Akureyrarflugvöllur Brýnt að bæta nýtt aðflug úr suðri - Ekki kostnaðarsamt
Á fundi Sjálfstæðisfélags Akureyrar síðastliðið fimmtudagskvöld kom fram í máli Njáls Trausta Friðbertssonar alþingismanns að hann hefði töluverðar áhyggjur af því að nýtt aðflug úr suðri, það er þegar lent er til norðurs, yrði ekki tilbúið þegar EasyJet hæfi flug sitt í lok október.
Í samtali við Vikublaðið sagði Njáll Trausti að:
,,Um er að ræða svokallað ,,Advanced RNP“ aðflug sem byggist á GPS merkjum. Með tilkomu þess má bæta að flugslágmark úr 1250 fetum í 500 fet. Í dag er málum þannig háttað að í svokölluðu ,,localizer“ aðflugi fyrir minni gerðir af farþegaþotum þurfa flugmenn að ákveða í 1250 feta hæð hvort þeir hyggist klára aðflugið og lenda eða hefja fráhvarfsflug, það er að hætta við lendingu. Það ákveða þeir með tilliti til skýjahæðar og flugskyggnis. Þessir punktur þar sem þarf að taka þessa ákvörðun er í dag 8 km frá brautarenda, við Hrafnagil. Hér er rétt að geta þess að sjúkraflug, innanlandsflug og einkaþoturnar hafa aðra möguleika og geta nýtt sér önnur aðflug með öðrum aðflugs lágmörkum. Nýja aðflugið mun þó einnig nýtast þeim vel“.
Með nýju aðflugi er reiknað með að þessi punktur færist mun nær flugbrautarendanum og verður í einungis í um 2 km fjarlægð í stað 8 km. Eins og áður kom fram þá verður lágmarkið fyrir aðflugið einungis 500 fet í stað 1250 feta.
Af hverju er mikilvægt að koma þessa nýja aðflugi í notkun?
,,Þetta gengur jú allt út á að hægt sé að lenda í lágskýjuðu veðri og þegar skyggni er takmarkað og auðvitað mjög mikilvægt þegar flogið er að vetrarlagi í verri veðurskilyrðum.
Kostar trúlega um 10 milljonir
Það er ekki mikill kostnaður fólginn í að koma þessu aðflugi upp eða öðru hvoru megin við 10 milljónir. Ástæðan er fyrst og fremst sú að ekki er þörf á nýjum búnaði á jörðu niðri heldur byggist aðflugið á GPS merkjum og tækjabúnaði í flugvélunum sjálfum.
Lykilatriðið í öllu þessu máli er jú auðvitað það að bæta aðflugið fyrir farþegaþotur þegar braut 01 er í notkun og þær geti lent til norðurs og þannig bæta nýtingarhlutfallið fyrir farþegarþoturnar. Á undanförnum árum hafa aðflugin fyrir braut 19 það er þegar lent er til suðurs verið bætt mikið og nú er það forgangsmál að klára þetta mál fyrir fyrsta flug EasyJet sem er áætlað í lok október“. Sagði Njáll að endingu
Nýjast
-
Tónlistarskóli Eyjafjarðar sá fyrsti sem fer í Græn skref
Tónlistarskóli Eyjarfjarðar hefur náð þeim einstaka áfanga að vera fyrsti tónlistarskólinn á Íslandi til að fara í Græn skref „og mega þau vera stolt af því,“ segir á vefsíðu Samtaka sveitarfélaga á Norðurlandi eystra, SSNE. -
Atkvæðagreiðsla utan kjörfundar hefst 7 nóvember
Atkvæðagreiðsla utan kjörfundar við embætti sýslumannsins á Norðurlandi eystra hefst 7. nóvember n.k. Alls hafa 31.039 atkvæðarétt í kjördæminu, flestir þeirra og það kemur ekki á óvart frá Akureyri eða 15.057 manns. -
Pólarhestar eru fyrirtæki ársins
Markaðsstofa Norðurlands veitir viðurkenninguna Fyrirtæki ársins til fyrirtækis sem er búið að slíta barnsskónum og hefur skapað sér sterka stöðu á markaði. Fyrirtækið hefur unnið að stöðugri uppbyggingu, vöruþróun og nýsköpun og er með höfuðstöðvar á Norðurlandi. -
