leik og nám tæplega 100 börn á fjórum deildum. Ávarp sem Inda Björk flutti í Lystigarðinum 17. Júní birtist á vef Akureyrarbæjar og var svohljóðandi:
Kæru Íslendingar.
Þegar við veltum því fyrir okkur hvað skiptir mestu máli, kemur framtíðin upp í hugann. Hið ókomna skiptir máli í lífi hvers og eins. Það er einnig hið ókomna sem skiptir samfélög, þjóðir og heiminn allan mestu máli.
Allir sem tilheyra samfélagi mannanna taka þátt í því að skipuleggja framtíðina. Þess vegna er nauðsynlegt að þeir sem framtíðina móta, hafi sýn á það sem þeir óska sér. Hvernig samfélagi villt þú tilheyra? Hvernig samfélagi vilt þú að börnin þín vaxi upp í?
Þó svo að síðasta ári hafi verið frábrugðið öðrum árum, fyrir flesta er þó alltaf hægt að læra eitthvað nýtt af nýrri reynslu, nýjum áherslum og breytingum. Því með breytingum nær fólk að bera saman það sem var og það sem er. Einnig að mynda sér skoðun á því sem koma skal. Öllum breytingum fylgir nám, nýjar uppgötvanir og reynsla sem ekki hefði fengist annars.
Til þess að samfélagið verði sem best er nauðsynlegt að þeir eldri líti á sig sjálfa sig sem fyrirmyndir þeirra sem yngri eru. Fyrirmyndir eru jákvæð hvatning til að leggja hart að sér. Það að eiga góða fyrirmynd hvetur til dáða.
Það er þó langt frá því auðvelt að velja góða fyrirmynd. Margir falla í þá gryfju að líta svo á að ytra byrði skipti mestu máli en svo er auðvitað ekki. Það eru hinir mannlegu þættir sem koma til með að skipta meira og meira máli í þróun samfélaga og - þjóða. Að geta sýnt samúð, sett sig í spor annarra, láta sig málefni varða, sýna góðmennsku, geta fyrirgefið, sýna þrautseigju, vera til staðar, gefa annað tækifæri, segja frá, tilheyra, vera óhræddur við að gera eitthvað nýtt - þetta eru þættir sem kenndir eru mann fram af manni. Þetta eru þættir sem góðar fyrirmyndir eiga að bera.
Þess vegna er mikilvægt að grunnurinn sé sterkur. Í æskunni búa tækifærin til að þroskast, í leiknum búa tækifæri til þess að upplifa og prufa sig áfram. Án leiks er engin vinátta. Eða eins og Helgi Hálfdánarson þýddi orð Dorothy L. Holtes:
Það læra börn sem þau búa við
Það barn sem býr við hnjóð lærir að fordæma.
Það barn sem býr við hörku lærir fólsku.
Það barn sem býr við aðhlátur lærir einurðarleysi.
Það barn sem býr við ásakanir lærir sektarkennd.
Það barn sem býr við mildi lærir þolgæði.
Það barn sem býr við örvun lærir sjálfstraust.
Það barn sem býr við hrós lærir að viðurkenna.
Það barn sem býr við réttlæti lærir sanngirni.
Það barn sem býr við öryggi lærir kjark.
Það barn sem býr við skilning lærir að una sínu.
Það barn sem býr við alúð og vináttu lærir að elska.
Vertu fyrirmynd.
Nýjast
-
50 ára afmælisfagnaður Geðverndarfélags Akureyrar
Geðverndarfélag Akureyrar hélt upp á 50 ára afmæli sitt nýverið, en félagið var stofnað þann 15. desember 1974. Um 50 manns mættu í fagnaðinn, hlýddu á fróðleg erindi, nutu lifandi tónlistar og glæsilegra veitinga. -
Tónkvíslin, söngkeppni Framhaldsskólans á Laugum fer fram í kvöld
Tónkvíslin, söngkeppni Framhaldsskólans á Laugum er meðal stærstu menningarviðburða á Norðausturlandi. Tónkvíslin verður haldin í 18. skipti í kvöld 16. nóvember. Sigurvegari keppninnar keppir fyrir hönd skólans í söngkeppni framhaldsskólanna, þar sem margar stjörnur hafa einmitt stigið sín fyrstu skref. Þar má meðal annars nefna Birgittu Haukdal sem flestum landsmönnum er vel kunn. -
Bakþankar bæjarfulltrúa Því ekki að gera tilraun?
Það snjóaði um daginn. Götur urðu flughálar. Og ég dreif mig með bíl konu minnar í dekkjaskipti. Þú kemst að eftir tíu daga, var svarið sem ég fékk. -
Það sem Húsavíkingar gera best
Bjóða íbúa Manchester velkomna í bæinn -
Dagur íslenskrar tungu í Nonnahúsi
Barnabókarithöfundurinn Jón Sveinsson, Nonni, fæddist 16. nóvember 1857. Af þessu tilefni er boðið til afmælis á æskuheimili hans, Nonnahúsi, á afmælisdaginn milli 12 og 14. -
Fyrirséð að álag á fráveituna verður mikið
Talsverður viðbúnaður er á Akureyri vegna veðurs sem nú gengur yfir svæðið. Líkur eru á að svipað ástand geti skapast og í september 2022 þegar sjór gekk á land á Eyrinni með umtalsverðum afleiðingum. Margt er líkt með veðrinu sem spáð er í kvöld og þeim aðstæðum sem þá sköpuðust. -
Úrslit í ritlistakeppni Ungskálda 2024
Dómnefnd mun kunngera úrslit í ritlistasamkeppni Ungskálda 2024 við hátíðlega athöfn í Amtsbókasafninu á Akureyri. Athöfnin fer fram á degi íslenskrar tungu, laugardaginn 16. nóvember kl. 14. Léttar veitingar verða í boði að athöfn lokinni og einnig verður tónlistarflutningur frá Elíasi Dýrfjörð sem leikur á kontrabassa. Öll velkomin á athöfnina. -
Þrír konungar frá Skarðaborg
Haustið er að baki og vetur konungur hefur tekið völdin amk. fyrst um sinn Sauðfé hefur haft það gott á beitinni, enda fyrri hluti nóvember óvenju hlýr. Hrútar fara á gjöf í vikunni á flestum bæjum og sumir bændur eru farnir að rýja féð inn. Þessir „konungar“ í Skarðaborg í Reykjahverfi eru vel ullaðir og þó næði kuldaél þá verður þeim ekki kalt í sinni kápu. Vonandi verður veturinn mildur, en bæði bændur og búalið þurfa á því að halda eftir kalt og rigningasamt sumar. -
Um 200 manns kynntu sér starfsemi Pharmarctia á Grenivík
Um 200 manns komu við á opnu húsi hjá fyrirtækinu Pharmarctia á Grenivík um liðna helgi. Þá var formlega tekið í notkun 1500 fermetra viðbótarhúsnæði sem gestum og gangandi bauðst að skoða jafnframt því að kynna sér starfsemi félagins.
