30. október - 6. nóember - Tbl 44
Áform um byggingu hótels í landi Ytri-Varðgjár í Eyjafjarðarsveit verða kynnt á opnum fundi
Gert er ráð fyrir að reisa allt að 5 hæða hótel með allt að 120 herbergjum auk bílageymslu og þjónusturýmis. Móttaka og veitingastaður verða á jarðhæð og heilsulind og líkamsræktarstöð á þriðju og fjórðu hæð.
Áform um byggingu hótels í landi Ytri-Varðgjár í Eyjafjarðarsveit verða kynnt á opnum fundi í matsal Hrafnagilsskóla næstkomandi þriðjudagskvöld, 27. júní en hann hefst kl. 20. Fulltrúar sveitarstjórnar og aðstandendur verkefnisins kynna skipulagstillögur og svara fyrirspurnum fundargesta.
Sveitarstjórn Eyjafjarðarsveitar samþykkt í vor að vísa drögum að aðal- og deiliskipulagstillögu vegna breytinga á aðalskipulagi Eyjafjarðarsveitar 2018 til 2030 í kynningu, þ.e. breytingu á deiliskipulagi baðstaðar í landi Ytri-Varðgjár, Skógarbaðanna. Aðalskipulagsbreytingin lýtur að því að verslunar- og þjónustusvæði sem þar er stækkar til suðurs og nær yfir hluta sem í núverandi skipulagi er skilgreint sem íbúðarsvæði, skógræktar- og landgræðslusvæði. Skipulagssvæðið stækkar úr 1,6 ha í 5,3.
Fimm hæðir og allt að 120 herbergi
Miðar breytingin að því að á innan svæðisins verði heimilt að byggja hótel. Gert er ráð fyrir að reisa allt að 5 hæða hótel með allt að 120 herbergjum auk bílageymslu og þjónusturýmis. Aðkoma að hótelinu verður sunnan byggingareitsins og bílastæði að vestan og sunnanverðu. Þá er gert ráð fyrir laug sem nær frá núverandi laug Skólabaðanna að hótelinu. Um 100 metrar verða á milli baðanna og að hótelinu.
Á jarðhæð hótelsins verður móttaka og veitingastaðir og þá er gert ráð fyrir heilsulind og líkamsrækt á hluta þriðju og fjórðu hæðar. Fimmta hæðin verður aðeins yfir miðhluta byggingarinnar og þar er ráðgert að hafa bar, fundarherbergi og verönd. Útsýni úr hótelherbergjum verður til vesturs og suðurs, yfir Akureyri og inn Eyjafjörð.
Helsta aðdráttarafl hótelsins er talið vera að það er byggt inni í skóginum og að Skógarböðin eru í göngufæri við það. Lögð er áhersla á að mannvirki falli sem best að landslagi og raski á skóginum verður haldið í lágmarki. Lóð hótelsins verður um einn hektari að stærð.
Möguleg jákvæð áhrif eru samfélagsleg og hagræn
Samráð hefur verið haft við Skógræktarfélag Eyfirðinga vegna rasks sem verður á skógi vegna fyrirhugaðra framkvæmda. Fram kemur í skipulagstillögu sem finna má að vefsíðu Eyjafjarðarsveitar að niðurstaða umhverfisskýrslu sé sú að fyrirhuguð uppbygging sé ekki talin hafa veruleg umhverfisáhrif. Möguleg neikvæð áhrif eru á gróður auk áhrifa á minjar. Möguleg jákvæð áhrif eru samfélagsleg og hagræn. Með uppbyggingunni eflist atvinnulíf á svæðinu og mörg störf verða til á hótelinu með opnun þess. Gera megi ráð fyrir að áhrif á íbúaþróun í Eyjafjarðarsveit verði jákvæð, væntanlegt starfsfólks hótelsins muni í einhverjum tilfellum sækjast eftir að setjast að í sveitarfélaginu. Þá eru jákvæð áhrif möguleg þar sem verið er að skapa nýjan áfangastað fyrir ferðaþjónustu þar sem hægt verður að njóta aðliggjandi náttúru.
