Á annan tug einstaklinga heimilislausir eða í ótryggu húsnæði
Á annan tug einstaklinga eru heimilislausir eða búa í ótryggu húsnæði á Akureyri. Mikilvægt er að bregðast við þeirri stöðu að mati bæjarráðs en það var áður til umræðuá fundi velferðarráðs. Sviðsstjóra velferðarsviðs hefur verið falið að leggja fram mögulegar tillögur til úrbóta og kostnað við þær fyrir 1. maí 2024.
Hulda Elma Eysteinsdóttir formaður velferðarráðs segir að staða í málefnum fólks með fjölþættan vanda sé erfið um þessar mundir. Margir séu á biðlista eftir húsnæði. Akureyrarbær er með 15 íbúðir í notkun fyrir fólk með fíkni- og fjölþættan vanda. Margir sem í þeim búa eigi við erfiðan vímuefnavanda að stríða. Umgengni er oft og tíðum slæm og nokkrar skemmdir hafa orðið á húsnæði af þeim völdum. „Það er ljóst að þessi mikla neysla er eitthvað sem ekki verður snúið við með einföldum hætti og nauðsynlegt að huga að nýjum leiðum til að bregðast við.“
Tvö smáhýsi voru tekin í notkun fyrir fáum misserum og önnur tvö hafa verið afhent. „Við erum þegar farin að skoða staðsetningu fyrir fleiri hús og gerum ráð fyrir að þau verði fjögur talsins.“
Skoða möguleika til að bregðast við
Hulda Elma segir að nú sé að hefjast vinna þar sem allir möguleikar sem fyrir hendi eru verða skoðaðir til að bæta megi úr þeirri stöðu sem uppi er um þessar mundir. „Það verður eitthvað gert í náinni framtíð til að bæta ástandið, sem aldrei áður hefur verið svo slæmt.“
Hulda Elma segir að tala heimilislausra eða þeirra sem búi í ótryggu húsnæði geti þó breyst hratt. Einstaklingar innan hópsins flytji sig á milli landshluta, þeir fari í meðferð eða til afplánunar sem dæmi séu nefnd. „Þetta er ný staða hjá okkur á Akureyri, við höfum aldrei séð svona stóran hóp án húsnæðis áður,“ bætir hún við.
Félagsráðgjafar séu í tengslum við þann hóp sem er á götunni eða búa inn á vinum eða ættingjum. „Staða þeirra er slæm, þau fara á milli húsa og eru oft óvelkomin þar sem þau eru.“
Nýjast
-
Listasafnið á Akureyri: Opnun, fimmtudagskvöldið 28. nóvember
Fimmtudagskvöldið 28. nóvember kl. 20-22 verða opnaðar tvær sýningar í Listasafninu á Akureyri: Sólveig Baldursdóttir – Augnablik-til baka og Átthagamálverkið: Á ferð um Norðausturland liðinnar aldar. Boðið verður upp á sýningarstjóraspjall með Markúsi Þór Andréssyni, sýningarstjóra Átthagamálverksins, kl. 20.40 og listamannaspjall með Sólveigu kl. 21. -
Íslandsþari með ný áform um þaravinnslu á Húsavík
Íslandsþari óskar eftir að fá úthlutað lóðinni að Búðarfjöru 1 á Húsavík til uppbyggingar húsnæðis til úrvinnslu stórþara. -
Betra veður fyrir íþróttakrakkana okkar!
Á ferð minni um okkar víðfema og fallega kjördæmi hef ég lent í allskyns vandræðum í öllum veðrum nú í nóvember. Ég er sannarlega ekki einn um það enda vegir landsins uppfullir af spennandi frambjóðendum í leit að sem flestum samtölum við fólkið í landinu. Frambjóðendur keppast nú við að birta myndir og myndbönd af skafrenningi, snjókomu, blindbyljum og fleira til. Allt til þess gert að sýna fólki hversu vandasamt það getur verið að ferðast um landið í nóvember. Sem betur fer er bara kosið á fjögurra ára fresti og oftast á vorin. Þess vegna er þetta nú frekar undantekning en hitt að frambjóðendur þurfi að vaða út í þetta veður og þessa færð í atkvæðaleit. -
Nærsamfélagið tekur höndum saman
Jólatónleikar til styrktar Sigrúnu Björgu Aðalgeirsdóttur og fjölskyldu -
Jólamatur fátæka mannsins
Einn af mínum allra uppáhalds fuglum er rjúpan. Rjúpan nam hér land við lok ísaldar fyrir um 10.000 árum og kom upprunalega frá Grænlandi. Hún á sér lengri forsögu hér en við. Mér finnst hún ekki bara falleg, hún er brögðótt, á 3 alklæðnaði og þegar hún ver unga sína, þá sýnir hún vanmetna vitsmuni. -
Hver grípur þig?
„Við vildum að fólk gerði sér grein fyrir hvaða þjónusta er í boði og hvert er hægt að sækja hana þegar aðstoðar er þörf, fólki að kostnaðarlausu. Einnig langar okkur með málþinginu að styrkja samstarfið á milli félaganna, að fulltrúar þeirra séu upplýst um aðra kosti sem eru í boði fyrir fólk og geti bent málum í réttan farveg eða til viðeigandi félagasamtaka,“ segir Erla Lind Friðriksdóttir um málþing sem hún stendur fyrir ásamt frænku sinni Birnu Guðrúnu Árnadóttur. -
Sérútbúinn lögreglubíll til landamæraeftirlits
Embætti Lögreglunnar á Norðurlandi eystra hefur fengið til eignar sérútbúinn lögreglubíl til afnota við landamæraeftirlit. Segja má að þar sé á ferðinni fullbúin landamærastöð á hjólum. Landamæra- og áritunarsjóður Evrópusambandsins greiddi 75% kostnaðar og Dómsmálaráðuneytið 25% og skiptu einnig með sér kostnaði við einn starfsmann í þrjá mánuði síðastliðið sumar. -
Klúbbar styrkja Frú Ragnheiði
Klúbbarnir Ladies Circle 7 og Round Table 15 afhentu Frú Ragnheiði rausnarlegar styrk í vikunni, ómetnalegur styrkur . „Við erum svo innilega þakklát og mun þetta nýtast skjólstæðingum okkar vel segir í tilkynningu, en styrkurinn er að upphæð um 630 þúsund krónur. -
Gjaldfrjáls leikskóli dregur úr álagi og bætir líðan barna
Gjaldfrjáls leikskóli hefur reynst áhrifarík leið til að draga úr álagi í leikskólum, á skólastjórnendur og starfsfólk og hefur jákvæð áhrif á börnin.
