Aldursforseti Hörgársveitar með fjórðu umhverfisverðlaunin á ævinni
„Þetta kom mér algjörlega að óvörum, ég vissi ekki hvaða erindi þau áttu við mig núna,“ segir Liesel Malmquist íbúi við Skógarhlíð 29 í Hörgársveit. Fulltrúar úr sveitarstjórn mættu til hennar og afhentu umhverfisverðlaun Hörgársveitar fyrir fallega lóð. Liesel fékk einnig umhverfisverðlaun fyrir lóð sína við Skógarhlíð fyrir 15 árum síðan.
„Ég gat bara ekki ímyndað mér hvað þeir í sveitarstjórninni vildu mér núna, það var hringt og þeir boðuðu komu sína en ég gat ómögulegt gert mér í hugarlund hvaða erindi þeir ættu við mig,“ segir Liesel sem flaug ekki til hugar að hægt væri að fá verðlaun fyrir sömu lóð tvisvar sinnum. „En það var auðvitað gaman að fá þessi verðlaun og ég er mjög ánægð.“
Liesel og eiginmaður hennar Jóhann Malmquist fluttu í Skógarhlíð í Hörgársveit árið 1997. Jóhann lést árið 2011 og hefur Liesel séð um garðinn síðan en þau hjón áttu þetta áhugamál, garðyrkjuna sameiginlega. „Við fluttum frá Akureyri þar sem við höfum búið, vorum að minnka við okkur í húsnæði eftir að öll fjögur börnin voru flogin úr hreiðrinu,“ segir hún um flutning á milli sveitarfélaga á sínum tíma.
900 fermetra stór garður
Garðurinn er í allt 900 fermetra stór og í mörg horn að líta. „Ég hef mjög gaman af því að vera úti á sumrin og er hér alla daga eitthvað að dunda mér. Ég er orðin gömul og fer nú frekar hægt yfir, en get gert allt sjálf, nema hvað ég fæ garðyrkjumenn til að klippa fyrir mig limgerðið,“ segir hún og bætir við að hún hafi alla tíð verið heilsuhraust og sé enn við ágæta heilsu. Liesel er elsti íbúi Hörgársveitar, fædd árið 1929.
Hún segir að garðurinn sjái sér fyrir nægri vinnu að sumarlagi. Hún er að mestu með fjölærar plöntur í garði sínum og kaupir til viðbótar sumarblóm. „Ég var með eigið gróðurhús þegar við áttum heima í Hólsgerði 7 og þar ræktaði ég öll mín sumarblóm sjálf, en núna kaupi ég þau bara.“
Gefur mikið að vinna í fallegum garði
Lisel og Jóhann fengu verðlaun fyrir fallegan garð í Hólsgerði 7 á sínum tíma. Áður höfðu þau byggt hús við Ásabyggð 3 á Akureyri og fengið viðurkenningu fyrir fallegan garð við húsið árið 1960, þannig að umhverfisverðlaunin nú eru þau fjórðu sem hún hefur fengið fyrir starfs sitt við að fegra umhverfið um ævina. „Ég hef svo óskaplega gaman af þessu, það gefur mér mikið að vinna í fallegum garði,“ segir hún.
Myndir á vefsíðu Hörgársveitar
Nýjast
-
Listasafnið á Akureyri: Opnun, fimmtudagskvöldið 28. nóvember
Fimmtudagskvöldið 28. nóvember kl. 20-22 verða opnaðar tvær sýningar í Listasafninu á Akureyri: Sólveig Baldursdóttir – Augnablik-til baka og Átthagamálverkið: Á ferð um Norðausturland liðinnar aldar. Boðið verður upp á sýningarstjóraspjall með Markúsi Þór Andréssyni, sýningarstjóra Átthagamálverksins, kl. 20.40 og listamannaspjall með Sólveigu kl. 21. -
Íslandsþari með ný áform um þaravinnslu á Húsavík
Íslandsþari óskar eftir að fá úthlutað lóðinni að Búðarfjöru 1 á Húsavík til uppbyggingar húsnæðis til úrvinnslu stórþara. -
Betra veður fyrir íþróttakrakkana okkar!
Á ferð minni um okkar víðfema og fallega kjördæmi hef ég lent í allskyns vandræðum í öllum veðrum nú í nóvember. Ég er sannarlega ekki einn um það enda vegir landsins uppfullir af spennandi frambjóðendum í leit að sem flestum samtölum við fólkið í landinu. Frambjóðendur keppast nú við að birta myndir og myndbönd af skafrenningi, snjókomu, blindbyljum og fleira til. Allt til þess gert að sýna fólki hversu vandasamt það getur verið að ferðast um landið í nóvember. Sem betur fer er bara kosið á fjögurra ára fresti og oftast á vorin. Þess vegna er þetta nú frekar undantekning en hitt að frambjóðendur þurfi að vaða út í þetta veður og þessa færð í atkvæðaleit. -
Nærsamfélagið tekur höndum saman
Jólatónleikar til styrktar Sigrúnu Björgu Aðalgeirsdóttur og fjölskyldu -
Jólamatur fátæka mannsins
Einn af mínum allra uppáhalds fuglum er rjúpan. Rjúpan nam hér land við lok ísaldar fyrir um 10.000 árum og kom upprunalega frá Grænlandi. Hún á sér lengri forsögu hér en við. Mér finnst hún ekki bara falleg, hún er brögðótt, á 3 alklæðnaði og þegar hún ver unga sína, þá sýnir hún vanmetna vitsmuni. -
Hver grípur þig?
„Við vildum að fólk gerði sér grein fyrir hvaða þjónusta er í boði og hvert er hægt að sækja hana þegar aðstoðar er þörf, fólki að kostnaðarlausu. Einnig langar okkur með málþinginu að styrkja samstarfið á milli félaganna, að fulltrúar þeirra séu upplýst um aðra kosti sem eru í boði fyrir fólk og geti bent málum í réttan farveg eða til viðeigandi félagasamtaka,“ segir Erla Lind Friðriksdóttir um málþing sem hún stendur fyrir ásamt frænku sinni Birnu Guðrúnu Árnadóttur. -
Sérútbúinn lögreglubíll til landamæraeftirlits
Embætti Lögreglunnar á Norðurlandi eystra hefur fengið til eignar sérútbúinn lögreglubíl til afnota við landamæraeftirlit. Segja má að þar sé á ferðinni fullbúin landamærastöð á hjólum. Landamæra- og áritunarsjóður Evrópusambandsins greiddi 75% kostnaðar og Dómsmálaráðuneytið 25% og skiptu einnig með sér kostnaði við einn starfsmann í þrjá mánuði síðastliðið sumar. -
Klúbbar styrkja Frú Ragnheiði
Klúbbarnir Ladies Circle 7 og Round Table 15 afhentu Frú Ragnheiði rausnarlegar styrk í vikunni, ómetnalegur styrkur . „Við erum svo innilega þakklát og mun þetta nýtast skjólstæðingum okkar vel segir í tilkynningu, en styrkurinn er að upphæð um 630 þúsund krónur. -
Gjaldfrjáls leikskóli dregur úr álagi og bætir líðan barna
Gjaldfrjáls leikskóli hefur reynst áhrifarík leið til að draga úr álagi í leikskólum, á skólastjórnendur og starfsfólk og hefur jákvæð áhrif á börnin.
