20. nóvember - 27. nóvember - Tbl 47
Áætlanir gera ráð fyrir að fyrstu stúdentar flyti inn fyrir skólaárið 2026
Sjónarhorn frá Klettaborg Myndir Nordic og MÞÞ
Arkitektastofan Nordic Office of Architecture hlaut fyrstu verðlaun í samkeppni um hönnun á nýjum stúdentagörðum fyrir Félagsstofnun stúdenta við Háskólann á Akureyri. Stofnunin í samstarfi við við Arkitektafélag Íslands efndi til samkeppni um hönnun stúdentagarðanna sem verða á svæði í námunda við Háskólann, við Dalsbraut. Alls bárust ellefu tillögur í keppnina. Í öðru sæti var tillaga HJARK+Sastudio og í þriðja sæti var tillaga Kollgátu og KRADS.
Jóhannes Baldur Guðmundsson framkvæmdastjóri Félagsstofnunar stúdenta við Háskólann á Akureyri, FÉSTA kveðst mjög ánægður með vinningstillöguna, hún sé framsækin og afar faglega hönnuð með framúrskarandi og vistvænar lausnir og vel hugað að sameiginlegum rýmum stúdenta.
Búsetuþarfir stúdenta hafa breyst
Búsetuþarfir stúdenta við HA hafa breyst á síðustu árum en framboð húsnæðis hjá FÉSTA ekki náð að fylgja eftir þeirri þróun. Eftirspurnin hefur mest verið eftir minni íbúðum s.s. stúdíó íbúðum, 2ja herbergja íbúðum og einstaklingsherbergjum. Á grundvelli könnunar og greiningarvinnu var niðurstaðan sú að þörf væri á auknu framboði á minna húsnæði og húsnæði sem uppfyllti nútíma kröfur. Meginmarkmið samkeppninnar er að fá tillögu sem gerir FÉSTA kleift að byggja bjartar og aðlaðandi íbúðir í góðu samræmi við húsnæðisþarfir nemenda HA.
Stúdentagarðarnir verða í þremur húsum og þar verða alls 64 einstaklingsherbergi, 21 stúdíóíbúð og 40 2ja herbergja íbúðir. Fyrir á stofnunin eignir á nokkrum stöðum, við Drekagil 21, Tröllagil 29, við Klettastíg 2, 4, og 6, við Kjalarsíðu 1a og 1b og Útstein við Skarðshlíð 46 en það er fyrsta bygging stofnunarinnar, tekið í notkun árið 1989. Húsin við Kjalarsíðu eru þau síðustu í röðinni og voru tekin í notkun árið 2008, en síðan hafa ekki verið byggðar stúdentaíbúðir á Akureyri. Alls á stofnunin 74 3ja herberga íbúðir, 56 2ja herberga og 34 einstaklingsherbergi, ásamt því að eiga húsnæðið sem leikskólinn Tröllaborgir er í.
Skoða mögulega sölu á eignum
„Áætlanir okkar miða að því að fyrstu stúdentarnir geti flutt inn í nýja námsgarða fyrir skólaárið 2026-27, en þó gætu ýmis mál haft áhrif á þá áætlun, svo sem áframhaldandi hátt vaxtastig lána og verðbólga. Í tengslum við uppbyggingu nýrra námsgarða er verið að endurskoða og meta aðrar eignir okkar með mögulega sölu í huga til að aðlaga eignasafn okkar að eftirspurn síðustu ára og áætlaða þróun,“ segir Jóhannes.
Jóhannes Baldur Guðmundsson framkvæmdastjóri Félagsstofnunar stúdenta við Háskólann á Akureyri
Nýjast
-
Nærsamfélagið tekur höndum saman
Jólatónleikar til styrktar Sigrúnu Björgu Aðalgeirsdóttur og fjölskyldu -
Jólamatur fátæka mannsins
Einn af mínum allra uppáhalds fuglum er rjúpan. Rjúpan nam hér land við lok ísaldar fyrir um 10.000 árum og kom upprunalega frá Grænlandi. Hún á sér lengri forsögu hér en við. Mér finnst hún ekki bara falleg, hún er brögðótt, á 3 alklæðnaði og þegar hún ver unga sína, þá sýnir hún vanmetna vitsmuni. -
Hver grípur þig?
„Við vildum að fólk gerði sér grein fyrir hvaða þjónusta er í boði og hvert er hægt að sækja hana þegar aðstoðar er þörf, fólki að kostnaðarlausu. Einnig langar okkur með málþinginu að styrkja samstarfið á milli félaganna, að fulltrúar þeirra séu upplýst um aðra kosti sem eru í boði fyrir fólk og geti bent málum í réttan farveg eða til viðeigandi félagasamtaka,“ segir Erla Lind Friðriksdóttir um málþing sem hún stendur fyrir ásamt frænku sinni Birnu Guðrúnu Árnadóttur. -
Sérútbúinn lögreglubíll til landamæraeftirlits
Embætti Lögreglunnar á Norðurlandi eystra hefur fengið til eignar sérútbúinn lögreglubíl til afnota við landamæraeftirlit. Segja má að þar sé á ferðinni fullbúin landamærastöð á hjólum. Landamæra- og áritunarsjóður Evrópusambandsins greiddi 75% kostnaðar og Dómsmálaráðuneytið 25% og skiptu einnig með sér kostnaði við einn starfsmann í þrjá mánuði síðastliðið sumar. -
Klúbbar styrkja Frú Ragnheiði
Klúbbarnir Ladies Circle 7 og Round Table 15 afhentu Frú Ragnheiði rausnarlegar styrk í vikunni, ómetnalegur styrkur . „Við erum svo innilega þakklát og mun þetta nýtast skjólstæðingum okkar vel segir í tilkynningu, en styrkurinn er að upphæð um 630 þúsund krónur. -
Gjaldfrjáls leikskóli dregur úr álagi og bætir líðan barna
Gjaldfrjáls leikskóli hefur reynst áhrifarík leið til að draga úr álagi í leikskólum, á skólastjórnendur og starfsfólk og hefur jákvæð áhrif á börnin. -
Grenivík-Vel gert hjá Óla Gunnari
Heimilismenn á Grenilundi hafa að undanförnu tekið þátt í hjólakeppninni Pedal On Road Worlds For Seniors. Keppnin stóð yfir frá 7. október til 1. nóvember. -
Jólaljós og lopasokkar í Hofi
Jólatónleikarnir Jólaljós og lopasokkar verður haldnir í Menningarhúsinu Hofi 1. desember næstkomandi og hefjast kl. 17. Þetta er fjölskylduvænir tónleikar, norðlensk framleiðsla og miðaverði stillt í hóf. Alls koma fram fjórir söngvarar, kór, hljómsveit og dansarar. -
Eignarhald bænda á jörðum tryggir hag þeirra best
Umræða um jarðir, jarðaviðskipti og kynslóðaskipti í landbúnaði er og á að vera fyrirferðarmikil í umræðu um stöðu sveitanna. Enda var málefnið eitt helsta umræðuefni á haustfundum Bændasamtaka Íslands. Uppkaup og jarðasöfnun fjárfesta og samkeppnisstöðu landbúnaðar. Um stöðu ungra bænda og eldri bænda sem væru að afhenda bú sín til yngri kynslóða.
