Áform um að reisa fjölbýlishús með 200 leiguíbúðum
mth@vikubladid.is
„Við vonumst til þess að bærinn skoði þetta erindi betur, það er mikill íbúðaskortur á Akureyri og því afar brýnt að brugðist verði við sem fyrst,“ segir Helgi Örn Eyþórsson verkefnastjóri hjá SSByggi en félagið hefur óskað eftir lóðum fyrir nokkur fjölbýlishús sem öll yrðu miðsvæðis á Akureyri undir 200 leiguíbúðir sem byggðar verði á næstu 5 árum.
Helgi segir að félagið fagni allri umræðu um lóða og fasteignamál, en staðan á fasteignamarkaði á Akureyri sem og reyndar víðar sé grafalvarleg. Varðandi íbúðabygginguna hyggst SSByggir sækja um stofnframlag með þessum íbúðum frá ríki og Akureyrarbæ.
Hagkvæmar íbúðir fyrir tekjulægri hópa
„Hugmyndir félagsins ganga út á að byggja, eiga og reka hagkvæmar leiguíbúðir ætlaðar tekjulægri hópum samfélagsins. Markmið félagsins er að bjóða hagkvæmustu leiguíbúðir sem finnast á almennum markaði,“ segir í bréfi félagsins til bæjarins. Einnig kemur þar fram að mikilvægt sé að lóðir undir umrædd fjölbýlishús verði miðsvæðis þannig að leigjendur geti ástundað bíllausan lífsstíl, kjósi þeir svo. Deiliskipulag lóðanna má ekki vera mjög íþyngjandi, t.d. með kröfu um að gerður verði bílakjallari.
Félagið stefnir á að byggja vel útbúnar og vistlegar íbúðir þar sem m.a. er gert ráð fyrir sjálfvirku loftskiptikerfi með varmaendurvinnslu í öllum íbúðum. Það stuðli að heilbrigðu innilofti og lækki rekstrar- og viðhaldskostnað íbúða
SS Leiguíbúðir ehf er óhagnaðardrifið leigufélag í 100% eigu SS Byggir ehf. og hefur það undanfarna tvo áratugi byggt á annað hundrað leiguíbúða sem síðar hafa verið seldar áfram til sérhæfðra leigufélaga.
Nýjast
-
Kvenfélagið Hjálpin gefur 1.100.000 kr
Nú á haustdögum varð kvenfélagið Hjálpin í Eyjafjarðarsveit 110 ára. Í kvenfélaginu starfa tuttugu og fjórar konur auk nokkurra heiðursfélaga. Við erum á aldrinum 24 ára til 76 ára og meðalaldur okkar er 48 ár. Við erum vinkonur, nágrannar, bekkjarsystur, systur og í félaginu starfa í dag 3 pör af mágkonum, 3 pör af mæðgum og 5 pör af tengdamæðgum. Í tilefni af 100 ára afmælinu gáfum við út bókina Drífandi daladísir þar sem eru myndir og upplýsingar um allar 231 félagskonurnar ásamt sögu félagsins í máli og myndum. -
Atvinnulíf og uppbygging í Norðurþingi
Það eru spennandi tímar í atvinnulífinu í Norðurþingi en sveitarstjórn hefur unnið ötullega í þessum málaflokki á kjörtímabilinu, m.a. með áherslu á Grænan iðngarð á Bakka. -
Ungt fólk er meira en bara meme og sketsar á TikTok
Ungt fólk er meira en bara einn hópur. Ungt fólk samanstendur af mörgum mismunandi hópum, með mismunandi skoðanir, áhugamál og þarfir. Að reyna að ná til þeirra einungis með stuttum sketsum, meme-um og „brain rot “ efni á TikTok er mikil einföldun. Ungt fólk hefur líka áhuga á pólitík, vill fara á dýptina í málum og kynna sér stefnur flokka áður en það mótar sér skoðun. Ungt fólk á betra skilið en efni í litlum gæðum sem er of stutt til að geta talist upplýsandi. -
Listasafnið á Akureyri: Útskriftarsýning VMA opnuð á laugardaginn
Laugardaginn 16. nóvember kl. 15 verður útskriftarsýning nemenda listnáms- og hönnunarbrautar Verkmenntaskólans á Akureyri, KNÁRL, opnuð í Listasafninu á Akureyri. Sýningar á lokaverkefnum nemenda hafa lengi verið fastur liður í starfsemi listnáms- og hönnunarbrautar VMA. Sýningarnar eru tvær yfir árið, annars vegar í lok vorannar og hins vegar í lok haustannar. Þetta er tíunda árið í röð sem þær eru haldnar í samstarfi við Listasafnið á Akureyri. -
Blað brotið í millilandaflugi um Akureyrarflugvöll
Það er óhætt að segja að brotið hafi verið blað í flugi um Akureyrarflugvöll í morgun, þegar fyrsta flug Easy Jet til Akureyrar frá Manchester sem er borg í norðvesturhluta Englands lenti á flugvellinum eftir tæplega 160 mín flug. -
Plast í Nettó fær nýtt líf í samstarfi við Polynorth
Allt frauðplast í verslun Nettó á Glerártorgi mun nú fá nýtt líf og umbreytast í einangrunarplast til byggingaframkvæmda í samstarfi við plastkubbaverksmiðjuna Polynorth á Óseyri. Verkefnið er liður í stefnu Samkaupa að verða leiðandi í úrgangsstjórnun. Endurnýting á frauðplasti er hluti af því að draga úr úrgangslosun verslana Samkaupa og auka þar flokkunarhlutfall. -
Ný vefsíða Hollvina Sjúkrahússins á Akureyri komin í loftið
Á dögunum fór ný vefsíða Hollvina SAk í loftið í boði Stefnu hugbúnaðarhúss (www.hollvinir.is). Vefsíðan er einföld í notkun og þar birtast fréttir af því góða starfi sem Hollvinir vinna með því að styrkja og styðja við sjúkrahúsið. Ennfremur er þar hægt að gerast Hollvinur með einföldum hætti og panta minningarkort til styrktar samtökunum. Með nýju vefsíðunni vonast stjórnin til að ná til fleiri félagsmanna og efla starfsemina enn frekar. -
Forseti sveitarstjórnar vill hætta viðskiptum við Rapyd
Hjálmar Bogi Hafliðason sagði m.a. annars að efnahagsleg sniðganga væri vopn sem við Íslendingar gætum beitt til að ná fram friðsælli lausn á átökunum fyrir botni Miðjaraðarhafs. -
,,Bráðum kemur ekki betri tíð, því betri getur tíðin ekki orðið”
Það er mun oftar sem sagðar eru fréttir af ófærð og allskonar veseni veðri tengdu á þessum árstíma. Staðan er hinsvegar sú núna að það er óhætt að vitna í Stuðmenn og segja ,,Bráðum kemur ekki betri tíð, þvi betri getur tíðin ekki orðið”
