Akureyringar kaupa danskt nýsköpunarfélag
COVID hefur hraðað stafrænni vegferð í sölustarfi ⠂Styrkir vöxt erlendis og vöruframboð ⠂Yfir 50.000 notendur um allan heim
Íslenska sprotafyrirtækið CrankWheel hefur keypt rekstur danska nýsköpunarfélagsins Accordium. Í tilkynningu kemur fram að innifalið í kaupverðinu, sé yfirtaka á tæknilegum innviðum, hugverkaréttindum, viðskiptastofni og vörumerki Accordium. Kaupverðið er ekki gefið upp.
„CrankWheel hefur hingað til boðið upp á lausn sem hjálpar fólki að deila skjáborði yfir í hvaða tæki sem er án uppsetningar viðtakanda. Accordium hefur annars vegar einfaldað ferlið í kringum rafrænar undirskriftir og hins vegar boðið upp á myndbandslausn sem hjálpar notendum að ljá tölvupóstum og lendingarsíðum persónulegri blæ,“ segir í tilkynningunni.
CrankWheel er með yfir 50.000 notendur í 6 heimsálfum. Í tilkynningunn segir að yfirtakan styrki vöruframboð og þjónustu til núverandi viðskiptavina en styðji jafnframt við frekari vöxt á erlendum mörkuðum þar sem áhugi á stafrænum lausnum í sölu og þjónustustörfum hefur aukist gríðarlega í kjölfar heimsfaraldursins. Þessi þróun muni halda áfram þrátt fyrir að faraldurinn sé í rénun og afléttingu á samskiptatakmörkunum.
„Heimsfaraldurinn kom af stað og hraðaði stafrænni þróun flestra atvinnugreina. Með kaupunum getum við hjálpað okkar viðskiptavinum enn frekar að auka afköst og árangur sölufólks með stafrænum lausnum. Núna getum við boðið lausnir sem koma að næstum öllu söluferlinu. Allt frá því að gera fyrsta tölvupóstinn persónulegri, gera símtöl skilvirkari og yfir í að gera undirritun samninga einfaldari og skjótari,” segir Jói Sigurðsson, stofnandi og framkvæmdastjóri CrankWheel
„Þeir viðskiptavinir sem fóru að nota CrankWheel vegna ástandsins hafa séð að okkar lausn skilar þeim meiri árangri. Sölufólk þeirra mun í auknum mæli notast við fjarsölutækni í stað þess að hitta alla viðskiptavini. Þessi viðbót við okkar vöruframboð mun styrkja vöxt okkar erlendis og hjálpar okkur á þeirri vegferð að stytta, auðvelda og einfalda söluferlið hjá okkar notendum,” segir Þorgils Sigvaldason, meðstofnandi og tekjustjóri CrankWheel.
CrankWheel var stofnað árið 2015 af Jóa Sigurðssyni og Þorgils Sigvaldasyni, æskufélögum frá Akureyri. Jói starfaði lengi vel hjá Google en Þorgils hefur langa reynslu af sölustörfum í fjármála- og tryggingageiranum.
Ólík reynsla þeirra er grunnurinn að CrankWheel; Jói hafði unnið við þróun á Chrome vafranum en Þorgils hafði margoft keyrt langar leiðir til viðskiptavina með fartölvu til að sýna þeim skjáinn. Úr varð lausn sem gerir sölufólki kleift að deila skjámynd í rauntíma til viðskiptavina án uppsetningar eða skráningar.
Accordium var stofnað í Danmörku árið 2016 af fyrrum yfirmönnum hjá Trustpilot. Tilgangur vörumerkisins var að stytta söluferlið með því að einfalda undirritun samninga með rafrænum undirskriftum sem geta farið fram við lok sölusímtals. Í kjölfarið var þróuð lausn sem gerir sölufólki kleift að taka upp stutt myndbönd til að fella inn í tölvupósta og gera þá persónulegri.
