13.nóvember - 20.nóvember - Tbl 46
Akureyrarbæjar krefst þess að ríkið kaupi eignarhluta þess í hjúkrunar- og dvalarheimilum
Guðmundur Baldvin Guðmundsson formaður bæjarráðs Akureyrar
„Það er algjörlega ótækt að ríkið hagi sér með þessu hætti. Við höfum ítrekað óskað eftir viðræðum um framtíð fasteigna hjúkrunar- og dvalarheimila en við fáum bara alls engin svör,“ segir Guðmundur Baldvin Guðmundsson formaður bæjarráðs Akureyrar, en ráðið hefur krafist þess að ríkisvaldið bregðist við án tafa og kaupi eignarhluta Akureyrarbæjar í þessum mannvirkjum, Hlíð og Lögmannshlíð.
Borga enga leigu
Akureyrarbær, ásamt þremur sveitarfélögum öðrum, Vestmannaeyjum, Fjarðarbyggð og Höfn í Hornafirði ákváðu í kjölfar vanfjármögnunar af hálfu ríkisins að endursemja ekki um rekstur hjúkrunar- og dvalarheimila. Á Akureyri varð niðurstaðan sú að samið var við Heilsuvernd ehf. um rekstur heimilanna í bænum. Ríkið ákvað jafnframt að Heilsuvernd þyrfti ekki að greiða leigu vegna húsnæðisins. „Við eigum stóran hluta í þessum eignum en ríkið telur sig geta ráðskast með þær án nokkurs samráðs við okkur. Það eru mjög undarleg vinnubrögð,“ segir Guðmundur Baldvin.
Heilsuvernd gerði tilboð í fasteignir hjúkrunar- og dvalarheimilanna í nóvember síðastliðnum og hljóðaði það upp á um þrjá milljarða króna. Akureyrarbær óskaði í framhaldinu eftir því að ræða við ríkið enda eru þessar fasteignir í sameiginlegri eigu ríkis og bæjar. Akureyrarbær á sumar eignir, t.d. elstu bygginguna á Hlíð og bærinn greiddi 30% í uppbyggingu á Vesturhlíð á sínum tíma. Þá fjármagnaði Akureyrarbær uppbyggingu Lögmannshlíðar og leigir ríkinu það húsnæði.
Ríkið á að eiga þessar eignir 100%
„Þegar tilboð barst í eignirnar þótti okkur upplagt að selja. En því miður þá strandar allt á því að ríkið kemur ekki að borðinu til að ræða framtíð þessara mannvirkja. Það er að mínu mati lang skynsamlegast að ríkið eigi þessar fasteignir 100%, en ekki í samkrulli við bæjarfélagið. Það er eiginlega algjör tímaskekkja að hafa þann hátt á,“ segir Guðmundur Baldvin.
