23. október - 30. október - Tbl 43
Að eldast vel
Vilborg Gunnarsdóttir skrifar
Rúmlega miðaldra kona hefur nú lagt skóna á hilluna. Kannski ekki alveg í “venjulegri” merkingu þess orðs þar sem hún hefur aldrei átt alvöru íþróttaskó, heldur hefur hún látið af launuðum störfum.
Þetta er stór áfangi, sérstaklega þar sem ég hef enn ekki náð þessum löglega aldri. En ég íhugaði þetta vel og niðurstaðan varð þessi.
Það sem komið hefur mest á óvart er hversu margir eru hissa á þessari ákvörðun því flestir sem ég hitti, kvíða þessum áfanga og vilja draga hann sem mest og eins lengi og hægt er. Og þar sem ég er víðsýn kona sýni ég því skilning að við séum ekki öll steypt í sama mót.
Margir mér ósammála
Lengi vel starfaði ég meðal annars við það að kenna fólki að hætta að vinna. Námskeiðin buðust þeim starfsmönnum sem náð höfðu 60 ára aldri og satt best að segja, tóku ekki allir því vel að fá slíkt boð. Ég fékk meðal annars spurningar um hvort nú ætti að segja þeim upp. Á námskeiðinu var farið yfir helstu réttindi, fjármál, mikilvægi þess að viðhalda góðri heilsu og loks var bent á ýmislegt sem gaman væri að taka sér fyrir hendur. Eitt af því sem kynnt var, voru mismunandi sjálfboðaliðastörf. Á Íslandi eru starfandi fjölmargir sjálfboðaliðar en sennilega eru flestir tengdir björgunarsveitum og íþróttafélögum. Rauði krossinn hefur líka þegið framlag sjálfboðaliða í ýmis fjölbreytt störf.
Nú veit ég að margir eru mér ósammala um að sniðugt sé að hætta að vinna fyrr en þarf og virði ég það. Og hvenær sem að því kemur að stóri dagurinn rennur upp, er afar mikilvægt að vera vel undir hann búinn. Gott er að sjá fyrir sér hvernig verja skal deginum og helst að koma sér í „rútínu“. Þá er líka mikilvægt að sleppa ekki helgunum, það er að gera sér dagamun svo allir dagar verði ekki eins.
Þökkum fyrir að fá að eldast
Þegar Alzheimersamtökin opnuðu nýtt úrræði fyrir yngri og nýgreinda einstaklinga með heilabilun var lögð áhersla á að þeir sem þar nytu þjónustu fengju einstaklingsmiðaðar áætlanir sem miðuðu að því að viðhalda sem mestri virkni. Nýjar rannsóknir hafa sýnt fram á að ef menn stunda frekar ákafa líkamsrækt að minnst kosti þrisvar í viku, borða hreint fæði, taki þátt í félagsstarfi og virki heilann reglulega, geti hægt á framgangi sjúkdómsins um þriðjung. Það er ekki lítið. Og ef við færum þessi heilræði þeim sem „bara“ eru að eldast ættu áhrifin að vera ekki minni, sem er að hægja á einkennum öldrunar.
Ég lít svo á að við eigum að þakka fyrir að fá að verða eldri og vera enn þakklátari ef heilsan helst góð.
Miklar líkur eru á því að mörg okkar sem nú erum rúmlega miðaldra náum tíræðisaldri. Það þýðir að við þurfum að hafa koll og skrokk í lagi næstu 30 árin í það minnsta. Ærið verkefni framundan þar.
Höfundur er áhugamaður um almenna velferð.
