Atkvæðagreiðsla um nýjan kjarasamning hafin!
Fyrr í vikunni undirritaði Félag verslunar- og skrifstofufólks Akureyri og nágrenni (FVSA) / Landssamband íslenzkra verzlunarmanna (LÍV) nýjan kjarasamning við Samtök atvinnulífsins (SA) og Félag atvinnurekenda (FA). Vikublaðið náði tali af Eið Stefánssyni, formanni FVSA og samninganefndar LÍV.
Samningurinn þess virði að leggja fyrir félagsmenn
„Eftir snarpa viðræðulotu stöndum við með undirritaðan samning í höndunum, auðvitað hefðum við viljað ná meiru, en viðræður enda sjaldnast þannig að maður fái allar sínar óskir uppfylltar“, segir Eiður, sem telur samninginn góðan. „Þetta er stuttur samningur sem gildir til janúarloka 2024 og launahækkanir eru afturvirkar til 1. nóvember, sem ég tel að skipti miklu máli fyrir okkar félagsmenn og þess virði að leyfa þeim að kjósa um.“
Á vef félagsins kemur fram að samningnum er ætlað að styðja við kaupmátt launa, veita heimilum og fyrirtækjum fyrirsjáanleika og skapa forsendur fyrir langtímasamningi. Samningarnir fela í sér launahækkun upp á 6,75% frá 1. nóvember þó að hámarki 66.000 kr. Desemberuppbótin verður 103.000,- kr. fyrir árið 2023 og orlofsuppbótin 56.000,- kr.
„Samningnum fylgir líka verkáætlun þar sem rætt verður um aðra liði en launaliðinn og lögð drög að næsta samning. Þannig tryggir þessi samningur félagsmönnum launahækkun þar til langtímasamningur næst“ bætir Eiður við.
Auðvelt að greiða atkvæði
„Það er auðvelt að greiða atkvæði um samninginn, en það tekur aðeins um tvær mínútur! Inni á vef félagsins www.fvsa.is eru allar helstu upplýsingar um samninginn ásamt link fyrir rafræna atkvæðagreiðslu þar sem viðkomandi skráir sig inn á rafrænum skilríkjum og kýs. Við verðum með stuttan kynningarfund á mánudaginn kl. 20:00 – 21:00 í sal Lions þar sem við förum yfir samninginn og launataxtana“ segir Eiður og leggur áherslu á að félagsmenn nýti atkvæðarétt sinn. Slóð inn á kosningavef: https://www.fvsa.is/is/frettir/frettir/atkvaedagreidsla-er-hafin
Almenn hækkun á launum og hækkun á launatöxtum
Ef rýnt er í samninginn hækka launataxtar félagsmanna FVSA að meðaltali um ellefu prósent. Mesta hækkunin er hjá þeim starfsmönnum sem hafa unnið fimm ár eða lengur hjá sama fyrirtæki. Í þeim tilfellum nemur hækkunin allt að þrettán prósentum. Launataxtar hækka í frá 36.015 kr. til 52.139 kr. og gilda frá 1. nóvember 2022. Almenn hækkun á launum er 6,75%. Hækkun launataxta samkvæmt samning við SA eftir starfsheitum:
Það þarf að verja betur þá sem eru á leigumarkaði
Eiður segir aðkomu ríkisstjórnarinnar að samningnum skipta máli og að markmið þeirra séu góð „en það vantar enn verulega upp á að verja betur þá sem eru á leigumarkaði. Það er erfitt að horfa upp á stóreignafólk maka krókinn með sógnarháu leiguverði. Það virðist vera eilífðarverkefni að koma böndum þar á“ segir Eiður að lokum.
