13.nóvember - 20.nóvember - Tbl 46
Áhyggjur fólks af fjárhagsstöðu sinni aukast
Björn Snæbjörnsson
„Áhyggjur fólks af fjárhagsstöðu sinni eru aftur að aukast, en við sáum þær fara minnkandi í fyrra. Staðan núna er líkari því sem hún var fyrir kórónuveiruna,“ segir Björn Snæbjörnsson formaður Einingar-Iðju. Félagið gerði ásamt Afli, starfsgreinafélagi á Austurlandi könnun á stöðu sinna félagsmanna. Niðurstaða er sú að fjárhagsáhyggjur fólks hafa aukist, einkum í hópi þeirra sem lægst hafa launin eða eru ekki starfandi. Fólk í yngstu aldurshópunum virðist búa við þrönga stöðu.
Fram kom í könnuninni að rúmur þriðjungur svarenda hafði síðustu 12 mánuði frestað eða hætt við að fara til tannlæknis af fjárhagsástæðum. Þá höfðu 22% frestað eð hætt við læknisheimsókn af sömu ástæðu og 17% höfðu slegið því á frest að kaupa lyf eða hætt við slík kaup.
Vonbrigði að sjá þetta bakslag
Björn segir þetta áþekkar tölur og komu fram í könnun árið 2018, en eftir það virtust áhyggjur manna af peningamálunum vera á undanhaldi. „Þetta var á réttri leið, fór batnandi, en núna virðist koma bakslag og það eru mikil vonbrigði. Laun höfðu hækkað og eins má gera ráð fyrir að útgjöld hafi dregist saman í faraldrinum sem skýrir kannski að fólk hafði minni áhyggjur af stöðunni í fyrra, en það er erfitt að sjá þessa niðurstöðu. Að svo stór hópur er að neita sér um læknisheimsóknir,“segir Björn. Það eru einkum fólk í yngsta aldurshópnum, frá 25 til 35 ára sem hefur neitað sér um að fara til tannlæknis og eða til lækna.
„Það eru einkum þeir sem eru á lægstu laununum sem fresta þessum hlutum, við sjáum að almennt dregur úr þessum frestunum eftir aldri. Þetta segir okkur að staðan í yngsta aldurshópunum er önnur en hjá þeim sem eldri eru, þetta er fólk með ung börn og forgangsröðun þess er greinilega önnur en hjá þeim eldri,“ segir Björn.
Veganesti inn í kjaraviðræður
Hann bætir við að staðfesting þess að hart sé í ári hjá ungu láglaunafólki sé að margir hafi svarað því til að helstu áherslur félagsins í komandi kjaraviðræður við sína viðsemjendur ætti að vera hærri barnabætur. „Það hefur ekki áður verið nefnt í neinu mæli meðal okkar félagsmanna, þetta er í fyrsta skipti sem fólk vill leggja áherslu á hærri barnabætur,“ segir Björn. Einnig nefndu félagsmenn að áherslur í næstu kjarasamningaviðræðum ættu að beinast að því að lækka skatta og yngra fólk nefndi einnig að auðvelda ætti ungu fólki að eignast eigið húsnæði. „Við förum með þetta veganesti inn í næstu kjaraviðræður, en undirbúningur þeirra er þegar hafinn,“ segir hann. Eldri aldurhópar benda fremur á að verja kaupmáttinn.
/MÞÞ
Nýjast
-
Endurreisnartónleikar Hymnodiu og SCS í Akureyrarkirkju n.k. sunnudag
Hymnodia, norræna endurreisnarhljómsveitin Scandinavian Cornetts and Sackbuts og Ágúst Ingi Ágústsson, stjórnandi Cantores Islandiae, flytja gullfallega ítalska, spænska og enska endurreisnartónlist á tónleikum í Akureyrarkirkju sunnudaginn 17. nóvember kl. 17. -
Frambjóðendur í Norðausturkjördæmi mætast í Hátíðarsal HA á morgun
Stúdentafélag Háskólans á Akureyri (SHA) með aðstoð Landssamtaka íslenskra stúdenta (LÍS) standa fyrir pallborðsumræðum með frambjóðendum í Norðausturkjördæmi á morgun, föstudaginn 15. nóvember kl. 12:00 í Hátíðarsal HA. Einnig verður streymt frá viðburðinum á Vísi og YouTube-rás Háskólans á Akureyri fyrir þau sem hafa ekki tök á að mæta á staðinn. -
Bæjarráð vill aðflugsferla við Akureyrarflugvöll endurbætta hið fyrsta
Segja má að Bæjarráð Akureyrar láti ÍSAVIA heyra það í samþykkt sem ráðið lét frá sér fara eftir fund ráðsins í dag. Óánægja bæjarráðs er vegna tafa við gerð nýrra aðflugsferla fyrir flug úr suðri að Akureyrarflugvelli. -
Vegagerðin tekur kafla Hjalteyrarvegar af þjóðvegaskrá
Vegagerðin hefur tilkynnt Hörgársveit að breyting verði gerð á afmörkun Hjalteyrarvegar – 811 og verður hluti hans þar með felldur úr tölu þjóðvega og af vegaskrá. Allir vegir hér á landi eru skilgreindir eftir vegalögum. -
Matargjafir ganga í endurnýjun lífdaga fyrir jólin
„Þar sem að ég virðist ekki geta slitið mig frá Matargjöfum (held að við séum ein eining) þá hef ég ákveðið að halda áfram í breyttri mynd 11. jólin okkar saman,“ skrifar Sigrún Steinarsdóttir á facebook síðu Matargjafa á Akureyri og nágrenni. Hún opnaði fyrr í vikunni reikning Matargjafa og vonar að þeir sem áður lögðu henni lið með mánaðarlegu framlagi haldi því áfram, „því án ykkar er þetta ekki hægt.“ -
Öruggari samgöngur í Fjallabyggð
Á undanförnum árum hefur Fjallabyggð staðið frammi fyrir krefjandi áskorunum tengdum veðurfari. Foktjón hefur orðið í óvæntum ofsaveðrum og úrkomumynstur virðist vera að breytast með tilheyrandi álagi á innviði. Endurteknir úrkomuviðburðir hafa leitt til flóða, nú síðast síðsumars þegar vatn flæddi inn í fjölmörg hús. Þá var Siglufjarðarvegi um Almenninga lokað í nokkra daga vegna skriðufalla og tjóns sem hlaust ef þessu mikla vatnsveðri og hættu á grjóthruni. Sprungur í veginum vegna viðvarandi jarðsigs opnuðust enn frekar. Þessi atburðarrás hefur undirstrikað mikilvægi þess að styrkja og bæta samgöngur inn í sveitafélagið, sem eru lífæð samfélagsins. -
Afleit veðurspá á morgun sýnum gát
Spáð er afar slæmu veðri seinnipart föstudagsins 15. nóvember. Óttast er að sambærilegar aðstæður gætu skapast á Akureyri og í september 2022, þegar sjór flæddi yfir hluta Oddeyrar og olli miklu tjóni. -
Kvikmynd um Kröflu sigraði á Landkönnunarhátíð á Húsavík
Alls voru níu kvikmyndir sýndar á hátíðinni sem haldin var í 10. sinn -
Oddvitar í Norðausturkjördæmi mætast í beinni útsendingu
Oddvitar framboðanna til Alþingis mætast í kvöld í beinni útsendingu á RÚV og vef Vikublaðsins . Rætt verður um áherslumál framboðanna í kjördæminu.