Nýjast
-
Að eldast vel
Rúmlega miðaldra kona hefur nú lagt skóna á hilluna. Kannski ekki alveg í ,, Rúmlega miðaldra kona hefur nú lagt skóna á hilluna. Kannski ekki alveg í “venjulegri” merkingu þess orðs þar sem hún hefur aldrei átt alvöru íþróttaskó, heldur hefur hún látið af launuðum störfum. -
Endurbótum á geðdeild SAk lokið
Miklar endurbætur hafa verið gerðar á geðdeild Sjúkrahússins á Akureyri og marka þær stórt skerf í átt að bættri þjónustu og umönnun skjólstæðinga sjúkrahússins. Opið hús var á endurbættri geðdeild þar sem samstarfsfólki og gestum gafst færi á að skoða nýja aðstöðu deildarinnar. Hafist var handa við breytingar í byrjun ágúst og er framkvæmdum nú lokið, 10 vikum síðar. -
Póstbox í Hrafnagilshverfi
Póstbox verður sett upp nú í október í Hrafnagilshverfi. Það verður á Skólatröð 11, við ráðhús Eyjafjarðarsveitar. Póstboxið má bæði nota til að senda pakka og sækja. Bréfapóstur verður einnig borinn út í póstboxið. Innan skamms fá öll heimili og fyrirtæki á staðnum skráningarbréf í pósti sem fylla þarf út og skila í kassa sem settur verður upp við póstboxið segir í frétt á vefsíðu Eyjafjarðarsveitar. -
Tíminn líður, trúðu mér 3
Þegar rætt er um aðstöðu fyrir íþróttir kemur margt upp í hugann, allt eftir því við hvern er talað. Eitt er samt vitað og það er að bætt aðstaða skilar sér alltaf. Skilar sér í fjölda iðkenda, betri starfsaðstöðu, bættum árangri, betri aðbúnaði. Skýrt dæmi um þetta er t.d að finna hjá Skautafélaginu. En það kostar líka. Við kjósum okkur fulltrúa til að stýra bænum okkar og fara með sameiginlegan fjárhag okkar. Að sjálfsögðu vilja allir gera sitt besta og því hefur verið farin sú leið 3 sinnum svo ég muni eftir að gerður hefur verið framkvæmdalisti nýframkvæmda á íþróttasviðinu. -
Ákvörðun um rafvæðingarhluta Torfunefsbryggju vegna komu minni skemmtiferðaskipa frestað
Á fundur Hafnasamlags Norðurlands í gær miðvikudag var m.a.Framkvæmdaáætlun fyrir árið 2025 tekin til síðari umræðu. -
Endurfundir við Kristján frá Djúpalæk á Græna hattinum
Endurfundir við Kristján frá Djúpalæk er yfirskrift dagskrár sem flutt verður á Græna hattinum laugardagskvöldið, 26. október kl. 15. Hljómsveitin Djúpilækur fyrir dagskránni.„Við höfum flutt þessa dagskrá í Hveragerði og áttum þar einstaklega skemmtilega og ljúfa stund með fólki sem ólst upp við texta Kristjáns og margir kynntust honum líka, en hann bjó í um 10 ár í Hveragerði. Við fundum fyrir sterkri hvatningu að norðan, þangað sem Kristján flutti úr Hveragerði, til að endurtaka leikinn á Akureyri og við hlökkum mikið til að flytja þessa dagskrá á Græna hattinum. Ég finn vel að tilhlökkunin er gagnkvæm,“ segir Halldór Gunnarsson einn Djúpalæksfélaga. -
Skiptinemar með fatamarkað
Skiptinemar við Háskólann á Akureyri standa nú fyrir fatamarkaði, en um er að ræða samstarfsverkefni milli skiptinemanna, Rauða krossins í Eyjafirði og umhverfisnefndar Háskólans á Akureyri. -
„Við verðum að taka alvöru umræðu um hvalveiðar “
Hafrannsóknarstofnun leggur til að engar loðnuveiðar verði leyfðar fiskveiðiárið 2024 til 2025, ráðgjöfin byggir á niðurstöðum bergmálsmælinga á stofninum í haust. Stofnunin mun endurskoða ráðgjöfina þegar niðurstöður mælinga á stærð veiðistofnsins liggja fyrir í janúar. Miklir fjárhagslegir hagsmunir eru í húfi, Landsbankinn bendir á að hófleg eða meðalstór loðnuvertíð geti aukið hagvöxt á næsta ári um hálft til eitt prósentustig. -
Rauði krossinn við Eyjafjörð styrkir færanlega heilsugæslu í Hargeisa í Sómalíu
Stjórn Rauða krossins við Eyjafjörð hefur ákveðið að veita 4 milljóna króna fjárframlag til verkefnisins Færanleg heilsugæsla í Hargeisa í Sómalíu sem Rauði krossinn á Íslandi hefur lengi stutt við.