Nýjast
-
Uppskeruhátíð ferðaþjónustunnar á Norðurlandi
Þrjár viðurkenningar voru veittar á Uppskeruhátíð ferðaþjónustunnar á Norðurlandi sem að þessu sinni var haldin í Eyjafirði, í Eyjafjarðarsveit, Svalbarðsstrandarhreppi og Grýtubakkahreppi. Þær voru fyrirtæki ársins, hvatningarverðlaun ársins og fyrir störf í þágu ferðaþjónustu. Á uppskeruhátíðinni var farið í heimsóknir til ýmissa ferðaþjónustufyrirtækja á svæðinu, sem bjóða bæði afþreyingu, mat og gistingu ásamt ýmsu öðru. Hátíðin tókst afar vel og lauk með hátíðarkvöldverði á Laugaborg í Hrafnagilshverfi, kvöldskemmtun, dansi og mikilli gleði. -
Harðbakur málaður og yfirfarinn í Slippnum á Akureyri
Togarinn Harðbakur EA 3 heldur senn til veiða eftir ýmsar endurbætur og uppfærslur í Slippnum á Akureyri, auk þess sem skipið var heilmálað. Harðbakur er fimm ára gamalt skip, smíðað í Vard-Aukra skipasmíðastöðinni í Noregi. Skipið kom til Akureyrar 9. nóvember 2019 og strax í kjölfarið tók Slippurinn við því, þar sem settur var vinnslubúnaður um borð. Harðbakur er 29 metra langur og 12 metra breiður. Skipið er gott í alla staði, bæði hvað varðar vinnslubúnað og aðbúnað áhafnar. -
Tónlistarskóli Eyjafjarðar sá fyrsti sem fer í Græn skref
Tónlistarskóli Eyjarfjarðar hefur náð þeim einstaka áfanga að vera fyrsti tónlistarskólinn á Íslandi til að fara í Græn skref „og mega þau vera stolt af því,“ segir á vefsíðu Samtaka sveitarfélaga á Norðurlandi eystra, SSNE. -
Atkvæðagreiðsla utan kjörfundar hefst 7 nóvember
Atkvæðagreiðsla utan kjörfundar við embætti sýslumannsins á Norðurlandi eystra hefst 7. nóvember n.k. Alls hafa 31.039 atkvæðarétt í kjördæminu, flestir þeirra og það kemur ekki á óvart frá Akureyri eða 15.057 manns. -
Pólarhestar eru fyrirtæki ársins
Markaðsstofa Norðurlands veitir viðurkenninguna Fyrirtæki ársins til fyrirtækis sem er búið að slíta barnsskónum og hefur skapað sér sterka stöðu á markaði. Fyrirtækið hefur unnið að stöðugri uppbyggingu, vöruþróun og nýsköpun og er með höfuðstöðvar á Norðurlandi. -
Íslenska kerfið framleiðir afbrotamenn
Að refsa einstaklingi fyrir alvarleg afbrot með fangelsisvist, er eitthvað sem flestir geta verið sammála um að sé nauðsynlegt. Fæstir átta sig hins vegar á hve frelsissviptingin ein og sér hefur gríðarleg áhrif á einstakling sem dæmdur hefur verið til vistar í fangelsi og ef betrunarúrræðin eru ekki til staðar er næsta öruggt að sá einstaklingur er lýkur afplánun, kemur út í samfélagið aftur í verra ástandi en hann var í þegar afplánun hófst. Stundum held ég að þessi hópur samfélags okkar sé álitinn hin skítugu börn Evu sem flestir vita af en enginn vill af þeim vita. Eins og að vandamálin hverfi um leið og kveðinn er upp dómur. Allir þeir einstaklingar sem fá á sig dóma eru synir, dætur, bræður, systur og barnabörn einhverra. Að afplána dóm hefur ekki bara gríðarleg áhrif á fangann heldur líka hans nánustu aðstandendur sem ég tel vera algjörlega týndan hóp innan kerfisins. Kerfis sem fyrir löngu er molnað í sundur. Kerfi sem nær ekki að eiga samskipti. Kerfi sem þarf að taka alvarlega til í og snýst hreinlega um líf eða dauða fólksins okkar. -
KOSNINGARÉTTUR
Við vanmetum oft það sem þykir sjálfsagt! Árið 1843 rak kosningaréttur fyrst á fjörur okkar Íslendinga með tilskipun Kristjáns VIII, en eingöngu til karlmanna eldri en 25 ára sem áttu jörð. Það var um 2% íslensku þjóðarinnar. Árið 1857 var ekki lengur þörf á að eiga jörð, nægjanlegt að búa á eigin heimili og borga skatta. Konur virtust ekki vera landsmenn á þessum tíma. -
Afleitt að Sæfari verði í slipp í apríl
Grímseyingar óska eftir aðstoð við að fá aðra tímasetningu en nú er þegar fyrirhugað er að ferjan Sæfari sem siglir milli lands og eyjar fer í slipp, sem er „afleit tímasetning bæði hvað varðar sjávarútveg og sérstaklega slæmt fyrir ferðaþjónustu í eynni,.“ segir í bókun frá íbúafundi sem haldinn var í eyjunni. -
Framkvæmdir að hefjast við innisundlaugina
Framkvæmdir eru hafnar við talsvert umfangsmiklar breytingar á innisundlaugin í Sundlaug Akureyrar. Umhverfis- og mannvirkjaráð hefur samþykkt að taka lægstu tilboðum í lagnir, raflagnir og múrverk en hafnaði aftur á móti tilboðum sem bárust í útboði á verkefnum í húsasmíði og blikksmíði þar sem þau voru hátt yfir kostnaðaráætlun.
