13.nóvember - 20.nóvember - Tbl 46
Atvinnuleysi í Þingeyjarsýslum minna en á landsvísu
Mynd/Framsýn.
Í lok júlí voru 186 skráðir atvinnulausir á félagssvæði Framsýnar stéttarfélags í Þingeyjarsýslum eða 5%. Á sama tíma er skráð atvinnuleysi á landsvísu 8,8%.
Flestir eru skráðir í fjölmennasta sveitarfélaginu, Norðurþingi eða 140 manns. 20 eru á skrá í Skútustaðahreppi, 25 í Þingeyjarsveit og einn í Tjörneshreppi. Athygli vekur að Mun fleiri karlar en konur eru á atvinnuleysisskrá. Karlar voru 116 og konur 70.
Í samtali við Vikublaðið segir Aðalsteinn Árni Baldursson formaður Framsýnar að það liggi ljóst fyrir að horfur í atvinnumálum séu ekki góðar fyrir veturinn. „Ferðaþjónustan hefur gengið alveg ótrúlega vel í sumar og búið að vera víðast hvar mikið að gera á svæðinu. Það sama má segja um byggingaiðnaðinn, þannig að sumarið hjá flestum er að koma bara mjög vel út. Menn eru hins vegar að verða vari við það núna að það er samdráttarskeið fram undan. Þar kemur bæði til að töluvert er um uppsagnir í ferðaþjónustunni og þá fer áhrifanna vegna uppsagnanna hjá PCC á Bakka að gæta í ríkari mæli. Þannig að það má búast við því að þessi vetur verði mörgum erfiður og við förum að sjá háar tölur varðandi atvinnuleysi,“ segir Aðalsteinn.
Þá bendir Aðalsteinn á það að ferðaþjónustan m.a. sé að einhverju leiti mönnuð á útlendingum sem margir hverjir flytji hreinlega úr landi. Það er því ekki víst að tölur um atvinnuleysi gefi nákvæma mynd af ástandinu.
/epe
Nýjast
-
Hið fullkomna stjórnarfar
Mannkynið hefur gert tilraunir með margskonar stjórnarfar. Þetta lærdómsferli hefur því miður kostnað blóð og mannfórnir en það hefur fært okkur vitneskjuna um að lýðræði er besta stjórnarfarið sem mannkynið hefur þekkt. Ekkert stjórnskipulag hefur fært mannkyni jafn miklar framfarir, öryggi, réttlæti og almenna hagsæld en lýðræðið. -
Hættum að slá ryki í augun á fólki !
Greinin er skrifuð í nafni Stangaveiðifélags Akureyrar, Stangaveiðifélagsins Flúða, Veiðifélags Fnjóskár, Veiðifélags Eyjafjarðarár, Veiðifélags Hörgár, Fiskirannsókna ehf, félagsskapar sem kallast Bleikjan - Styðjum stofninn, SUNN - Samtaka um náttúruvernd á Norðurlandi, Landssambands veiðifélaga, NASF – Verndarsjóðs villtra laxastofna og Íslenska náttúruverndarsjóðsins – IWF. -
Eldri borgarar hafa áhyggjur af öryggismálum í Sölku
Fulltrúar í Félagi Eldri borgara á Akureyri hafa lýst yfir áhyggjum sínum af öryggismálum í kjallara félagsmiðstöðvarinnar Sölku í Víðilundi á Akureyri. Þeir hvetja til þess að vinnueftirlit, heilbrigðiseftirlit og eldvarnareftirlit verði fengið til að gera heildarúttekt á húsnæðinu vegna þeirrar starfsemi sem þar fer fram á vegum Akureyrarbæjar. -
Gestir í Lystigarði um 159 þúsund á 10 mánuðum
Alls heimsóttu rúmlega 159 þúsund gestir í Lystigarðinni á Akureyri á 10 mánaða tímabili, frá byrjun janúar til loka október samkvæmt teljurum sem þar eru. Þetta kemur fram í minnisblaði sem fjallað var um á fundi umhverfis- og mannvirkjaráðs. -
Sólveig Lára er Ungskáld Akureyrar 2024
Það var vel við hæfi að í dag, á degi íslenskrar tungu, voru úrslit í ritlistakeppni Ungskálda 2024 kunngjörð á Amtsbókasafninu. Fyrstu veðlaun hlaut Sólveig Lára Skarphéðinsdóttir fyrir verkið Stök. -
Á að vera landbúnaður á Íslandi?
Þetta er grundvallarspurning sem allir íslendingar þurfa að gera upp við sig ásamt þeirri spurningu hvort byggð eigi yfir höfuð að haldast annars staðar en á sv-horninu. Með ríkjandi borgríkisstefnu síðustu ára í boði Sjálfstæðisflokks, Framsóknarflokks og Vinstri grænna hefur það skilað 85% þjóðarinnar á eitt horn landsins. -
50 ára afmælisfagnaður Geðverndarfélags Akureyrar
Geðverndarfélag Akureyrar hélt upp á 50 ára afmæli sitt nýverið, en félagið var stofnað þann 15. desember 1974. Um 50 manns mættu í fagnaðinn, hlýddu á fróðleg erindi, nutu lifandi tónlistar og glæsilegra veitinga. -
Tónkvíslin, söngkeppni Framhaldsskólans á Laugum fer fram í kvöld
Tónkvíslin, söngkeppni Framhaldsskólans á Laugum er meðal stærstu menningarviðburða á Norðausturlandi. Tónkvíslin verður haldin í 18. skipti í kvöld 16. nóvember. Sigurvegari keppninnar keppir fyrir hönd skólans í söngkeppni framhaldsskólanna, þar sem margar stjörnur hafa einmitt stigið sín fyrstu skref. Þar má meðal annars nefna Birgittu Haukdal sem flestum landsmönnum er vel kunn. -
Bakþankar bæjarfulltrúa Því ekki að gera tilraun?
Það snjóaði um daginn. Götur urðu flughálar. Og ég dreif mig með bíl konu minnar í dekkjaskipti. Þú kemst að eftir tíu daga, var svarið sem ég fékk.
