Akureyringur sendir frá sér barnabók
Akureyringurinn Hildur Loftsdóttir hefur sent frá sér barnabókina Eyðieyjan-urr,öskur, fótur og fit. Bókin fjallar um tvær ólíkar systur, þær Ástu og Kötu, sem fara í ferðalag ásamt foreldrum sínum, ömmu og afa á eyjuna Hrappsey í Breiðafirði þar sem afi þeirra hafði búið sem barn. Þar kynnast þær álfastelpunni Unu, sem býr í hól við hliðina á bóndabænum, og var vinkona afa þeirra. Ásamt Unu og bróður hennar Arnljóti, ferðast þær systur aftur í tíma, þegar afi þeirra var fárveikt barn, og taka þau öll fjögur höndum saman um að bjarga lífi litla afans.
Verkið byggir í raun á þremur sögum sem fléttað er saman; sannri sögu föður höfundar sem bjó sem barn í Hrappsey og var nær dauða en lífi, þjóðsögunni um Hildi álfadrottingu og svo uppdiktaðri sögu sem gerist í nútímanum og er um þær systur sem fara í ferðalag um gamla heima afa síns og álfadrottningarinnar.
„Bókin á fyrst og fremst að vera skemmtileg og ná til sem flestra lesenda. Samkvæmt könnunum um læsi barna, segja þau sjálf að þau vilji að bækur séu fyndnar, spennandi og að aðalsögupersónurnar séu úr samtímanum. Einnig skipti máli að bókin sé ekki of löng, á einföldu en vönduðu máli og að það sé meira um samtöl en lýsingar í textanum. Því hefur öllu verið fylgt hér,“ segir um bókina.
Hildur Loftsdóttir er með BA próf í kvikmyndafræðum frá Université de Provence Aix-Marseille III, BA gráðu í almennri bókmenntafræði og skapandi skrifum frá HÍ. Í gegnum árin hefur Hildur tekið hin ýmsu ritnámskeið í barna- og unglingabókaskrifum, myndabókaskrifum, leikritaskrifum, sjónvarps- og kvikmyndahandritaskrifum í Reykjavík, Los Angeles og New York.
Hildur hefur verið blaðamaður við Morgunblaðið frá 1997 fram á síðasta ár með 7 ára hléi. Þrátt fyrir að hafa barnabækur, skrif, sögumennsku og íslenska tungu að sínu aðal áhugamáli og starfi seinustu 25 ár, er þetta fyrsta bókin sem Hildur lætur frá sér til útgáfu.
Nýjast
-
Lítið að frétta í lífi án frétta á landsbyggðunum
Af þeim 27 fjölmiðlum sem hlutu rekstrarstuðning til einkarekinna fjölmiðla 2024 voru 13 staðbundnir fjölmiðlar og af þeim 10 staðsettir utan höfuðborgarsvæðisins. Hver og einn af þessum staðbundnu miðlum þjónar gríðarlega mikilvægu hlutverki í sinni heimabyggð og styrkveitingin því sannarlega fagnaðarefni. -
AtNorth stækkar gagnaver sitt á Akureyri Glatvarmi nýttur til matvælaframleiðslu
Fyrirtækið atNorth vinnur að stækkun gagnavers síns á Akureyri. Einnig hefur félagið kynnt nýtt samstarf um endurheimt og nýtingu varma. Stækkun tveggja gagnavera atnorth, á Akureyri og í Reykjanesbæ er þegar hafin. -
easyJet lengir flugtímabil frá London til Akureyrar
Breska flugfélagið easyJet tilkynnti í dag að það muni bæta við flugferðum frá London Gatwick til Akureyrar í apríl 2025, og í október 2025. Áður stóð til að fljúga út mars á næsta ári, og hefja flugin að nýju í nóvember. Flugfélagið verður því mánuði lengur með flug í boði þennan vetur og að auki næsta haust. -
Snjómokstur í bænum
Töluvert hefur snjóað í bænum um helgina og þennan mánudagsmorguninn er víða illfært um íbúðagötur og stíga. Unnið er að snjómokstri og er mikill fjöldi tækja í notkun á vegum sveitarfélagsins og verktaka. -
Íþróttir fyrir alla!
Hver króna sem fer til íþróttafélaga er króna sem skilar sér margfalt til baka í samfélagið. Um kosti íþróttastarfs á Íslandi verður ekki deilt. Starfið er faglegt, fjölbreytt og gott. Það sem hefur breyst á undanförnum árum er að íþróttir eru gríðarlega atvinnuskapandi. Félögin á Íslandi í dag eru orðin stærri og komin með fleiri starfsmenn í full störf. Ásamt því að afleidd störf tengd íþróttum á Íslandi, t.d. í ferðaþjónustu, eru orðin ansi mörg og drjúg. -
Hið fullkomna stjórnarfar
Mannkynið hefur gert tilraunir með margskonar stjórnarfar. Þetta lærdómsferli hefur því miður kostnað blóð og mannfórnir en það hefur fært okkur vitneskjuna um að lýðræði er besta stjórnarfarið sem mannkynið hefur þekkt. Ekkert stjórnskipulag hefur fært mannkyni jafn miklar framfarir, öryggi, réttlæti og almenna hagsæld en lýðræðið. -
Hættum að slá ryki í augun á fólki !
Greinin er skrifuð í nafni Stangaveiðifélags Akureyrar, Stangaveiðifélagsins Flúða, Veiðifélags Fnjóskár, Veiðifélags Eyjafjarðarár, Veiðifélags Hörgár, Fiskirannsókna ehf, félagsskapar sem kallast Bleikjan - Styðjum stofninn, SUNN - Samtaka um náttúruvernd á Norðurlandi, Landssambands veiðifélaga, NASF – Verndarsjóðs villtra laxastofna og Íslenska náttúruverndarsjóðsins – IWF. -
Eldri borgarar hafa áhyggjur af öryggismálum í Sölku
Fulltrúar í Félagi Eldri borgara á Akureyri hafa lýst yfir áhyggjum sínum af öryggismálum í kjallara félagsmiðstöðvarinnar Sölku í Víðilundi á Akureyri. Þeir hvetja til þess að vinnueftirlit, heilbrigðiseftirlit og eldvarnareftirlit verði fengið til að gera heildarúttekt á húsnæðinu vegna þeirrar starfsemi sem þar fer fram á vegum Akureyrarbæjar. -
Gestir í Lystigarði um 159 þúsund á 10 mánuðum
Alls heimsóttu rúmlega 159 þúsund gestir í Lystigarðinni á Akureyri á 10 mánaða tímabili, frá byrjun janúar til loka október samkvæmt teljurum sem þar eru. Þetta kemur fram í minnisblaði sem fjallað var um á fundi umhverfis- og mannvirkjaráðs.
