Aldrei meiri umferð um Vaðlaheiðagöng en á liðnu ári
„Heilt yfir gekk reksturinn vel á liðnu ári,“ segir Valgeir Bergmann framkvæmdastjóri Vaðlaheiðaganga, en umferð um göngin hefur aldrei verið meiri frá því göngin voru tekin í notkun. Alls voru farnar um 550 þúsund ferðir um Vaðlaheiðagöng árið 2022 sem er 4% aukning miðað við árið á undan. Í rekstraráætlun hafði verið gert ráð fyrir 2,8% aukningu milli ára að sögn Valgeirs, „þannig að þetta er meira en við áætluðum og er ánægjulegt.“
Langtímalán Vaðlaheiðarganga er verðtryggt og segir Valgeir að forsendur fyrri rekstraráætlana hafi ekki gert ráð fyrir svo mikilli verðbólgu eins og verið hefur síðustu 18 mánuði og því hafi Stjórn Vaðlaheiðarganga ákveðið að hækka verðskrá í þeirri vona að auka tekjur félagsins til að greiða niður lánið. Sé umferð ársins 2022 lögð til grundvallar varðandi hlutfall umferðar í hverjum verðflokki þá er vegin verðskráhækkun um 8%.
Mikil sala fyrir áramót
Ljóst er að sögn Valgeirs að margir notuðu tækifærið og keyptu fyrirframgreiddar ferðir nú síðustu viku ársins þar sem sala á ferðum var þrisvar sinnum meiri en yfir hefðbundna viku á þessum árstíma. Hann segir langflesta greiða með fyrirframgreiddum ferðum, en hækkun á þeim ferðum nemur 5%, 40 krónum á ferð, fer úr 800 krónum í 840 krónur ferðin.
Stakar ferðir fólksbíla hafa kostað 1.500 krónur hverf ferð og hefur það verð gilt frá upphafi, en hækkar nú í 1.650 krónur ferðin. Hækkun nemur 10%.
Minnst er hækkun í flokki ökutækja 3,5-7,5 tonn en þar hækkar hver ferð úr 2.500 í 2.600 krónur, sem er 4% hækkun. Stór ökutæki þyngri en 7,5 tonn hækka um 5,8% eða úr 5.200 krónum í 5.500 krónur hver ferð.
Nýjast
-
Elfar Árni er kominn heim
Völsungur styrkir sig fyrir baráttuna í Lengjudeildinni -
Götuhornið - Kona í Miðbænum skrifar
Á götuhorninu var að sjálfsögðu verið að ræða komandi kosningar enda í mörg horn að líta þegar kemur að því hvert skal greiða atkvæði á laugardaginn kemur. -
Verðkönnun vegna Húsavíkurflugs
Vegagerðin hefur sent út verðkönnun til nokkurra flugfélaga hér á landi varðandi áætlunarflug á milli Húsavíkur og Reykjavíkur. Frestur til að skila inn svörum rennur út á morgun, fimmtudag og samkvæmt upplýsingum frá Vegagerðinni verður ákvörðun tekin í framhaldi af því. -
Framtíðin er núna
Það er áhugavert að heyra hvernig flestir stjórnmálamenn tala um „málefni ungs fólks“. Þeir setja mynd á Instagram um námslán eða halda málfund um fæðingarorlof. Kannski er þessi umfjöllun upplýsandi fyrir einhvern, en fyrir flestum sem tilheyra hópnum „ungt fólk“ eru hún frekar undarleg – vegna þess að hagsmunir ungs fólks afmarkast ekki við einstök loforð, þeir eru hagsmunir allra. -
Styrkur frá starfsmönnum ÍME
Starfsmannafélag Íþróttamiðstöðvar Eyjafjarðarsveitar stóð fyrir fjársöfnun í bleikum október til handa Krabbameinsfélagi Akureyrar og nágrennis. -
Stóri fýlupósturinn eða allt er gott sem endar vel :-)
Í Kjarnaskógi hafa starfsmenn Skógræktarinnar tekið gleði sína á ný og við þá líka en ekki hvað, enda fátt betra en það sem endar vel. Þetta hér fyrir neðan má lesa á Fb vegg þeirra í morgun. -
Safnar gripum sem framleiddir voru á Plastiðjunni og Iðjulundi
Sigurrós Tryggvadóttir, iðjuþjálfi á Plastiðjunni Bjargi Iðjulundi (PBI) er í viðtali á heimasíðu Akureryarbæjar þar sem hún segir frá söfnun sem hún stendur fyrir á gömlum framleiðsluvörum frá PBI. -
Æi stundum er fólk alltof upptekið af þvi að sýna að það sé fxxl
Tilgangslaus skemmdarverk sem gera ekkert annað en svekkja saklausa fara í taugarnar á öllu venjulegu fólki. Það er þvi engin furða að starfsfólk Skógræktarfélagsins hafi verið pirrað í dag eins og lesa má hér fyrr neðan. -
Hagnaður bankanna gríðarlegur en samfélagsleg ábyrgð engin
Trúnaðarráð Félags verslunar- og skrifstofufólks Akureyri og nágrenni (FVSA) og Sjómannafélag Eyjafjarðar ítreka nauðsyn þess að sveitarfélögin sýni ábyrgð og styðji við kjarasamninga með því að halda aftur af hækkunum á gjaldskrám.