/MÞÞ
Nýjast
-
Bókarkynning - Ókei
Út er komin bókin ÓKEI — uppruni og saga þekktasta orðatiltækis í heimi. Höfundur er Sigurður Ægisson og Hólar gefa út. OK eða O.K., ýmist ritað með lág- eða hástöfum, er sagt vera þekktasta útflutningsafurð Bandaríkjanna, fyrr og síðar. Alla vega er þessi stafasamsetning fyrir löngu komin um gjörvalla Jörð og mun í ofanálag vera fyrsta orðið sem heyrðist mælt á Tunglinu. Það er ekki lítið afrek. Hvað með aðrar reikistjörnur verður, á eftir að koma í ljós. -
Mikið um að vera á matvælabraut VMA
Ekki eru mörg ár liðin frá því nemar í starfnámi við matvælabraut Verkmenntaskólans á Akureyri þurftu að halda suður í Menntaskólann í Kópavogi til að ljúka námi sínu. Aukin eftirspurn frá bæði nemendum og atvinnulífinu hefur leitt til þess að VMA jók námsframboð sitt og nemar geta nú lokið námi sínu í heimabyggð. Þjónustusvæðið er einkum Norður- og Austurland. -
16 ára aldurstakmark á samfélagsmiðlum
Er ekki kominn tími til þess að við tökum umræðu um það fyrir alvöru á Íslandi að hækka aldurstakmarkið á samfélagsmiðlum? Hér er um að ræða málefni sem snertir lýðheilsu barna og ungmenna beint og því nauðsynlegt að gefa þessu málefni rými í aðdraganda kosninga. -
Endurreisnartónleikar Hymnodiu og SCS í Akureyrarkirkju n.k. sunnudag Uppfært tónleiknum hefur verið frestað um óákv tíma
Hymnodia, norræna endurreisnarhljómsveitin Scandinavian Cornetts and Sackbuts og Ágúst Ingi Ágústsson, stjórnandi Cantores Islandiae, flytja gullfallega ítalska, spænska og enska endurreisnartónlist á tónleikum í Akureyrarkirkju sunnudaginn 17. nóvember kl. 17. -
Frambjóðendur í Norðausturkjördæmi mætast í Hátíðarsal HA á morgun
Stúdentafélag Háskólans á Akureyri (SHA) með aðstoð Landssamtaka íslenskra stúdenta (LÍS) standa fyrir pallborðsumræðum með frambjóðendum í Norðausturkjördæmi á morgun, föstudaginn 15. nóvember kl. 12:00 í Hátíðarsal HA. Einnig verður streymt frá viðburðinum á Vísi og YouTube-rás Háskólans á Akureyri fyrir þau sem hafa ekki tök á að mæta á staðinn. -
Bæjarráð vill aðflugsferla við Akureyrarflugvöll endurbætta hið fyrsta
Segja má að Bæjarráð Akureyrar láti ÍSAVIA heyra það í samþykkt sem ráðið lét frá sér fara eftir fund ráðsins í dag. Óánægja bæjarráðs er vegna tafa við gerð nýrra aðflugsferla fyrir flug úr suðri að Akureyrarflugvelli. -
Vegagerðin tekur kafla Hjalteyrarvegar af þjóðvegaskrá
Vegagerðin hefur tilkynnt Hörgársveit að breyting verði gerð á afmörkun Hjalteyrarvegar – 811 og verður hluti hans þar með felldur úr tölu þjóðvega og af vegaskrá. Allir vegir hér á landi eru skilgreindir eftir vegalögum. -
Matargjafir ganga í endurnýjun lífdaga fyrir jólin
„Þar sem að ég virðist ekki geta slitið mig frá Matargjöfum (held að við séum ein eining) þá hef ég ákveðið að halda áfram í breyttri mynd 11. jólin okkar saman,“ skrifar Sigrún Steinarsdóttir á facebook síðu Matargjafa á Akureyri og nágrenni. Hún opnaði fyrr í vikunni reikning Matargjafa og vonar að þeir sem áður lögðu henni lið með mánaðarlegu framlagi haldi því áfram, „því án ykkar er þetta ekki hægt.“ -
Öruggari samgöngur í Fjallabyggð
Á undanförnum árum hefur Fjallabyggð staðið frammi fyrir krefjandi áskorunum tengdum veðurfari. Foktjón hefur orðið í óvæntum ofsaveðrum og úrkomumynstur virðist vera að breytast með tilheyrandi álagi á innviði. Endurteknir úrkomuviðburðir hafa leitt til flóða, nú síðast síðsumars þegar vatn flæddi inn í fjölmörg hús. Þá var Siglufjarðarvegi um Almenninga lokað í nokkra daga vegna skriðufalla og tjóns sem hlaust ef þessu mikla vatnsveðri og hættu á grjóthruni. Sprungur í veginum vegna viðvarandi jarðsigs opnuðust enn frekar. Þessi atburðarrás hefur undirstrikað mikilvægi þess að styrkja og bæta samgöngur inn í sveitafélagið, sem eru lífæð samfélagsins.
