„Ákváðum að bæta frekar við en draga saman“
„Við ákváðum að fara frekar þá leið að bæta við fremur en draga saman,“ segir Hörður Guðmundsson forstjóri Flugfélagsins Ernis. Félagið hefur nú bætt við ferðum á áætlun sinni milli Reykjavíkur og Húsavíkur, flýgur 10 ferðir í viku í stað 6 áður. Fleiri ferðir hafa verið í boði allan október mánuð og hafa um 800 manns flogið með félaginu á þeim tíma.
Hörður segir að farnar séu tvær ferðir milli staða virka daga, en með því móti geti viðskiptavinir nýtt sér að skjótast á milli og sinna erindum yfir daginn og komist heim fyrir kvöldið. Áfram er ein ferð í boði á föstudögum og sunnudögum. Félagið notar tvær gerðir véla í Húsavíkurflugið, 19 sæta Jetstream skrúfuþotu og Dornier 328 sem einnig er skrúfuþota, mjög hraðfleyg að sögn Harðar og er hálftíma á milli. Hún tekur 32 í sæti.
Yrðum ánægð með að bæta 15 til 20% við
Dornier 328 skrúfuþota Ernis á Húsavíkurflugvelli í Aðaldal. Mynd/Ernir
„Við vorum með þó nokkuð af lausum sætum, um 900 í allt, í þessum ferðum í október. Sætanýtingin er um það bil 50%. Við erum á fullu í að kynna þennan kost og verðum ánægð ef við náum 15 til 20% betri sætanýtingu,“ segir Hörður. Dæmið liti vissulega betur út peningalega ef farþegar yrðu fleiri. „Þetta er eini leggurinn sem ekki nýtur ríkisstyrkja,“ segir hann, en félagið fær til að mynda styrk fyrir flug sitt til Hornafjarðar. „Við fáum þá skýringu að það sé hægt að taka ríkisstyrktan strætó frá Húsavík til Akureyrar og ná flugi þaðan.“
Hann segir kórónuveirutímabilið hafa komið illa við rekstur flugfélagsins en undanfarið hafi allt lifnaði vel við. Hann er bjartsýnn á framtíð Húsavíkurflugsins og nefnir t.d. að ferðafólk nýti sér að fljúga beint til Húsavíkur til að fara þar í hvalaskoðun, hestaferðar eða skoða náttúruperlur á svæðinu. „Við heyrum líka að fólk í nágrannabyggðum Húsavíkur er ánægt að gera tekið flug frá Húsavík og spara sér klukkutíma í akstri miðað við að flogið sé frá Akureyri,“ segir Hörður.
/MÞÞ
Nýjast
-
Dagur íslenskrar tungu í Nonnahúsi
Barnabókarithöfundurinn Jón Sveinsson, Nonni, fæddist 16. nóvember 1857. Af þessu tilefni er boðið til afmælis á æskuheimili hans, Nonnahúsi, á afmælisdaginn milli 12 og 14. -
Fyrirséð að álag á fráveituna verður mikið
Talsverður viðbúnaður er á Akureyri vegna veðurs sem nú gengur yfir svæðið. Líkur eru á að svipað ástand geti skapast og í september 2022 þegar sjór gekk á land á Eyrinni með umtalsverðum afleiðingum. Margt er líkt með veðrinu sem spáð er í kvöld og þeim aðstæðum sem þá sköpuðust. -
Úrslit í ritlistakeppni Ungskálda 2024
Dómnefnd mun kunngera úrslit í ritlistasamkeppni Ungskálda 2024 við hátíðlega athöfn í Amtsbókasafninu á Akureyri. Athöfnin fer fram á degi íslenskrar tungu, laugardaginn 16. nóvember kl. 14. Léttar veitingar verða í boði að athöfn lokinni og einnig verður tónlistarflutningur frá Elíasi Dýrfjörð sem leikur á kontrabassa. Öll velkomin á athöfnina. -
Þrír konungar frá Skarðaborg
Haustið er að baki og vetur konungur hefur tekið völdin amk. fyrst um sinn Sauðfé hefur haft það gott á beitinni, enda fyrri hluti nóvember óvenju hlýr. Hrútar fara á gjöf í vikunni á flestum bæjum og sumir bændur eru farnir að rýja féð inn. Þessir „konungar“ í Skarðaborg í Reykjahverfi eru vel ullaðir og þó næði kuldaél þá verður þeim ekki kalt í sinni kápu. Vonandi verður veturinn mildur, en bæði bændur og búalið þurfa á því að halda eftir kalt og rigningasamt sumar. -
Um 200 manns kynntu sér starfsemi Pharmarctia á Grenivík
Um 200 manns komu við á opnu húsi hjá fyrirtækinu Pharmarctia á Grenivík um liðna helgi. Þá var formlega tekið í notkun 1500 fermetra viðbótarhúsnæði sem gestum og gangandi bauðst að skoða jafnframt því að kynna sér starfsemi félagins. -
Bókarkynning - Ókei
Út er komin bókin ÓKEI — uppruni og saga þekktasta orðatiltækis í heimi. Höfundur er Sigurður Ægisson og Hólar gefa út. OK eða O.K., ýmist ritað með lág- eða hástöfum, er sagt vera þekktasta útflutningsafurð Bandaríkjanna, fyrr og síðar. Alla vega er þessi stafasamsetning fyrir löngu komin um gjörvalla Jörð og mun í ofanálag vera fyrsta orðið sem heyrðist mælt á Tunglinu. Það er ekki lítið afrek. Hvað með aðrar reikistjörnur verður, á eftir að koma í ljós. -
Mikið um að vera á matvælabraut VMA
Ekki eru mörg ár liðin frá því nemar í starfnámi við matvælabraut Verkmenntaskólans á Akureyri þurftu að halda suður í Menntaskólann í Kópavogi til að ljúka námi sínu. Aukin eftirspurn frá bæði nemendum og atvinnulífinu hefur leitt til þess að VMA jók námsframboð sitt og nemar geta nú lokið námi sínu í heimabyggð. Þjónustusvæðið er einkum Norður- og Austurland. -
16 ára aldurstakmark á samfélagsmiðlum
Er ekki kominn tími til þess að við tökum umræðu um það fyrir alvöru á Íslandi að hækka aldurstakmarkið á samfélagsmiðlum? Hér er um að ræða málefni sem snertir lýðheilsu barna og ungmenna beint og því nauðsynlegt að gefa þessu málefni rými í aðdraganda kosninga. -
Endurreisnartónleikar Hymnodiu og SCS í Akureyrarkirkju n.k. sunnudag Uppfært tónleiknum hefur verið frestað um óákv tíma
Hymnodia, norræna endurreisnarhljómsveitin Scandinavian Cornetts and Sackbuts og Ágúst Ingi Ágústsson, stjórnandi Cantores Islandiae, flytja gullfallega ítalska, spænska og enska endurreisnartónlist á tónleikum í Akureyrarkirkju sunnudaginn 17. nóvember kl. 17.
