Barnamenningarhátíð á Akureyri haldin í áttunda sinn
„Hátíðin skipar veglegan sess í menningarlífi bæjarins, enda hefur hún vaxið ár frá ári,“ segir Elísabet Ögn Jóhannsdóttir verkefnastjóri menningarmála hjá Akureyrarbæ. Barnamenningarhátíð var sett með viðhöfn í Hofi fyrr í vikunni og stendur hún svo gott sem allan aprílmánuð. Þetta er í áttunda sinn sem hátíðin er haldin.
Elísabet segir að á um 40 viðburðir séu á dagskránni og eru börn og ungmenni hvött til að taka þátt í því menningarstarfi sem í boði verður. Eitt meginmarkmið hátíðarinnar er að þátttaka sé börnum að kostnaðarlausu.
„Við viljum gefa börnum og ungmennum tækifæri til að njóta lista og menningar og með því að efna til Barnamenningarhátíðar hvetjum við þau til að taka virkan þátt í menningarstarfi af fjölbreyttu tagi. Barnamenning nær yfir vítt svið; leiklist, tónlist, kvikmyndir, sjónvarpsefni, leikföng og önnur skapandi og listræn tjáningarform sem höfða til barna eða eru sköpuð af þeim,“ segir Elísabet.
Áhersla á samverustundir fjölskyldunnar
Hún segir Barnamenningarhátíð á Akureyri taka mið af Menningarstefnu Akureyrarbæjar og aðgerðaráætlun barnvæns sveitarfélags. „Við erum oft með sérstakar áherslur á hátíðunum og í ár leggjum við áherslu á samverustundir fjölskyldunnar. Það verður því mikið úrval viðburða þar sem í boði verða skemmtilegar samverustundir fyrir fjölskylduna.“
Elísabet segir viðburði fjölbreytta og allir ættu að finna eitthvað við sitt hæfi, en sem dæmi eru í boði allra handa smiðjur, m.a. um danslistir, ullarþæfingar, ljóð, grímugerð, brúðuleikshús auk dans- og tískusýningar, það verður bíó og árlegir viðburðir eiga sinn stað í dagskráinni. Þar má nefna Myndlistarverkstæði Gilfélagsins, lokatónleika Upptaktsins og Hæfileikakeppni Akureyrar.
Sumartónar einn af hápunktum hátíðarinnar
Einn af hápunktum hátíðarinnar eru Sumartónar í Hofi þar sem VÆB-bræður heimsækja Akureyri í fyrsta sinn, en tónleikarnir verða næsta þriðjudag, 8. apríl. Stelpuhljómsveitin Skandall hitar upp fyrir bræðurna. Þá verður fjölbreytt dagskrá í Hofi á sumardaginn fyrsta auk þess sem viðburðir verða þann dag í söfnum bæjarins.
Nýjast
-
Barnamenningarhátíð á Akureyri haldin í áttunda sinn
„Hátíðin skipar veglegan sess í menningarlífi bæjarins, enda hefur hún vaxið ár frá ári,“ segir Elísabet Ögn Jóhannsdóttir verkefnastjóri menningarmála hjá Akureyrarbæ. Barnamenningarhátíð var sett með viðhöfn í Hofi fyrr í vikunni og stendur hún svo gott sem allan aprílmánuð. Þetta er í áttunda sinn sem hátíðin er haldin. -
Við stöndum saman með íþróttafólkinu – en hvað með fólkið á bak við það?
Það er fátt sem sameinar okkur eins og þegar íslenskt íþróttafólk stígur inn á stóra sviðið erlendis. Flest þekkjum við tilfinninguna þegar við setjumst saman fyrir framan sjónvarpið, klædd í landsliðstreyju, með hjartað í buxunum og full af stolti. Við hvetjum íþróttafólkið okkar áfram, lifum okkur inn í leikinn. Fögnum þegar vel gengur, syrgjum saman og styðjum okkar fólk – sama hvar það er í heiminum. Við stöndum saman sem þjóð. -
Miðaldra í Mílanó
Æskuvinkonur Ég er svo heppin að eiga frábærar æskuvinkonur. Saman höfum við gengið í gegnum súrt og sætt. Ég á líka vinkonur frá öðrum tímabilum úr lífinu, bæði úr námi, leik eða störfum. Það er einnig mikilvæg vinátta en byggð á öðrum grunni. -
Upplýsingamiðstöð ferðamanna í Hofi
Bæjarráð Akureyrar hefur samþykkt drög að samstarfs samningi milli Akureyrarbæjar, Hafnasamlags Norðurlands Menningarfélags Akureyrar og verslunarinnar Kistu um starfsemi upplýsingamiðstöðvar í menningarhúsinu Hofi tímabilið 2025-2027 -
Jóna atkvæði og ambögur kemur út í sumar
Jóna, atkvæði og ambögur er heiti á bók með vísum og ljóðum Jóns Ingvars Jónssonar sem út kemur hjá Bókaútgáfunni Hólum í sumar. -
Fishrotmálið og Samherji. Hvað dvelur orminn langa?
Þegar ég var ungur var þessarar spurningar um orminn langa oft spurt þegar einhver hafði reynt að telja öðrum trú um að einhvers væri að vænta sem aðrir töldu ósennilegt eða fráleitt. Hún fellur sérlega vel að umfjöllunarefni þessarar greinar. -
Togarajaxlar á ferðinni í Hull og Grimsby
„Ferðin var frá upphafi til enda algjörlega frábær,“ segir Sigfús Ólafur Helgason sem ásamt fleiri gömlum togarajöxlum af ÚA- togurum fór í pílagrímsferð til Hull og Grimsby . „Við sem lögðum upp í þessa pílagrímsför erum alveg í sjöunda himni.“ -
Félag eldri borgara á Akureyri Ekki beðið endalaust eftir réttlæti
„Það hefur komið skýrt fram í viðræðum við pólítíska flokka að ekki verður beðið endalaust eftir réttlæti okkur til handa,“ segir í ályktun um kjaramál sem samþykkt var á aðalfundi Félags eldri borgara á Akureyri nýverið. -
Samsýning norðlenskra listamanna – Mitt rými: Umsóknarfrestur rennur út 9. apríl
„Listasafnið á Akureyri hefur frá 2015 sett upp samsýningu á verkum norðlenskra listamanna annað hvert ár og nú er því komið að sjötta tvíæringnum,“ segir Freyja Reynisdóttir, verkefnastjóri sýninga hjá Listasafninu.