Íslenska kerfið framleiðir afbrotamenn
Að refsa einstaklingi fyrir alvarleg afbrot með fangelsisvist, er eitthvað sem flestir geta verið sammála um að sé nauðsynlegt. Fæstir átta sig hins vegar á hve frelsissviptingin ein og sér hefur gríðarleg áhrif á einstakling sem dæmdur hefur verið til vistar í fangelsi og ef betrunarúrræðin eru ekki til staðar er næsta öruggt að sá einstaklingur er lýkur afplánun, kemur út í samfélagið aftur í verra ástandi en hann var í þegar afplánun hófst. Stundum held ég að þessi hópur samfélags okkar sé álitinn hin skítugu börn Evu sem flestir vita af en enginn vill af þeim vita. Eins og að vandamálin hverfi um leið og kveðinn er upp dómur. Allir þeir einstaklingar sem fá á sig dóma eru synir, dætur, bræður, systur og barnabörn einhverra. Að afplána dóm hefur ekki bara gríðarleg áhrif á fangann heldur líka hans nánustu aðstandendur sem ég tel vera algjörlega týndan hóp innan kerfisins. Kerfis sem fyrir löngu er molnað í sundur. Kerfi sem nær ekki að eiga samskipti. Kerfi sem þarf að taka alvarlega til í og snýst hreinlega um líf eða dauða fólksins okkar. -
KOSNINGARÉTTUR
Við vanmetum oft það sem þykir sjálfsagt! Árið 1843 rak kosningaréttur fyrst á fjörur okkar Íslendinga með tilskipun Kristjáns VIII, en eingöngu til karlmanna eldri en 25 ára sem áttu jörð. Það var um 2% íslensku þjóðarinnar. Árið 1857 var ekki lengur þörf á að eiga jörð, nægjanlegt að búa á eigin heimili og borga skatta. Konur virtust ekki vera landsmenn á þessum tíma. -
Afleitt að Sæfari verði í slipp í apríl
Grímseyingar óska eftir aðstoð við að fá aðra tímasetningu en nú er þegar fyrirhugað er að ferjan Sæfari sem siglir milli lands og eyjar fer í slipp, sem er „afleit tímasetning bæði hvað varðar sjávarútveg og sérstaklega slæmt fyrir ferðaþjónustu í eynni,.“ segir í bókun frá íbúafundi sem haldinn var í eyjunni. -
Framkvæmdir að hefjast við innisundlaugina
Framkvæmdir eru hafnar við talsvert umfangsmiklar breytingar á innisundlaugin í Sundlaug Akureyrar. Umhverfis- og mannvirkjaráð hefur samþykkt að taka lægstu tilboðum í lagnir, raflagnir og múrverk en hafnaði aftur á móti tilboðum sem bárust í útboði á verkefnum í húsasmíði og blikksmíði þar sem þau voru hátt yfir kostnaðaráætlun. -
Nytjamarkaður Norðurhjálpar er eins árs
„Þetta var dásamlegur dagur og við erum þakklátar öllu því góða fólki sem styður við bakið á okkur, við erum eiginlega alveg vissar um að við er með langbesta fólki í kringum okkur,“ segir Sæunn Ísfeld Guðmundsdóttir ein þeirra fjögurra kvenna sem reka nytjamarkaðinn Norðurhjálp. -
Fjármagn í hugmyndavinnu við 50 metra innilaug áætluð árið 2028
Ellert Örn Erlingsson forstöðumaður íþróttamála hjá Akureyrarbæ segir að í framkvæmdaáætlun Akureyrarbæjar sé gert ráð fyrir fjármagni árið 2028 til að fara í formlega vinnu við að skoða möguleika og hugmyndir um 50 metra innisundlaug á Akureyri. „Það verður spennandi og skemmtilegt verkefni,“ segir hann. Um tíðina hafi af og til verið umræður við og innan Akureyrarbæjar um hugmyndir um nýja 50 metra innisundlaug.