Nýjast
-
Dagur íslenskrar tungu í Nonnahúsi
Barnabókarithöfundurinn Jón Sveinsson, Nonni, fæddist 16. nóvember 1857. Af þessu tilefni er boðið til afmælis á æskuheimili hans, Nonnahúsi, á afmælisdaginn milli 12 og 14. -
Fyrirséð að álag á fráveituna verður mikið
Talsverður viðbúnaður er á Akureyri vegna veðurs sem nú gengur yfir svæðið. Líkur eru á að svipað ástand geti skapast og í september 2022 þegar sjór gekk á land á Eyrinni með umtalsverðum afleiðingum. Margt er líkt með veðrinu sem spáð er í kvöld og þeim aðstæðum sem þá sköpuðust. -
Úrslit í ritlistakeppni Ungskálda 2024
Dómnefnd mun kunngera úrslit í ritlistasamkeppni Ungskálda 2024 við hátíðlega athöfn í Amtsbókasafninu á Akureyri. Athöfnin fer fram á degi íslenskrar tungu, laugardaginn 16. nóvember kl. 14. Léttar veitingar verða í boði að athöfn lokinni og einnig verður tónlistarflutningur frá Elíasi Dýrfjörð sem leikur á kontrabassa. Öll velkomin á athöfnina. -
Þrír konungar frá Skarðaborg
Haustið er að baki og vetur konungur hefur tekið völdin amk. fyrst um sinn Sauðfé hefur haft það gott á beitinni, enda fyrri hluti nóvember óvenju hlýr. Hrútar fara á gjöf í vikunni á flestum bæjum og sumir bændur eru farnir að rýja féð inn. Þessir „konungar“ í Skarðaborg í Reykjahverfi eru vel ullaðir og þó næði kuldaél þá verður þeim ekki kalt í sinni kápu. Vonandi verður veturinn mildur, en bæði bændur og búalið þurfa á því að halda eftir kalt og rigningasamt sumar. -
Um 200 manns kynntu sér starfsemi Pharmarctia á Grenivík
Um 200 manns komu við á opnu húsi hjá fyrirtækinu Pharmarctia á Grenivík um liðna helgi. Þá var formlega tekið í notkun 1500 fermetra viðbótarhúsnæði sem gestum og gangandi bauðst að skoða jafnframt því að kynna sér starfsemi félagins. -
Bókarkynning - Ókei
Út er komin bókin ÓKEI — uppruni og saga þekktasta orðatiltækis í heimi. Höfundur er Sigurður Ægisson og Hólar gefa út. OK eða O.K., ýmist ritað með lág- eða hástöfum, er sagt vera þekktasta útflutningsafurð Bandaríkjanna, fyrr og síðar. Alla vega er þessi stafasamsetning fyrir löngu komin um gjörvalla Jörð og mun í ofanálag vera fyrsta orðið sem heyrðist mælt á Tunglinu. Það er ekki lítið afrek. Hvað með aðrar reikistjörnur verður, á eftir að koma í ljós. -
Mikið um að vera á matvælabraut VMA
Ekki eru mörg ár liðin frá því nemar í starfnámi við matvælabraut Verkmenntaskólans á Akureyri þurftu að halda suður í Menntaskólann í Kópavogi til að ljúka námi sínu. Aukin eftirspurn frá bæði nemendum og atvinnulífinu hefur leitt til þess að VMA jók námsframboð sitt og nemar geta nú lokið námi sínu í heimabyggð. Þjónustusvæðið er einkum Norður- og Austurland. -
16 ára aldurstakmark á samfélagsmiðlum
Er ekki kominn tími til þess að við tökum umræðu um það fyrir alvöru á Íslandi að hækka aldurstakmarkið á samfélagsmiðlum? Hér er um að ræða málefni sem snertir lýðheilsu barna og ungmenna beint og því nauðsynlegt að gefa þessu málefni rými í aðdraganda kosninga. -
Endurreisnartónleikar Hymnodiu og SCS í Akureyrarkirkju n.k. sunnudag Uppfært tónleiknum hefur verið frestað um óákv tíma
Hymnodia, norræna endurreisnarhljómsveitin Scandinavian Cornetts and Sackbuts og Ágúst Ingi Ágústsson, stjórnandi Cantores Islandiae, flytja gullfallega ítalska, spænska og enska endurreisnartónlist á tónleikum í Akureyrarkirkju sunnudaginn 17. nóvember kl. 17.