Nýjast
-
Þjónustusamningur um rekstur almenningsbókasafns
Í dag var undirritaður þjónustusamningur Akureyrarbæjar og Svalbarðsstrandarhrepps um að íbúum hreppsins verði veitt fullt aðgengi að safnakosti og þjónustu Amtsbókasafnsins á Akureyri. -
Umgengni á athafnasvæði Skútabergs á Moldhaugnahálsi
Umgengni á athafnasvæði Skútabergs á Moldhaugnahálsi hefur verið til umræðu hjá Heilbrigðisnefnd Norðurlands eystra um skeið, en nefndin lýsti fyrir nokkru yfir vonbrigðum með að áform um tiltekt á svæðinu hefðu ekki gengið eftir. -
Sjúkrahúsið á Akureyri
Ísland er fámennt en stórt land. Íbúaþróun síðustu áratugi hefur á margan hátt verið óskynsamleg. Samkvæmt gögnum frá Hagstofunni búa nú nálægt 80% landsmanna á stórhöfuðborgarsvæðinu en 20% landsmanna á gríðarlega víðfeðmu landsvæði utan þess. Fá dæmi eru um slíka samþjöppun búsetu í nokkru landi og fyrir vikið er það flókið verkefni að tryggja öllum landsmönnum fyrsta flokks lögbundna þjónustu, þótt sannarlega sé það bráð nauðsynlegt. Það á ekki síst við um réttinn til heilbrigðisþjónustu. -
Hvar er fjárveitingin í Húsavíkurflugið?
Þingeyingar hafa lengi barist fyrir því að áætlunarflugi milli Húsavíkur og Reykjavíkur verði viðhaldið enda um mikilvæga samgöngubót að ræða, ekki síst fyrir heimamenn, ferðamenn og blómlegt atvinnulíf í Þingeyjarsýslum. -
Kosningaloforð og hvað svo?
Landssamband eldri borgara LEB eru samtök 56 aðildarfélaga sem eru dreifð um allt land með um 36.000 félaga. Þeir sem eru orðnir 60 ára geta gengið í félögin. -
Uppskeruhátíð ferðaþjónustunnar á Norðurlandi
Þrjár viðurkenningar voru veittar á Uppskeruhátíð ferðaþjónustunnar á Norðurlandi sem að þessu sinni var haldin í Eyjafirði, í Eyjafjarðarsveit, Svalbarðsstrandarhreppi og Grýtubakkahreppi. Þær voru fyrirtæki ársins, hvatningarverðlaun ársins og fyrir störf í þágu ferðaþjónustu. Á uppskeruhátíðinni var farið í heimsóknir til ýmissa ferðaþjónustufyrirtækja á svæðinu, sem bjóða bæði afþreyingu, mat og gistingu ásamt ýmsu öðru. Hátíðin tókst afar vel og lauk með hátíðarkvöldverði á Laugaborg í Hrafnagilshverfi, kvöldskemmtun, dansi og mikilli gleði. -
Harðbakur málaður og yfirfarinn í Slippnum á Akureyri
Togarinn Harðbakur EA 3 heldur senn til veiða eftir ýmsar endurbætur og uppfærslur í Slippnum á Akureyri, auk þess sem skipið var heilmálað. Harðbakur er fimm ára gamalt skip, smíðað í Vard-Aukra skipasmíðastöðinni í Noregi. Skipið kom til Akureyrar 9. nóvember 2019 og strax í kjölfarið tók Slippurinn við því, þar sem settur var vinnslubúnaður um borð. Harðbakur er 29 metra langur og 12 metra breiður. Skipið er gott í alla staði, bæði hvað varðar vinnslubúnað og aðbúnað áhafnar. -
Tónlistarskóli Eyjafjarðar sá fyrsti sem fer í Græn skref
Tónlistarskóli Eyjarfjarðar hefur náð þeim einstaka áfanga að vera fyrsti tónlistarskólinn á Íslandi til að fara í Græn skref „og mega þau vera stolt af því,“ segir á vefsíðu Samtaka sveitarfélaga á Norðurlandi eystra, SSNE. -
Atkvæðagreiðsla utan kjörfundar hefst 7 nóvember
Atkvæðagreiðsla utan kjörfundar við embætti sýslumannsins á Norðurlandi eystra hefst 7. nóvember n.k. Alls hafa 31.039 atkvæðarétt í kjördæminu, flestir þeirra og það kemur ekki á óvart frá Akureyri eða 15.057 manns.
