Velferðarráð horfir til nokkurra svæði undir hús fyrir heimilislausa
Velferðarráð Akureyrarbæjar hefur falið skipulagssviði að skipuleggja fimm lóðir eða reiti sem koma til greina fyrir íbúðir fyrir heimilislaust fólk með fjölþættan vanda. Málið var rætt á fundi ráðsins nýverið þar sem lagt var fram minnisblað um stöðu málaflokksins.
Hulda Elma Eysteinsdóttir formaður Velferðarráðs segir að biðlistinn sé ekki langur einmitt nú en það geti tekið snöggum breytingum. Því verði þó ekki á móti mælt að málaflokkurinn sé þungur og erfiður viðureignar.
Horfa til nokkurra framtíðarsvæða
„Við teljum mikilvægt að horfa fram í tímann og vera með fullklárað og fjölbreytt lóðaframboð hverju sinni fyrir húsnæði af þessu tagi,“ segir hún. Horft er til fimm svæða undir húsin. Eitt er við Síðubraut, annað við Hlíðarfjallsveg, þá er svæði við Baldursnes inni í myndinni sem og reitur við Miðhúsabraut auk þess sem svæði við Ytra-Krossanes gæti komið til greina þegar byggt yrði á því svæði.
Hulda Elma Eysteinsdóttir
Hulda Elma segir að málið verði unnið áfram, m.a. á vegum umhverfis- og mannvirkjasviðs, en sérstaklega er óskað eftir að horft verði til þeirrar vinnu sem fram hefur farið hjá Reykjavíkurborg varðandi hagkvæmt húsnæði. „Við verðum að horfa vel fram í tímann í þessum efnum,“ segir hún og telur að horfa verði til þessarar framtíðarsýnar í málefnum fólks með fjölþættan vanda við gerð næstu fjárhagsáætlunar.
Þrjú til fimm hús á hverjum reit
Um það bil þrjú til fimm hús verða á hverjum reit, en Hulda Elma segir að best fari á því að hafa ekki of mörg hús af þessu tagi á sama svæði. Akureyrarbær hefur þegar 17 ibúðir fyrir fólk með fjölþættan fíkni- og geðvanda og stendur til á næstunni að stokka aðeins upp í kerfinu á þann veg að ekki verði of margir á sama svæði.
Hún segir Akureyrarbæ vinna eftir stefnu sem nefnist Húsnæði fyrst og felur í sér að sveitarfélagið bjóði þessum hópi upp á öruggt og varanlegt húsnæði án skilyrða. „Við erum að vinna eftir þessari stefnu og sjáum fyrir okkur að á næstu árum rísi nokkur slík hús hér og hvar í bænum. Gistiskýli eru talinn lakasti kosturinn og við teljum að ekki sé þörf á slíku úrræði á Akureyri enn sem komið er"
Nýjast
-
Velferðarráð horfir til nokkurra svæði undir hús fyrir heimilislausa
Velferðarráð Akureyrarbæjar hefur falið skipulagssviði að skipuleggja fimm lóðir eða reiti sem koma til greina fyrir íbúðir fyrir heimilislaust fólk með fjölþættan vanda. Málið var rætt á fundi ráðsins nýverið þar sem lagt var fram minnisblað um stöðu málaflokksins. -
Gönguleið meðfram vesturströnd Hríseyjar
Framkvæmdir við gönguleið á vesturströnd Hríseyjar hafa gengið vel og standa vonir til að hægt verði að klára verkefnið fyrir sumarið. Gönguleiðin bætir aðgengi, upplifun og öryggi notenda og aðlagar svæðið að fjölbreyttari útivistarhópum, eins og göngu-, hjóla-, sjósunds- og fuglaáhugafólki. -
Barnamenningarhátíð á Akureyri haldin í áttunda sinn
„Hátíðin skipar veglegan sess í menningarlífi bæjarins, enda hefur hún vaxið ár frá ári,“ segir Elísabet Ögn Jóhannsdóttir verkefnastjóri menningarmála hjá Akureyrarbæ. Barnamenningarhátíð var sett með viðhöfn í Hofi fyrr í vikunni og stendur hún svo gott sem allan aprílmánuð. Þetta er í áttunda sinn sem hátíðin er haldin. -
Við stöndum saman með íþróttafólkinu – en hvað með fólkið á bak við það?
Það er fátt sem sameinar okkur eins og þegar íslenskt íþróttafólk stígur inn á stóra sviðið erlendis. Flest þekkjum við tilfinninguna þegar við setjumst saman fyrir framan sjónvarpið, klædd í landsliðstreyju, með hjartað í buxunum og full af stolti. Við hvetjum íþróttafólkið okkar áfram, lifum okkur inn í leikinn. Fögnum þegar vel gengur, syrgjum saman og styðjum okkar fólk – sama hvar það er í heiminum. Við stöndum saman sem þjóð. -
Miðaldra í Mílanó
Æskuvinkonur Ég er svo heppin að eiga frábærar æskuvinkonur. Saman höfum við gengið í gegnum súrt og sætt. Ég á líka vinkonur frá öðrum tímabilum úr lífinu, bæði úr námi, leik eða störfum. Það er einnig mikilvæg vinátta en byggð á öðrum grunni. -
Upplýsingamiðstöð ferðamanna í Hofi
Bæjarráð Akureyrar hefur samþykkt drög að samstarfs samningi milli Akureyrarbæjar, Hafnasamlags Norðurlands Menningarfélags Akureyrar og verslunarinnar Kistu um starfsemi upplýsingamiðstöðvar í menningarhúsinu Hofi tímabilið 2025-2027 -
Jóna atkvæði og ambögur kemur út í sumar
Jóna, atkvæði og ambögur er heiti á bók með vísum og ljóðum Jóns Ingvars Jónssonar sem út kemur hjá Bókaútgáfunni Hólum í sumar. -
Fishrotmálið og Samherji. Hvað dvelur orminn langa?
Þegar ég var ungur var þessarar spurningar um orminn langa oft spurt þegar einhver hafði reynt að telja öðrum trú um að einhvers væri að vænta sem aðrir töldu ósennilegt eða fráleitt. Hún fellur sérlega vel að umfjöllunarefni þessarar greinar. -
Togarajaxlar á ferðinni í Hull og Grimsby
„Ferðin var frá upphafi til enda algjörlega frábær,“ segir Sigfús Ólafur Helgason sem ásamt fleiri gömlum togarajöxlum af ÚA- togurum fór í pílagrímsferð til Hull og Grimsby . „Við sem lögðum upp í þessa pílagrímsför erum alveg í sjöunda himni.“
